1 Samuel 15:11 - Godigo dwagi yai po buku

¹¹ “Odao. Solgo ena tudiba munama, tama eno po sela sąwanio. Tama tibaso, eno aga te king pedalumainu ilali tama eno tede homu dene mu ebao,” wali. Samuelgo te po odama, tama aga homu sęgę eyu, tama haliga dwai yali. Tama te sogo hulide Samuelgo te Genuai Bidiba hanalu, te olo tau sabo wiegi yai homu kolesaga te Solba emainu yali, tama be posobo side te agai gedu haluasa wali po te silagasu, gedu haluasa po walio.

1 Samuel 15:11 Referans Kwoze

1 Samuel 13:13

Tialima, Samuelgo agabolo te po wai, “Nago kolesaga mu geda muanio. Nago te dena Genuai Bidi Godigo te nagebolo mani po, te nago wali me pabeo. Te nago agai po wali pigi sogo da, teda agai nage me, naga hani daligo me, te Israel bage sesemane sogo tonalumainu iligi dao.

Tigidali Nai Gagalama Nigali Side 6:6

Tama Yawego te polobadu bidi de we si tǫgo nigilama, te dwagi yai homu pemene yali, te homu ma koneani. Tiali goli, agai te we bidi hani dabego homu suali, te augwaligo homu te dwai naide naga konebaso, tama tede homu dene eyu, agai te polobadu dwagi yai homu pemene yali tiwai gilama ma ebeo. Te meni.

Godigo Nogi Ugwaba Sabo Tęąbi Po Wabo Buku Dabe 119:136

Eno gela hauwa weyu, tama eno gedu ąį gela gigua umagi mu yaibao, magi baso meni, te bidi dabe augwaligo nago bomo yai po wali pisąbaso, te ena gela wabo dao.

2 Samuel 24:16

Tama te we bidi dolobo sę ebo mobo bidi ensel, aga te Jerusalemba sabolama, tama te Jerusalem dolainu sisi elaluali. Tiali goli, Genuai Bidigo te dwai sę te we bidiba pedalubo sęde te homu dene yali. Tama aga homu hasegelama, tama te mobo bidi enselba te tama po wai, “Tagalao, te usu dao,” wai. Te sogo te mobo bidi ensel te augwa te wit nai ge siyu, tama te bo wali dabe sela sąbo pesage me deli pąde te dolaluali. Te tǫ pedai te Arauna, te Jebus hani bidi me deligo tǫ elaluali.

Jeremaia 9:18

Tialima, te we bidi dabego te tiwai po wali, “Awe, te augwali polo asesą aselama, te daba hobede ebo tęąbi wagasomainao, te da gela umagia weyu, te dago gedude gela guai tulaluyu, te dago gesabidiba dulumainu yaibao,” te po wali.

Godigo Nogi Ugwaba Sabo Tęąbi Po Wabo Buku Dabe 36:3

Sesemane sogo agai te dwai sę yabo po, me te gasa bidi tibo po ola mabo po weyu yaibao. Agai te wiegi yai kolesaga yabo homu te agade me elalubo menio.

1 Samuel 15:35

Tama Samuelgo te Sol gesabidi munu me ma susiąbadi, te aga isiboba usu nani, tiali goli agai te Solde homu kone palu, te aga haliga sęgę mu yalio. Tama Genuai Bidigo Sol te Israel king pedalumainu ilali sęde te aga homu dene mu yai dao.

1 Samuel 15:9

Tiali goli, augwaligo te augwa king bidi Agak te elibeo, tama me augwaligo te wiegi yai nisai sipsip wai dabe me, nisai bulmakau wai dabe me, elisąwai, magi baso meni, augwaligo te hagela homu yai dao. Augwaligo te sipsip me bulmakau dabe te dwai yali te gasa tobage kibu sibi dabe naga te ela silali.

1 Samuel 15:3

Tama tiyu, nage te naga ami dabe dali pelama, tama te Amalek dabe dali hwįgi pelama, tama augwaligo doado bage tigidali dolama, tama tigidali bidi me, we me, ogwa me, wegi me, wai puluba me elibadi, tama tigidali bulmakau me, sipsip me, kamel me, donki me, te ela silao wali. Nago te deli munu me tagalamu dao,” Samuelgo Solbolo te po wai.

Hibru 10:38

Tiali goli eno doloba pai we bidi augwaligo enade konealubo po wali pobaso, tama augwali bidada paibao. Tialima augwali tomode te bidi me deligo ena tagaliyu tama ibaba kila sobaso da, teda eno homu aga dali wiegi yai me egobeo,” te po wai.

Matyu 5:44

Tiali goli megi eno dagebolo obao, dagego duga boi bidi dali dwagi yai homu eyu tama godolo eyu yao. Tama bidi meba augwaligo dagebolo dene mobaso da, teda dagego gedu haluasa po Godibolo wao, te agai augwali dali dwagi yai sę emainogo.

Jeremaia 13:17

Tialima, te dagego po odisąma, te dagego hagoma idubaso da, teda te boi bidi dabego dage Genuai Bidigo we bidi sagaselama, te gasa tǫ kantriba kalabus mugi paibao. Tama tibaso, ena Jeremaia, te enaduba bididu, te dagede gela wedu gedubadi, te eno gedude gela guai gealuama, te eno gesabidiba dualibao wali.

Jeremaia 9:1

Idao! Te eno tobolu te ulu wę me deli tiwai elaluyu, tama te eno gedu sidu te ąį hauwa geligi da, teda eno homu dene dwai mu eyu, gela wabo usu igi da. Te eno giligade me hulide gela udigi da, magi baso meni, te boi bidi dabego te eno hanigo we bidi dabe ela muai dao.

Godigo Nogi Ugwaba Sabo Tęąbi Po Wabo Buku Dabe 125:5

Tiali goli, nago te augwa digi augwa dwai kolesaga wali pabo we bidiba te dwai dene mabo sogo da, teda nago kolesaga tagalubo we bidi tigidaliba nago te dene mao.

Godigo Nogi Ugwaba Sabo Tęąbi Po Wabo Buku Dabe 110:4

Yawe Genuai Bidigo nageba po dąų waliyu, te tiwai wali, “Nage te pris sesemane bidada peyu, bidada pagameo,” wali. “Nage te pris Melkisedek tobage tiwai dao.” Genuai Bidigo te mu po naga weyu, tama agai te aga po me hasegeligobeo.

Godigo Nogi Ugwaba Sabo Tęąbi Po Wabo Buku Dabe 109:4

Eno augwali wei elama, tama eno gedu haluasa po weyu, augwali tau sali, tiali goli augwaligo ena wei me ebeo.

Godigo Nogi Ugwaba Sabo Tęąbi Po Wabo Buku Dabe 78:57

Augwa hagoma elama, agai po sela sąwani, te augwa wąį nǫų dabego te polobadu yali tiwai yalio. Augwali te gagea pai enesigi te enebo dolo pisąbo tiwai yai dao.

1 Samuel 12:23

Tiali goli, eno digi te eno gedu haluasa po sesemane sogo weyu, te dage tau sabo elalueibao. Ma, eno gedu haluasa po wabo tagaligi sogo da, eno dwai sę Genuai Bidiba igi dao. Te eno munu me egobeo. Tama eno dage te wiegi yai doloba pai kolesaga wali pomainu ola mawaibao.

Josua 22:16

“Te Genuai Bidigo po odobo we bidi tigidaligo te tiwai po wali, ‘Magi baso dagego te dwai sę dena Godibolo yaliwe? Dagego te Genuai Bidigo po sela sąnama, tama dagego te duga alta te nigalio! Dagego te Genuai Bidi wali pabo ąǫ me ebeo!

Dwagi Yai Gesi Po Lukgo Asęani 6:12

Te sogo Jisasgo Godibolo po wainu eyu, tama bulu duba holama, moni huli sesabi Godibolo po udali.

Matyu 24:13

Tiali goli, mena bidi aga te tǫ dagalu silibo side bomonama bidali bidi da, teda Godigo aga ma dobola saibao.

Godigo Nogi Ugwaba Sabo Tęąbi Po Wabo Buku Dabe 78:41

Te Israel dabego God te tedali gasa wiegi yai mu dao. Tiali goli, hauwa sogo augwaligo aga usu sabo sę eyu, tama agai wado yabo sę ilali.

Sefanaia 1:6

Te we bidi augwaligo ena tudi ola menama, tama ena wali me asisąma iyu, tama enabolo augwali dodolomainu hanalubo menio. Te eno te we bidi augwali me dolaibao,” Genuai Bidigo te po wai.

Jona 4:2

Tama agai Genuai Bidibolo gedu haluasa po weyu, te po wai, “Genuai Bidio, nago eno po odao. Eno bulu tagalama, e buluba asisiąbadi, tama eno koneani, te nago tama tiaibao naga wai. Tama ena wi peyu, tama ena te tǫ Tarsis teba painu yai. Eno koneani, nage te homu dene elama, olo tau sabo dwagi yai kolesaga ebo God da. Nago sębę polo me egobeo. Menio. Nago dade homu dene genilama mu ebao. Nago homu kolesaga hasegelama, tama nago te bidi dwai ebo wei me ponobeo.

Jona 3:10

Tialima, augwaligo augwa dwai kolesaga ebo tagalali, tama Godigo augwaligo te tebo sę suai. Godigo agai homu hasegelama, tama agai te sę yaibao wali, tama te dwai dene mabo sę agai me ebeo.

Amos 7:3

Te po obaso, Genuai Bidigo homu hasegelama, agai te tama po wai, “Nago te nade suali nai, te pedalumainu me egobeo,” te po wai.

Tigidali Nai Gagalama Nigali Side 6:7

Homu dene mu eyu, tama agai te po wali, “Te eno nigali bidi tigidali te eno ela silaibao, te augwali menade bidada pabo te mu silaibao. Te eno tigidali hasa sibi dabe tigidali me, te ba dabe me, te nai dabe me, tigidali silaibao. Magi baso meni, ena digi ena te nai dabe nigali goli, augwaligo ebo kolesagago enaba dene ilibo dao, tama wiegi yai homu pemene ma egobeo,” te po wai.

Ma Dobola Sali 32:11

Tiali goli, Mosesgo te Genuai Bidigo homu bea sainu, agai bomonama gedu haluasa po aga Genuai Bidi Godibolo e tiwai po wai, “Genuai Bidio, tiyu nago sębęgo naga we bidi augwali dolomainogo sula tagalamuo. Nago te we bidi augwali te Isipde te nago naga genuai bomogo digi te augwali selama, odasa asai dao.

Ma Dobola Sali 32:14

Tama Mosesgo te tiwai gedu haluasa po obaso, tama Genuai Bidi aga homu ma hasegelama, tama aga te we bidi dolainu yali nai te aga we bidiba me tagala palobeo.

1 Samuel 8:6

Tiali goli, Samuelgo te augwaligo hanalu wali pode wiegi yai homu godolo me isiąbaso, tama agai te Genuai Bidiba hanalu, te agabolo mena po walobowe naga te po hanalu wali.

1 Samuel 15:10

Tama Genuai Bidigo Samuelbolo te tiwai po wali,

Tuni Bidi Dabego Po Elalubo Buku Deli 21:15

Tama Godigo te mobo bidi enselgo te Jerusalem dolomainu tagala palali. Tialima Genuai Bidigo suali, te enselgo te Jerusalem elainu ebaso, tama te dwai nai te we bidi augwaliba pedalubo te agai homu dene yalio. Te agai homu hasegelama, tama te ensel bidiba te tama po wali, “Tagalao. Te usu dao,” wali. Te sogo te ensel te augwaligo te nai wit ge siyu, te bo wali sela sąbo pesage me deli pąde dolaluali. Te tǫ dage te Araunago tǫ da, te Jebus hani bidi me deli. Te Araunago me nogi Ornan dao.

Jopgo Po Asęani Elalubo Buku 34:27

agai augwali tigide dene ilibo dao. Magi baso meni. Augwaligo aga tudi ola mobaso. Tama me augwaligo God agai wei ebo kolesaga wali pisąma ebaso tebo dao.

Jeremaia 11:10

Augwaligo ena tagalama, te augwa wąį nǫų dabego dwai kolesaga wali ma pobao. Te augwaligo eno po sela sąyu, te augwa wąį nǫų dabego yali tiwai ebao. Te Israel hani me, Juda hanigo me, te tibo godiba lotu weyu, tama eno augwa wąį nǫų dabe dali dąų wali bomo yai po te bolobo dao.

Jeremaia 34:16

Tialima, megi da, dagego homu ma hasegelama, tama te we bidi dabe augwa homu wali pelama, te olo bilali, dagego augwali ma selama, te augwali dagego olo sę ebo bidi me sę ebo we ma pedelali. Te kolesaga yaligo te dagego eno genuai nogi aiyaba elaluali tiwai yali dao,” wali.

Esekiel 18:24

“Tiali goli, te doloba pai bidi me deligo te doloba pai kolesaga tagalama, te tobage eno godolo menisąbo dwai dwai kolesaga eyu, te dwai bidi dabego ebo kolesaga tiwai ebaso da, teda aga bugagia bidaiba homu ebo da, agawe? Mu menio. Te eno agai wiegi yai kolesaga yalide homu kone munu ma palogobeo. Agai te enaba homugo kęą pai kolesaga togolama, tama ena tudiba munama, te dwai sę yali, tibaso te aga isimainao,” wai dao.

1 Samuel 16:1

Nosali Genuai Bidigo Samuelbolo te tiwai po wali, “Nago sesemane sogo te Solde haliga sęgę elaluai. Nisu sogo nago te haliga sęgę elalubo silaibawe? Eno aga sela sąwanio, tama eno gedude aga te Israel king munu ma bidibeo. Tialima, eno homugo megi nago te sipsip gąų me deli selama, tama tede te king bidi sa muabo oliv wel tabilao, tama nage pelama, Jesi sugi pao, te Betlehem bidi me deli, magi baso meni, eno te agai ogwa dabede te ogwa me deli te king pedalumainu nigilai dao,” wali.

Te Israel me Juda Hani Sigo Tuni Bidigo Po Elalubo Buku Deli 11:9

God, te Israelgo Genuai Bidi, te si sogo Solomonba pedelama, tama agabolo te tibo godiba lotu wagio po olama, te habu selali. Tiali goli, Solomongo te Genuai Bidigo po sela sąnama, te aga tudiba muani. Tama tialima, Genuai Bidigo Solomonba wado po weyu,

Tuni Bidi Dabego Po Elalubo Buku Deli 10:13

Sol isali, magi baso meni, agai Genuai Bidigo po bugagia wali pabeo. Menio. Agai te Genuai Bidi bomai po sela sąwani. Tama agai te isali bidi dabego noma bidiba hanalu te agaba mena sunumi ola mabo te agai wali painu yali,