1 Samuel 14:40 - Godigo dwagi yai po buku

⁴⁰ Tialima, Solgo te tama po te tigidali Israel dabebolo wali, “Dage tigidali u badu pedai badu dolaluiąo, tama Jonatan da si te e pedai badu dolalueibao.” Tama augwaligo te po wali, “Te usu da, dago te tama tiaibao,” wai.

1 Samuel 14:40 Referans Kwoze

2 Samuel 15:15

Tialima, te kingo ofisa dabego te tama po wei ponani, “King o, te nago mena sę yainogo ebo, dago te nage wali pabo naga te sisi elalubao,” wali.

1 Samuel 14:36

Nosali, Solgo aga bidi dabebolo te tiwai po wali, “Ae, da aiyaba dulama, tama te Filistia dabe hulide pobeasa pelama, tama augwali dali wąbi hwįdubadi, te giliga pedalumainu yaibao. Tama dago te bidi dabe tigidali elama, tama augwaligo doado bage saibao,” wali. Tama augwa te po wai, “Te usu dao, dago tama tiwai yaibao.” Tiali goli, prisgo te po wai, “Te Godiba dago hanalu bolo ebo dao,” wai.

1 Samuel 14:7

Tama aga hwįbo nai tolasa bilibo bidigo te po wai, “Te usu dao. Nago mena sę yainogo ebaso da, teda eno deli haliga nage dali yaibao,” wai.

1 Samuel 14:39

Genuai Bidi te sesemane sogo bidada pidu, tama da Israel dabe tau sabo, tama aga nogide eno te tiwai bomai po dąų wali, te dwai sę yali bidi aga isimainao, te mena bidi yaibaso me te tagalao, te isimainu yaibao. Tama te dwai sę Jonatango me yaibaso da, te eno wai tama digi tagalao, aga te isimainu yaibao.” Solgo te po wai. Tiali goli, te niwai bidi me deligo te po wei me ponobeo, mu menio.

1 Samuel 14:41

Tialima, Solgo Godiba hanalu wali, te Israel dabego Genuai Bidiba hanalu, te tiwai wali, “Genuai Bidio, magi baso nago eno po wei ponobewe? God, te Israel dabe dago Genuai Bidi, te eno ma te eno ogwa Jonatango te dwai sę yaibaso da, teda nago te prisgo te polalubo masigi somainu dąį ilao. Tiali goli, te gasa Israel we bidigo te dwai sę yaibaso da, teda nago te prisgo te namba 2 masigi somainu ilao,” wali. Tialima, Godigo odama, tama prisgo te Jonatan dali Sol si naga dąį ilibo masigi sali, tama te olo we bidi dabe menio.

1 Samuel 1:23

Tialima, Elkanago Hanabolo te po wali, “Te nago homugo te tiwai ebo wiegi yai da homu ebaso da, teda nage te bulude bidiyu, tama te waigo ame tubo tagalubo si usu nao. Tama Genuai Bidigo te nago dąų walali po te mu pedelama, te agai wali po tiwai gilama emainao,” wali. Tama tiyu, Hana te bulude bidama, tama aga wai bugagia tonaluai.