1 Samuel 15:2 - Godigo dwagi yai po buku

² te Tigidali Bomo Elalubo Genuai Bidigo po. Genuai Bidigo te Amalek dabeba dwai dene mawaibao po wali, magi baso meni, te dago wąį nǫų dabe te Isip tǫ tagalama asali sogo, te Amalek dabego dwai sę augwaliba yai dao.

1 Samuel 15:2 Referans Kwoze

Israel Hanigo Namba 24:20

Tama te Balamgo te nade suali nai dabe po, te Amalek dabe suali po te profet po augwalide pusali. Agai te po wali, “Te Amalek dabe te bomai bidi hani me deli bidai dao. Tiali goli, augwali nosali mu dolaibao.”

Hosea 7:2

Eno augwaligo ebo kolesagade homu kone me gegeda palogobeo. Menio. Tiali goli, augwaligo te sę yali homu kone palisąwai. Te augwa ebo dwai sęgęgo te augwali mesegelali, tama sesemane sogo eno te sęgę naga sudu gebo dao.” Genuai Bidigo te po wai.

Amos 8:7

E po odao. Genuai Bidi, te Israelgo aga nogi ugwaba sabo God, agai nogo guni sisu muyu, te tiwai bomai po dąų wai, “Eno dage Israel dabego dwai kolesaga ebode homu kone me gegeda palogobeo.

Jeremaia 31:34

Te ena Genuai Bidi, eno po dolo obao, te sogo te bidi dabego te augwa abagi dabe, me augwa ama dede, te po ola mabo po weyu, te tiwai po weyu, ‘Dagego Genuai Bidi koneiąo,’ po me wagobeo. Menio. Te nogi meni yai bidi, me nogi elalubo dabe, tigidaligo ena koneaibao. Magi baso meni, te eno augwa sęgę tagalama, te eno augwaligo yali dwai sę homu kone munu me egobeo,” wali.

Tigidali Nai Gagalama Nigali Side 36:12

Timna te Isogo ogwa Elifasgo nosali sali we, tama Timnago te Amalek ame nani. Te hani ogwa dabe augwali te Isogo we Adago wąį dabe da.

Godigo Nogi Ugwaba Sabo Tęąbi Po Wabo Buku Dabe 83:7

Tama te Gebal dabe me, te Amon dabe, tama te Amalek dabe me dao. Te hani bage dabe, augwali te augwali te Filistia badu, me Tair badu bidali.