1 Samuel 14:51 - Godigo dwagi yai po buku

⁵¹ Te Sol aga aya Kis, tama Kis me Ner, augwali si te Abielgo ogwa si dao.

1 Samuel 14:51 Referans Kwoze

1 Samuel 9:1

Bidi me deli bidai, te bidi nogi Kis, te Benjamin hani bidi. Kis te Abielgo ogwa, tama Abiel te Serorgo ogwa, tama Seror te Bekoratgo owga, aga te Afiago ogwa dao. Kisgo doado bage hauwa elaluali, tama te gasa bidi dabe tomode te aga nogi elalubo bidi bidai.

1 Samuel 9:21

Tialima, Solgo Samuelbolo te tama po wai, “Ena te Benjamingo hani bidi, tama eno hani te dwasianu hani naga te Israel dago hani tomode elalubao. Tama eno ayago hani sibi te Benjamingo hani tomode nogi me elalubeo. Tama teyu, magi baso nago te tiwai po enabolo obawe?”

1 Samuel 14:50

Te Solgo we nogi te Ahinoam, te Ahimasgo wegi da. Tama Solgo ami polalubo tobolu bidi te Apner, te Nergo ogwa, tama Ner te Solgo aya sabi bidi dao.

1 Samuel 26:5

Augwali aselama, Devitba wagasobaso, tama Devit hogodama, te Sol bidagasobo pesageba pelama, tama te Sol me te polalubo ofisa bidi, Apner, te Nergo ogwa, augwali si pibo pesage te bugagia sula sali. Sol te pesage nigali tomode pibadi, tama aga ami dabego aga bagulama piai.