1 Samuel 14:39 - Godigo dwagi yai po buku

³⁹ Genuai Bidi te sesemane sogo bidada pidu, tama da Israel dabe tau sabo, tama aga nogide eno te tiwai bomai po dąų wali, te dwai sę yali bidi aga isimainao, te mena bidi yaibaso me te tagalao, te isimainu yaibao. Tama te dwai sę Jonatango me yaibaso da, te eno wai tama digi tagalao, aga te isimainu yaibao.” Solgo te po wai. Tiali goli, te niwai bidi me deligo te po wei me ponobeo, mu menio.

1 Samuel 14:39 Referans Kwoze

2 Samuel 12:5

Devitgo Natango te wali po odolama da, teda Devit aga haliga sębe dwai mu te mone hauwa elalubo bidi dali eyu, tama po wali, “Te Genuai Bidigo nogide, eno mu po tama obao, te tobage kolesaga yali bidi te aga dwai bidi mu dao. Te augwaligo aga ela muabo sunumi te wiegi yai mu tama nigali dao.

1 Samuel 14:44

Tialima, Solgo agabolo te po wai, “Awe, nage isimainao. Dago te nage elisąbaso da, teda eno dwai sę te Genuai Bidi gedude elalubaso, tama Godigo ena ela muaibao,” wali.

1 Samuel 14:24

Te hwįani sogode Solgo bomai po te Israel dabeba wali. Agai te tiwai po wai, “Megi naga eno te boi bidi dabeba te dwai sę yali wei ponama, tama augwaliba dene mu mawainu ebao. Tama tiyu, dage tigidali bidi te nai me deli tusiąma, te giliga dega sigiluboba usu nao. Te bidi mego nai tuali da, teda eno homugo te Godigo aga dolomainu yaibao,” wali. Tama tibaso, te bidi mego nai me tusiąma, tama te Israel dabe tigidali te nasi dwai mu elama, tama bomo mu meni yani.

Kolesaga Koneai Bidigo Pusali Po Elalubo Buku 9:2

Tialima, te nai me deli da tigidaliba pedelabo elalubao, te da doloba pai bidi, ma dwai bidi, ma da wiegi yai bidi me, ma da meda meni yai bidi me, ma da God gedude meda yai bidi me, ma ofa yai bidi, ma ofa isąwai bidi yaibaso, te tagalao. Deli tigi poai sę te wiegi yai bidiba me dwai sę ebo bidiba pedelaibao. Te deli tigi poai sę te Godiba po dąų wali bidiba eyu, te Godiba po dąų wasiąwani bidiba pedelaibao.

1 Samuel 28:10

Tama Solgo agaba te tiwai bomai po me deli dąų waliyu, te tiwai po wali, “Te Genuai Bidigo nogide eno te mu po nageba dąų walu obao, nago te sę ebaso da, teda augwaligo nageba te dwai dene me iligobeo,” wali.

1 Samuel 22:16

Tiali goli, kingo te po wali, “Tagalao. Eno nago po me odogobeo. Nage dali, naga hani bage, dage tigidali isimainu yaibao.”

1 Samuel 20:31

Magi baso meni, te bidi bidibo sogo digi, nago te tǫ pedaide king bidi me pedalugobeo. Tama tiyu, nago te bidi polo tagala palama, te aga selasa asao, te eno aga ela muaibao,” wali.

1 Samuel 19:6

Solgo Jonatango te wali po odama, teda tialima agai bomai po me dąų walu, te po wai, “Eno mu po te Sesemane Sogo Bidibo Genuai Bidigo nogide obao, eno Devit munu me ela mugobeo,” wali.

1 Samuel 14:40

Tialima, Solgo te tama po te tigidali Israel dabebolo wali, “Dage tigidali u badu pedai badu dolaluiąo, tama Jonatan da si te e pedai badu dolalueibao.” Tama augwaligo te po wali, “Te usu da, dago te tama tiaibao,” wai.

2 Samuel 14:21

Te we pai madigi, tama nosali kingo te Joap i olama asobo si, tama agai te tama po Joapbolo wali. “Odao. Eno nago homu wali peyu, usu da po wali. Tama tialima, nage pelama, te Apsalom sigi pelama, tama aga odasa asao,” wali.