1 Samuel 14:47 - Godigo dwagi yai po buku

⁴⁷ Te Sol Israel dabego king mu pedelali sogo, aga dali, te aga ami bidi dabe dali, te Israel dabego boi bidi te tigidali tǫ pedaide bidalubo bage dali hwįani. Augwaligo te Moap dabe me, Amon dabe me, Idom dabe dali, me te Filistia dali, me te Soba king dabe dali hwįani. Tama te hwįani te augwaligo te boi bidi dabe tigidali aiyaba elaluama, tama te boi bidi dabeba dene mayu yai dao.

1 Samuel 14:47 Referans Kwoze

2 Samuel 10:6

Te Amon dabe augwa koneani, augwa te tiali kolesagade te Devitgo haliga sębe mu ilabo sę yali homu yai. Tama tiyu, te Devit augwali dali hwįagaselama, augwali aiyaba elaluidali homu eyu, augwa te bidi meba te Siria tǫba tagala palama, te Betrehop bulu bidi dabe me, Soba bulu bidi dabe, augwali dali te bomai po dąų walali. Tama te bulu side te ami bidi umabo mu, te 20,000 bidi tagala palu, te Amon dabe dali hwįbode tau sagasomainu tialio. Tama te Amon dabego te Top bulu bidi dabe dali me te bomai po dąų walama, te ami bidi umabo mu, te 12,000 bidi sainu tiali. Tama te Amon dabego te Maka bulu king bidi dali me bomai po dąų walama, te augwali te Devit dali hwįbode tau sabo ami bidi dabe umabo, te 1,000 bidi me abelama, salio.

1 Samuel 14:52

Te Sol king bidali sogo, agai ami bidi dabego te Filistia dabe dali hwįbo bomo mu yali. Tama agai te hwįbode wi isiąwai bomai bidi dabe te olo bidibo subo si da, teda agai augwali selama, tama augwali te aga ami bidi dabe pedalumainu sai dao.

Te Israel me Juda Hani Sigo Tuni Bidigo Po Elalubo Buku Si 14:27

Tama te Genuai Bidigo te Israel hani augwali mu silaibao po me wai menio, tama augwaligo nogi me tigidali silaibao po me wai menio. Tama teyu, agai te king Jeroboam dąį ilali, Jeroboam aga te Jehoasgo ogwa da, te bidigo bomo elama, te Israel hani te boi bidigo nogode augwali ma somainogo dąį ilai.

Te Israel me Juda Hani Sigo Tuni Bidigo Po Elalubo Buku Deli 11:23

Te Godigo te Solomonba boi bidi yabo gasa bidi me deli ma pedalumainu ilali. Te bidi aga nogi Reson, te Eliadago ogwa dao. Polobadu Reson te king Hadateser te Soba bulu tǫ bidide sę yali, tiali goli aga wi pelama, tama aga te hwįbo hani bidi, me te nai wi sabo bidi, te polalubo bidi pedelama bidali.

2 Samuel 8:3

Tama nosali, Devit dali, te aga ami bidi dali, augwa te Soba tǫ kingba boi hwįgi pali, aga te Hadateser, te Rehopgo ogwa dao. Soba bulu tǫ te Siria hani bage me deligo tǫ pedai elaluai. Te sogo Hadatesergo aga ami bidi dabe selama, tama te wę Yufretis pedai badu pidubo sę elama, te boi bidi dali hwįainu yali, te aga tǫ pedai ma sainu yali. Tama Devitgo hanigo augwali sisinama,

1 Samuel 13:1

Te Solgo kibu be 40 elalubadi, te aga king bidi pedelali, tama aga king nigilama bidibadi, te 22 kibu be bidai dao.

1 Samuel 12:2

Tama agai ena bidali pesage hasegelama, tama dageba te wiegi yai sunumi ola mawaibao. Tiali goli, ena monu dabe elama, tama ena tobolu nisi te ili nisi yali, tama eno wai dabe te genuai, dage tiwai yalio. Ena te dagego polalubo bidi bidali, te ena gesi ogwa bidide bidada asali, te megi e sogoba usu nagasobao.

1 Samuel 14:46

Tialima, te sogo nosali, Solgo te Filistia dabe ma pobeasa me pabeo. Tama te Filistia dabe te augwa tǫ pedaiba ma geasa pai.

1 Samuel 21:7

Te sogo te Idom bidi me deli, aga nogi Doek, te Godigo bede bidu, tama te ofa ebo sogo tonaluali. Tama agai suali, Ahimelekgo te bret Devitbolo mabo suai. Doek te Solgo bulmakau dabe tonalubo bidi me deli, tama aga te bomai bidi mu dao.

Tigidali Nai Gagalama Nigali Side 19:37

Tama gomunai wegigo te ogwa ame nani, te ogwa nogi Moap poai. Te we bidi hanigo wai nogi Moap nogi poai dao.

Tigidali Nai Gagalama Nigali Side 19:38

Tama tomo wegigo me te ogwa ame nani, te ogwa nogi Benami poali. Te bidi da, te Amon we bidi hani dabego wąį monu dao.

Tigidali Nai Gagalama Nigali Side 36:1

Te e da, te Isogo hani wai dabe, te augwaligo Idom nogi me poali.

Tigidali Nai Gagalama Nigali Side 36:8

tama aga te Seir dabego bulu du dabe elalubo tǫba bidigi pali. Idom te Isogo gasa nogi me dao.

Tigidali Nai Gagalama Nigali Side 36:19

Te e da, te Isogo hani wai dabe, tama gasa nogi Idom, te augwaligo tobolu bidi dabe dao.

2 Samuel 1:22

“Te Jonatango enesigi te nai dwai mu elaluali. Te munu me geda musiąwai. Tama te Solgo bainat hwą te olo me munalubeo. Menio. Te bainat hwągo te bomai ami bidi dabe eliyu, tama te boi bidi dabego kaneme tede pągąnaluai dao.

2 Samuel 8:15

Devitgo te Israel tǫ pedai tigidali badu tonalu, tama agai wiegi yai doloba pai kolesaga te tigidali we bidi dali yalio.