1 Samuel 13:18 - Godigo dwagi yai po buku

¹⁸ tama gasa hani meba te giliga dega sabo badu te Bethoron teba pali, tama gasa hani me te giliga pedalubo badu te tǫ wa pai bulu du pą badu pali, tama te bulu odogo yai badu te augwa nogi eyu, te uni yowi dabego odogo bulu da wai.

1 Samuel 13:18 Referans Kwoze

Nehemia 11:34

me te taun Hadit, me Seboim, me Nebalat, te taunde bidali,

Josua 16:3

Nosali te dąį pali, te giliga dega sigi pabo teba pedelama, te Japlet dabe bidiboba sabolali, tama pelama, te Bethoron elalubo te aiyadu te dąį igi pai. Tama tedu te dąį palima, Geserba pelama, tama te Mediterenian Tamu Ąį te pedaligi pali.

Hosea 11:8

“Dage Israel, te eno dage tagalu da me egobeo,” wali, “te ena dagede wi me pogobeo. Tama eno dage te bulu Atma me Seboim, te bulu si bidi hani mu silali tiwai gilama da me tegobeo,” wai. “Eno dage tigidali mu doloyu da me egobeo, magi baso meni, eno dage godolo homu mu ebo dao,” wali.

Tuni Bidi Dabego Po Elalubo Buku Si 8:5

Tama me Solomongo hanu Bethoron Ugwadu geseliyu, me hanu Bethoron Aiyadu geseliyu yali. Agai bomai obo te hanu si bagulama yali. Tama me agai ain ba te hanu siba pabo sunumi palibo nai geselali.

Tuni Bidi Dabego Po Elalubo Buku Deli 6:68

me Jokmeam, me Bethoron,

Josua 16:5

Te e da te Efraim hani sibigo tǫ dao. Te augwaligo te giliga pedalubo badu sabo, te Atarot Adar hanude gagalasa pali, tama palima, te Bethoron teba dąį igi pali.

Josua 10:11

Tama te Amor dabe te Israel ami bidi dabede wi pabo sę elayu, tama augwali te Bethoron te bulu baguba me te Aseka teba wi aiyaba palio. Tialima, Genuai Bidigo te moni kedau ilibo talua ge kulubage te masigi tiwai tulumainu ilama, tama te Amor dabe ela muna silai. Te masigi du tiwai talua ge tulubagego ela muani bidi dabego nambago te Israel bidi dabego ela muani bidi te namba aiyaba elaluai dao.

1 Samuel 14:15

Tama te Filistia ami dabe te bidibo pesagede bidali, tama te bulude biliyu hwįbo ami bidi dabe, tama te tigidali gasa Filistia dabego me te hwįani po sabilibo odama, tama augwali wi dwai mu yali. Tama tǫ mali yai. Tama Godigo te Filistia dabe homu kolesaga dolama, tama augwali wi tedela pai dao.

Tigidali Nai Gagalama Nigali Side 10:19

Tama Kenan dabe bidali tǫ dąį te Saidon tedu gagalama, tama pelama, te Gerar tǫba dąį igi pai, tama te Gasa nogi wabo tǫ te pedai badu me dąį igi pali. Tama sesegedu begelama, te Sodomba, me Gomora, me Atma, me Seboim, te hanu dabeba sabaligi palima, tama pelama, te tǫ Lasa teba sabaligi pai.

Josua 10:10

Te Amor dabego te Israel ami bidi dabe asobo sulama, tama Genuai Bidigo augwali wi ilama, tama augwali homu kolesaga umuna palai. Tama te Israel dabe augwaligo te Amor dabe augwali te Gibeon hanude dolobo sę ilama, tama augwaligo augwali pobeasa duluyu, te bulu du bagua sali te Bethoron teba dulai. Augwaligo te Amor dabe dolobo sę ela pidubadi, te Aseka te bogo badu usu nama, te Makeda teba dąį iligi pai.