1 Samuel 15:13 - Godigo dwagi yai po buku

¹³ Tialima, Samuel pelama, te Sol sugi pobadi, tama Solgo agabolo te tiwai siade da po wali, “Samuel, te Genuai Bidigo wiegi yai sę bugagia nageba emainao. Eno te Genuai Bidigo po wali pai dao,” wali.

1 Samuel 15:13 Referans Kwoze

Rutgo Po Elalubo Buku 3:10

Tama Boasgo te po wai, “Eno homugo wiegi yai sę Genuai Bidigo nagebolo emainogo, nage gesi wegi we dao. Magi baso meni, te kolesaga megi nago yali, te nago enabolo hanalu wali te nage eno somainogo, te nago naga bidigo ida bugagia tonaluali kolesaga te aiyaba elalualio. Te gesi bidi hauwa bidalubo, mebago doado bage hauwa elalubo, mebago doado bage menio, tiali goli, nage augwali me deli dali te augwaligo somainogo pabo homu te nago ebeo. Menio! Nago naga auwa wede homu naga me yai, te nago enabolo hanalu walio.

Te Israel Tobolu Bidi Dabe 17:2

Agai te aga idabolo po wali, “Te bidi dabego nago mone silva te 1,100 mone te wi sali sogo, nago po weyu, te nai wi sali bidi dolomainao wali. Tama eno te po odai. Suao, te mone enade munalubao. Ena digi eno wi sali!” Tama idago te po wai, “Genuai Bidigo nage mobo momainu yao, te eno ogwa dao.”

Dwagi Yai Gesi Po Lukgo Asęani 18:11

Tama te Farisi hani bidi doligulama, aga homu tomode te po wali, ‘O God, ena da te gasa bidi dabe tiwai meni baso, eno nagebolo nage usu dao obao. Gasa bage augwaligo doado bage pesa ebo dao. Augwaligo te gavmanigo bomo yai po sela sąbo dao. Augwaligo penani ebo dao. Ena da u takis sabo bidi tiwai meni baso, eno nagebolo nage usu dao obao.

Dwagi Yai Gesi Po Lukgo Asęani 17:10

Te dage dali yaligiama, ‘Te sę yao’ po olama, tama te sę dagego silibo si, te po wao, ‘Da da, sę ebo bage naga dao. Dabolo dage usu da po olamuo. Dago nogode muani sę naga dago yalio,’ te po wao,” Jisasgo te po wali.

Bugagia Bidibo Kolesagade Po Asęai Buku 31:31

Dago te wego ebo wiegi yai kolesaga, me te agai ebo wiegi yai sę ebo, tede te dago homugo koneama, tama agaba genuai nogi mao. Te tigidali we bidi te sisinibo pesageba aselama, tama aga nogi uganu sao.

Bugagia Bidibo Kolesagade Po Asęai Buku 30:13

Te meba bidi dabego homugo augwali te wiegi yai mu da homu elama, tama gasa bidi dabe te olo bage te olo tiwai da homu ebo dao.

Bugagia Bidibo Kolesagade Po Asęai Buku 28:13

Te bidigo aga dwai sę yali geme dualabo homu ebo bidi da, teda aga bugagia me bidigobeo. Tiali goli, te bidigo aga dwai sę yali tigidali pusulama, tama te dwai sę dabe tudiba mubaso da, teda Godigo te olo mu tau sabo wiegi yai kolesagago aga bugagia tau saibao.

1 Samuel 15:11

“Odao. Solgo ena tudiba munama, tama eno po sela sąwanio. Tama tibaso, eno aga te king pedalumainu ilali tama eno tede homu dene mu ebao,” wali. Samuelgo te po odama, tama aga homu sęgę eyu, tama haliga dwai yali. Tama te sogo hulide Samuelgo te Genuai Bidiba hanalu, te olo tau sabo wiegi yai homu kolesaga te Solba emainu yali, tama be posobo side te agai gedu haluasa wali po te silagasu, gedu haluasa po walio.

1 Samuel 15:9

Tiali goli, augwaligo te augwa king bidi Agak te elibeo, tama me augwaligo te wiegi yai nisai sipsip wai dabe me, nisai bulmakau wai dabe me, elisąwai, magi baso meni, augwaligo te hagela homu yai dao. Augwaligo te sipsip me bulmakau dabe te dwai yali te gasa tobage kibu sibi dabe naga te ela silali.

Tigidali Nai Gagalama Nigali Side 14:19

Tama Melkisedekgo dwagi yai po e tiwai te Abrambolo wali, “Eno homugo te God Ugwadu Mu Bidibo Bidigo te dagalu dali tǫ dali nigali, agai te wiegi yai sę nage dali yao.

Tigidali Nai Gagalama Nigali Side 3:12

Tama bidigo po wei ponai, “Te nago enabolo mani we eno abagigo, agai te nedu du enabolo mobaso, tama eno tuai dao.”

Bugagia Bidibo Kolesagade Po Asęai Buku 27:2

Te gasa bidi dabego nago nogi ugwaba sobaso da, te usu dao. Tiali goli, naga digi te tama tiabuo. Te sę te nago pedauwaligo yabo sę menio.

1 Samuel 13:10

Te ofa dabe ebo sę tigidali silali madi, teda Samuel sabolali. Tama Sol te lotu bedu buluba teda sobadi, tama aga dali deliba gesabi elama, tama agaba siade da po wai.

1 Samuel 15:20

Tiali goli, Solgo Samuelba te tiwai po wei ponai, “Menio. Eno te Genuai Bidigo po wali palio. Tama ena pelama, te Amalek dabe dali hwįgi pali, te agai enabolo wali po gilama yali. Tama eno te Amalek we bidi tigidali elali. Tama eno te king Agak odasa asai dao.

1 Samuel 25:14

Te sogo te Nabalgo sę ebo bidi me deli palima, te Abigel sugi pali, te Nabalgo we, tama agabolo te tama wai, “Devit te tǫ wa pai bulude bidiyu, tama aga bidi meba tagala palama, te dago genuai bidi Nabalba aselama, tama augwaligo agaba te siade da po wai. Tiali goli, agai po dwai augwaliba manio.

2 Samuel 2:5

Tama tialima, te aga bidi meba tagala palama, te Jabes dabeba te tama po wagi pomainu yali, “Genuai Bidigo te dage wiegi yai bugagia ilimainao, magi baso meni, dagego wiegi yai homu ebo kolesaga te Solba ola mayu, te duga kingba tiali, tama dagego aga tigi pubulali dao.

1 Samuel 23:21

Tama Solgo augwaliba te po wai, “Dagego wiegi yai kolesaga eyu, te ena tau sobao. Tama tiyu, eno homugo te Genuai Bidigo dage wiegi yai bugagia ilimainu yaibao.