1 Samuel 14:43 - Godigo dwagi yai po buku

⁴³ Tama tialima, Solgo Jonatanba hanalu wali, “Nago magi sę yaliwe?” Tama Jonatango te po wai, “Eno te tolasa bilibo donode te dwasianu kiabi bunu ge naga te sela tuali. Tiali goli, tagalao, ena isimainu yaibao,” wali.

1 Samuel 14:43 Referans Kwoze

Josua 7:19

Tama Josuago Akanbolo te po wai, “Ogwao, megi nage te Israel dabe dago Genuai Bidi God gedude dolugulama, tama nago te yali sę po dabe hanilama, hania pusao. Nago enade magi sę me deli munu me dualigio,” wali.

1 Samuel 14:27

Tiali goli, Jonatango aga ayago te ami bidi dabe dali wali po te agai odisiąwai. Tama agai te tolasa bilibo dono sesegede te kiabi bunu meba elalubo selama, tama agai tuali. Agai tula silibo si, tama polo aga bomo ma sai.

1 Samuel 14:42

Tama megi da, Solgo tama po wali, “Te dego dwai sę yaliwe naga gegebo sę ebo tobage kolesaga eyu, ena ma Jonatan da si yaliwe, te sueibao.” Tialima, augwaligo tama tiali, tama te masigigo te Jonatan dąį ilali.