1 Samuel 13:5 - Godigo dwagi yai po buku

⁵ Tama te sogo te Filistia dabe hauwa sisinagaselama, te Israel dabe dali hwįainu yali. Augwaligo boi hwįabo karis te bidi sese umabo mu, te 3,000 elaluali, tama te ami bidi 6,000 te hosde duayabo elaluai, tama tǫdu pabo ami bidi umabo mu, te nambisde masigi sane kemi tiwai elaluai. Te ami bidi dabe te Mikmas, te giliga pedalubo pedai badu, te Betaven te badu pelama, tede te augwa bidabo pesage nigilama bidai.

1 Samuel 13:5 Referans Kwoze

1 Samuel 14:23

Tama augwaligo te Filistia dabe pobelama, tama hwį hwį pedubadi, te Betaven edelama, tama mu hwį hwį palio. Tama tiyu, te sogode Genuai Bidigo te Israel dabe tau selama, tama augwali aiyaba elaluali.

Josua 11:4

Augwaligo te po odama, tama augwali te augwa ami bidi dabe tigidali augwali dali asai. Tama augwali te bidi hauwa umabo mu elaluali, augwaligo ami bidi dabe te nabis masigi sane usu tiwai. Tama augwaligo hwįbo nai hos me karis hauwa mu elaluai.

Josua 18:12

Te not pedai badu te augwaligo tǫ sabo dąį gagali, te wę Jordande gagalasa pelama, te dwasianu bulu duba holama, te not pedai badu te bulu Jerikoba sabolali. Tama dąį pali, te giliga dega sigi pabo te bulu dude begelalima, te masigi kemi olo tǫ badu te Betaven, teba dąį igi pali.

Hosea 10:5

Te bulmakau gol Betelde elaluali te dolaibao, tama te taun Samariade bidali we bidi te augwali wi elama, te bulmakaude homu dene yaibao. Te tibo godide sę ebo we bidi, me pris dabe, augwali agade te homu dene eyu, gela waibao, magi baso meni, te Asiria dabego aga au dobage hųgia sąnama, te aga dolaibao.

Hosea 5:8

“Dage Gibea, dage Rama, dage Betel, dage Benjamin, te bu wabo nai biugel bu waiąo. Bomonama i wao. Udada peyu, te boi hwiąo.

Hosea 4:15

“Dage Israel we bidi te penani we tiwai elama, tama dagego ena tagalalio. Tiali goli, tiyu dage te Juda we bidigo te tobage kolesaga tiwai igimio. Dage munu me te tibo lotu te Gilgalba ma te Betelba me wagi pelamuo. Dagego te tebo kolesagago te Betel te dwai pesage pedalubo tiwai ebao. Tama teyu, te eno be tiwai ąǫ me egobeo. Tama te bulu pesage side, dagego te po dąų walobo po te eno nogide me wagio, ‘Genuai Bidi te sesemane bidada pabo dao.’

Jeremaia 15:8

Eno te ami bidi hauwa ela muani, tama augwa we dabe te augwa naga olo bidali. Te we dabe namba umabo mu bidai, te nambisde masigi sane aiyaba elaluali. Te giligade digi eno te boi bidi dabe tagala palama, te ami bidi dabego ida dabe ela muagasali. Deli sogo mu tama eno augwaliba te genuai dene menama, te augwali wi dwai mu ilai dao.

Aisaia 48:19

Te dagego wai dabe te hauwa mu, te nambis ąį masigi kemi sane tiwai pedeligi da. Te eno augwali bugagia tonalu, te augwa nogi te e tǫde mu sia sigi menigi da.,” te po wali.

Tuni Bidi Dabego Po Elalubo Buku Si 1:9

O God, Genuai Bidi, nago enabolo tonalumainu mani te we bidi augwali hauwa mu dao, tama te bidi dabego augwali nedebo usu me egobeo. Tama tialima megi da, eno aya Devit dali nago dąų wali po usu nagasa homu ebao.

Te Israel Tobolu Bidi Dabe 7:12

Te Midian dabe me te Amalek dabe me, tama te kemi tǫ masigi wa pai bulude bidalubo bidi hani me, augwali te tǫ malu bulude te genuai kuli mano hani tiwai te bulu odogode bidada pai. Tama augwali te boi hwįbo tau sabo kibu kamel dabe te hauwa umabo me te ąį sanede ebo masigi kemi tiwai elaluali.

Josua 7:2

Josua te Jerikode bidiyu, tama bidi meba te bulu nogi Ai teba tagala palai, te hanu me deli te giliga pedalubo badu te Betel badu, te Betaven pąde elaluai. Agai augwalibolo te hanu susa biligi pao po wai. Tialima, te bidi dabe augwali pelama, tama tiwai igi pai.

Tigidali Nai Gagalama Nigali Side 22:17

Eno te tiwai po obao, te eno nago hani wąį dabe te wai puluba hauwa mu, te dagalude hǫ, me te tamu ąį sanede masigi kemi tiwai hauwa mu pedelaibao. Tama nago wąį hani wai dabe augwaligo te boi bidi dabe augwali aiyaba mu elaluama, tama augwaligo doado bage mu saibao.

Polgo Po Pas Rom Dabeba Asęani 9:27

Tama te gasa polobadu Godigo po pusali bidi Aisaiago te Israel hanide po olama tama te tiwai i wali, “Tama te Israel dabe augwaligo hani nedebo namba te ąį sanede elalubo masigi kemi tiwai pedalubaso da, tagalao, teda Godigo augwali meba naga dią selama, tama dwasianu hani naga ma dobola saibao.

1 Samuel 7:13

Genuai Bidigo te tiwai sę dabe elama, tama te Filistia dabe aiyaba elaluama, te augwali paliama, tama augwaligo te Israel tǫ pedai tomoba ma hwįagasisiąbadi te Samuel polalubo tobolu bidi bidali sogo tama tiai dao.

1 Samuel 13:2

Te Sol king bidi pedelama bidali sogo, te Israel dabe deli madi sisinaluali, tama Solgo te Israel bidi dabe te bidi sese umabo, te 3,000 bidi, te ami bidi nigilama, tama gasa bidi dabe te augwa buluba ma tagala palali. Agai te ami bidi dabede te bidi sese umabo, te 2,000 ami bidi te agai selama, tama augwali aga dali te bulu Mikmas te Betel bagego bulu dude bidaluai. Tama agai te 1,000 ami bidi te Jonatan dali tagala palali, te aga ogwa, tama augwali pelama, te Gibea tǫ te Benjamingo hanigo tǫ tomoba bidigi pali.

1 Samuel 13:11

Tiali goli, Samuelgo Solbolo te tiwai po wai, “Nago magi sę yaliwe?” Tama Solgo te po wai, “Eno suali, te we bidi dabego ena tagalama, tama tedela pobaso, tama eno nage tonaluali te po wali gilama tama nage sabalubeo. Tama eno subadi, te Filistia dabego bidabo pesage te Mikmas buluba nigagasobo sualio.

1 Samuel 17:1

Nosali te Filistia ami dabe te Sokoba sisinagasali, te Juda dabego taun me deli dao. Tama augwali osogo bidabo pesage te Efesdamimde nigali, te Soko taun de Aseka taun si tomode, tama augwaligo te Israel dabe dali hwįainu sisi elaluali.

2 Samuel 17:11

“Tialima, eno homu da te tama tiwai, nago te Israel bulu tǫ pedai tigidali badu te tigidali bidi i olama, tama augwali sisinama, tama augwali umabo mu pedelama, te tamu ąį masigi kemi tiwai pedalumainu emainao. Tialima, te naga digi polasa peyu, tama dagego te Devit dali hwįgi piąo,” wai.

Te Israel me Juda Hani Sigo Tuni Bidigo Po Elalubo Buku Deli 20:27

Tialima, te Israel kingo aga ami bidi dabe sisinagasomainu i olama, te augwa hwįabo doado bage sisi ilali. Tama augwali pelama, te Siria dabe bidibo pesage pąba pali, te Israel dabego bidabo pesage si badu nigai. Te Israel hani dabe dwasianu mu elaluali, te meme hani si tiwai elaluai. Tiali goli, te Siria ami te umabo mu, te tigidali pedai badu usu nama bidada pai dao.

Aisaia 10:28

Te boi bidi dabe bolo hanu Aiba sabolagasali. Augwali te hanu Miklondu sa asali. Tama augwaligo nai dabe meba te hanu Mikmasde osogo muani.

1 Samuel 14:52

Te Sol king bidali sogo, agai ami bidi dabego te Filistia dabe dali hwįbo bomo mu yali. Tama agai te hwįbode wi isiąwai bomai bidi dabe te olo bidibo subo si da, teda agai augwali selama, tama augwali te aga ami bidi dabe pedalumainu sai dao.