1 Samuel 14:27 - Godigo dwagi yai po buku

²⁷ Tiali goli, Jonatango aga ayago te ami bidi dabe dali wali po te agai odisiąwai. Tama agai te tolasa bilibo dono sesegede te kiabi bunu meba elalubo selama, tama agai tuali. Agai tula silibo si, tama polo aga bomo ma sai.

1 Samuel 14:27 Referans Kwoze

1 Samuel 30:12

tama te ni fik du wai dwasianu me deli duani te augwa olali te me selama, tama te wain du wai duani si me augwa te wai ilali, te tama nai meba mawai. Aga te nai me wę tusiąbadi, te sela sogo mu nai sili bidai, tama aga te nai sigo mu selama, tama bomo meni yai. Tama tialima, aga te nai tula silibo si da, aga te bomo ma salio.

1 Samuel 14:43

Tama tialima, Solgo Jonatanba hanalu wali, “Nago magi sę yaliwe?” Tama Jonatango te po wai, “Eno te tolasa bilibo donode te dwasianu kiabi bunu ge naga te sela tuali. Tiali goli, tagalao, ena isimainu yaibao,” wali.

1 Samuel 14:29

Tialima, Jonatango agabolo te po wai, “Eno ayago te wali pogo te da tigidali dolalio. Dagego ena suao. Eno te dwasianu hanamu naga tuali goli, te ena bomo ma salio.

Bugagia Bidibo Kolesagade Po Asęai Buku 25:26

Te doloba pai bidi aga te dwai bidigo te dwai sęba kekemainu eyu da, teda te wiegi yai ulu wę dunugu pedalubo tiwai ebao.

1 Samuel 14:28

Tama bidi me deligo Jonatanbolo te po wai, “Da tigidali nasi eyu, bomo meni ebo, magi baso meni, te nago ayago da te nai tugio olama, habu seliyu, tama dabolo po bomonama te tiwai po wai, te bidi me deligo e boi hwįbo sogo bubugade te nai me tubaso da, teda Godigo aga dolaibao po wai dao,” wali.

Bugagia Bidibo Kolesagade Po Asęai Buku 24:13

Eno waio, nago te bunu ge hani tuao, te wiegi yai nai tama te nago pedauwalide pusu mu yaibao.