1 Samuel 14:48 - Godigo dwagi yai po buku

⁴⁸ Tama Solgo te ami bidi dabe haliga hodolama, hwįmainu elama, tama augwaligo hwįbo bomo mu elama, tama te Amalek dabe me aiyaba elaluali. Tama tibaso, te boi bidi dabe te Israel dabe dali hwįagasu munu me asobeo.

1 Samuel 14:48 Referans Kwoze

Bomai Po 25:19

Tama tialima, Godigo te bulu dagebolo mabo sogo tama bugagia bagulama, tama boi bidi dabe pąde bidalubo bagego dage me dologobeo. Teda dagego Amalek dabe tigidali elama isilao. Tama tilama da, te bidi dabego augwali kone me egobeo. Dagego te tama tiyąo. Dagego munu me gegeda pelamo dao,” Mosesgo te Israel dabebolo te po wai.

Ma Dobola Sali 17:14

Tama nosali Genuai Bidigo Mosesbolo te po wai, “Te po te buku me delide asęnama, te we bidi augwaligo homude konealumainao. Te po e tiwai, ‘Genuai Bidi eno te Amalek dabe mu silaibao silama, tama te we bidi dabego homugo augwali munu me ma konegobeo.’ Tama nago te po Josuabolo me mao,” te po wali.

Ma Dobola Sali 17:8

Tama nosali Amalek hani bidi dabe aselama, Israel dabe te Refidim bulude bidibadi hwįagasai.

Te Israel Tobolu Bidi Dabe 2:16

Megi da, Genuai Bidigo te Israel dabebolo te bomo yai tobolu bidi meba mani. Te tobolu bidi dabego te Israel dabe tau selama, tama te hwįbo boi bidi dabe, me te doado bage wi sagasobo bidi dabego nogode ma dobola sali.

2 Samuel 1:22

“Te Jonatango enesigi te nai dwai mu elaluali. Te munu me geda musiąwai. Tama te Solgo bainat hwą te olo me munalubeo. Menio. Te bainat hwągo te bomai ami bidi dabe eliyu, tama te boi bidi dabego kaneme tede pągąnaluai dao.