1 Samuel 14:11 - Godigo dwagi yai po buku

¹¹ Tialima, augwali si pelama, te pepeli diliba doligi pelama, tama te Filistia dabego augwali si suali. Tama te Filistia dabego te po wai, “Suao! Te Hibru bidi meba te augwa geme dualaluali dedagedu teda asai dao.”

1 Samuel 14:11 Referans Kwoze

1 Samuel 13:6

Tialima, te Filistia dabe dali te Israel dabe dali boi hwįani. Tiali goli, te Filistia dabego hwįbo te bomo mu ebaso, tama te Israel dabego koneani, te augwaligo bomogo te boi bidi dabe aiyaba elaluabo homu ebeo. Tama tibaso, te Israel dabe meba te tǫ dedageba geme duala sigi peyu, te genuai bulu duba duala sigi peyu yali, tama meba te genuai masigi ola be tomoba duala sigi peyu, tama meba te wę ulu pedalubo tǫ dedage tomoba pelama, duala sigi pali.

1 Samuel 14:22

Tama te meba Israel dabe te Efraimgo bage bulu dude geme dulaluali bage, augwaligo te tiwai po odali, te Filistia dabe wi palio wai. Tama augwali aselama, te Sol de Jonatan si tau selama, te Filistia dabe pobeasa pali.

Te Israel Tobolu Bidi Dabe 6:2

Te Midian dabego bomogo te Israel dabego bomo aiyaba mu elalubaso, tama te Israel dabe te Midian dabede wi ebaso, augwali te masigi dedagede me gasa bulude me te augwali geme duala sigi pela silama, tama te Midian hani bidi dabego augwali gegainu ebo usu meni yani.

2 Samuel 22:46

Augwa bomo haga wali, tama augwa bomai hanu tagalama, tama augwali didibili dali enaba asai.”

1 Samuel 29:3

Tama te Filistia ofisa dabego te Devit aga hani bidi dali asobo sulama, tama augwa te po wali, “Magi baso te Hibru dabe ede bidalubawe?” Tialima king Akisgo augwaliba te po wali, “Te aga da Devit dao, polobadu aga te Solgo ofisa bidi me deli da, te Israel king bidi dao. Tiali goli, aga te hauwa sogo mu te ena dali bidali. Tama tigidali sogo me aga ena dali bidali, te eno agade te dwai sę ebo me gegebeo,” wali.