1 Samuel 14:1 - Godigo dwagi yai po buku

¹ Me sogo side nosali, Jonatango te aga gesi ogwa bidi ami bidi te hwįbo sesemone tolasa bilibo bidibolo te po wai, “Da si te Filistia dabe bidibo pesage, te pedai badu pinao,” wali. Tiali goli, Jonatango te aga aya Solbolo weyu, te aga paiba po me wabeo.

1 Samuel 14:1 Referans Kwoze

Maika 7:5

Awe, te sogo te ogwa dabego te augwa aya dabeba posobo po dwai weyu, te wegi dabego augwa ida dabego po sela sąyu yaibao. Te bidigo sali we dabego te augwa auwa dabe dali konila po weyu yaibao. Te bidi aga we wai dali te boi bidi pedelaibao. Tibaso, nago te naga abagigo wabo po me, hai namugo po me, te osola suao, dua dao. Tama nago te naga we dali wabo po tigidali me, te bugagia tonalu te yao.

1 Samuel 25:19

Tama agai aga sę ebo bidi dabebolo te tiwai wai, “Dagego te donki dabe polasa sela piduao. Te ena dage wali asaibao,” wali. Tiali goli, agai te tama tiali sęde te aga bidibolo me walobeo.

1 Samuel 13:22

Tama te hwįbo sogo, Sol de Jonatan sigo naga te sesemone me bainat hwą elaluali, tama te Israel ami bidi dabego te nai me elalubeo, menio.

1 Samuel 13:2

Te Sol king bidi pedelama bidali sogo, te Israel dabe deli madi sisinaluali, tama Solgo te Israel bidi dabe te bidi sese umabo, te 3,000 bidi, te ami bidi nigilama, tama gasa bidi dabe te augwa buluba ma tagala palali. Agai te ami bidi dabede te bidi sese umabo, te 2,000 ami bidi te agai selama, tama augwali aga dali te bulu Mikmas te Betel bagego bulu dude bidaluai. Tama agai te 1,000 ami bidi te Jonatan dali tagala palali, te aga ogwa, tama augwali pelama, te Gibea tǫ te Benjamingo hanigo tǫ tomoba bidigi pali.

Te Israel Tobolu Bidi Dabe 14:6

Tiali goli, Godigo Mobogo agaba bomo menama, tama agai te laion nogogo naga tola selama elali, te bidigo te meme wai me deli nogogo ela mubo tiwai gilama yai. Tiali goli, Samsongo te aga aya de ida sibolo te sę yali po me wabeo.

Te Israel Tobolu Bidi Dabe 6:27

Tialima Gideongo aga sę ebo bidi nogo si selama, tama augwaligo te Genuai Bidigo wali po selama, te tiwai sę yali. Tiali goli, Gideongo te sę te giligade me ebeo, magi baso meni, aga deli hani sibide wi ebaso, tama me te hanu tomode bidalubo bidi dabede me wi yali. Tama tibaso, agai te sę hulide yai dao.

1 Samuel 13:23

Te sogo te Filistia dabego te ami hani meba tagala palama, te Mikmas pąde elalubo sunumi bobegela sigi pomainu yali, te bulu du si sau pado tomodu pabo sunumiba no bidigi pomainu, tagala palai dao.

1 Samuel 14:2

Te sogo Solgo ugwa be te ni pomigranet dologode sę yani, te Mikron bulu, te Gibea tǫ pąde, tama te ami bidi dabe te 600 te aga dali te Mikronde bidai.

Te Israel Tobolu Bidi Dabe 14:9

Agai te ganoma bunu meba te agai nogogo selama, tama aga tųdu peyu, te sunumi wali pai. Tama aga aya de ida si bidibo madiba sabolama, tama te bunu ge pedai augwali si menama, tama augwali sigo me tuali. Tiali goli, agai te ganoma bunu ge te laion tigide sali nai po te augwali sibolo me wasiąwai.