1 Samuel 15:17 - Godigo dwagi yai po buku

¹⁷ Tialima, Samuelgo Solba te tiwai po wai, “Polobadu naga homugo nage te olo nai tiwai homu yali, tiali goli nage te da Israel hanigo polalubo tobolu bidi pedelali. Genuai Bidigo digi nage sa munama, tama nage te king bidi pedelai dao.

1 Samuel 15:17 Referans Kwoze

1 Samuel 9:21

Tialima, Solgo Samuelbolo te tama po wai, “Ena te Benjamingo hani bidi, tama eno hani te dwasianu hani naga te Israel dago hani tomode elalubao. Tama eno ayago hani sibi te Benjamingo hani tomode nogi me elalubeo. Tama teyu, magi baso nago te tiwai po enabolo obawe?”

1 Samuel 10:22

Tama tibaso, augwaligo te Genuai Bidiba hanalu, te tama wali, “Te bidi asaliwe, ma meniwe?” Tama Genuai Bidigo po wei ponoyu, te tiwai po wali, “Sol te duga walu doado bage tomode te geme dualalubao,” wai.

1 Samuel 10:1

Tialima, Solgo te sę bidi polasa tagala palai, tama Samuelgo te oliv wel botol dwasianu me deli selama, tama te wel habu te Sol toboluba geliyu, te aga king pedalumainu nigiliyu, sa muani. Tama Samuelgo agaba te gesabidi nono neyu, te e tiwai po wai, “Genuai Bidigo te nage aga we bidi, te Israel dabego king bidi nigilali dao. Tama nago augwali tonalu, tama augwali tau siyu, te boi bidi dabego augwali dolomainu me egobeo. Tama megi eno te nageba nosali pedelabo sę po nagebolo wainogo ebao. Tama nago te sę dabe pedalubo subaso da, te nago koneao, Genuai Bidigo te nage sa muyu, te aga we bidi dabe tonalumainu nigilali dao. Te e tama tiwai sę dabe dao.

Matyu 18:4

Te mena bidi aga digi te aga ebo kolesaga dabe dali aga aiyaba elaluama aga nagamea homu eyu, e wai bǫų tiwai gagawali da, te tiwai kolesaga ebo bidi agai te gasa Godigo tonalubo we bidi dabe augwaligo yali kolesaga aiyaba elaluaibao.

Hosea 13:1

Polobadu te Efraimgo hanigo po obaso, tama te Israel gasa hani wi elama, te po odali. Tiali goli, te Efraim hanigo te tibo god Balba lotu po obaso, augwaligo sęgę salio. Tama tialima, te augwali isaibao po wai dao.

Te Israel Tobolu Bidi Dabe 6:15

Tama Gideongo te tiwai po wei ponani, “Tiali goli, Genuai Bidio, te eno Israel dabe mena tama ma dobola sogowe? Eno hanigo bomo menio. Te gasa Manasego hani dabego da aiyaba elaluali. Tama ena da, te ena hanide te olo nai tiwai elalubao,” wali.

1 Samuel 15:16

Tialima, Samuelgo agabolo te po wai, “Sagia sao. Pedauwali panialuao. Tama eno nagebolo te Genuai Bidigo megi hulide enabolo wali po waibao,” wali. Tama Solgo te po wai, “Te usu da, nago enabolo wao.”