1 Samuel 13:19 - Godigo dwagi yai po buku

¹⁹ Te sogo te Israel tǫ pedai bidi me deligo te nai dabe te aingo me nigisiąwai, magi baso meni, te Filistia dabego homugo tiali, tiyu te Hibru dabego te bainat me sesemone nigidali homu yai. Tama tibaso, augwaligo te Israel dabebolo te nai dabe nigilamu po olama, habu selali.

1 Samuel 13:19 Referans Kwoze

Te Israel me Juda Hani Sigo Tuni Bidigo Po Elalubo Buku Si 24:14

Tama te king Nebukatnesar agai te tigidali te Jerusalem bulude bidali we bidi dabe tigidali me, me te tigidali gavman ofisa bidi dabe me, tama me te boma pai ami soldia bidi dabe me, te we bidi dabe tigidali, te 10,000 usu bidi dabe agai selasa, te Babilon buluba pai. Tama me te agai te tigidali bidi dabe te haniani nai dabe nigibo konea pai bidi naga selama, tama me te ain nigibo konea pai bidi dabe me, agai selasa pali. Tama agai te bidi dabe augwali tigidali te Babilon taun buluba odasa pelama, te kalabus iligi pali. Tama agai e tama tiali, te tigidali te haniani nai dabe mu meni yai bidi dabe naga tagalama, te Juda hani augwa bulude bidibadi taga soali.

Jeremaia 24:1

Te Babilon king Nebukatnesargo te Jerusalem aiyaba elalubo si da, teda agai te Juda dabe Babilonba odasa palio. Agai te king Jehoiakimgo ogwa sali, aga te king Jehoiakin, aga gasa nogi me Jekonia. Tama agai te Juda genuai bidi dabe me, te tobage wiegi yai nai nigibo koneai bidi dabe me, sela pali. Tialima, te tudi badu nosali, Genuai Bidigo ena Jeremaiabolo ola mawai, te nade nai me deli ola mabo tiwai yali, tama te nade eno te basket wa side te ni kaya fik wai du dabe elalubo suali. Te basket wa si te Genuai Bidigo be sunumi pąde elalualio.

Te Israel Tobolu Bidi Dabe 5:8

Tama te Israel dabego te gesi god wali pabo sogo, te augwaliba boi hwįbo sę pedelali. Te Israel dabego boi hwįbo ami bidi dabe te bidi sese hauwa mu te 40,000 bidi dabe, tiali goli me deligo te boi hwįabo sabele me sesemone me me sela pabeo.

Aisaia 54:16

“Suao, bugagia konea sao. Ena digi eno te haniani nai te aingo nigibo bidi dabe nigali. Augwa te ain siaba munama, te ain dabo posolo yai sia mu nogani. Augwa te ain selama, te hamago elama, te bidigo hwįabo haniani nai dabe nigibo dao. Tama eno te ami bidi dabe me nigali, tama augwa te nai dabe selama, te boi hwįnama, te gasa bulu tǫ kantri dolobo sę ebo dao.

1 Samuel 13:20

Te tama pagede naga, te tigidali Israel dabe te Filistia dabeba pelama, te Filistia dabego te baida me, gasa tobage te tǫ pedebo ain me, te sigi hwą dabe, me te sarip dabe dulainogo abelai dao.

Jeremaia 29:2

Jeremaiago te pas asęna tolali sogo, te Babilon dabe te Jerusalemba aselama, te king Jehoiakin dali, te genuai we bidi hani dabe, te augwali Babilonba odasa pali sogo te pas asęai. Augwaligo te king me aga ida dali sobadi, te aga bede bidali ofisa dabe, me te Juda tobolu bidi dabe, me te Jerusalem tobolu bidi, me te tobage wiegi yai nai dabe nigibo koneai bidi dabe, te selasa pai dao.