1 Samuel 12:8 - Godigo dwagi yai po buku

⁸ Tama tiwai dao. Te wąį monu Jekop te aga we wai dabe dali te Isip tǫba pelama bidigi pali sogo, te Isip bulu bidi dabego te duga wąį nǫų dabeba dwai sę mu yali. Tama tibaso, te augwali tau somainu Genuai Bidiba gela wali, tama agai te Moses dali Aron si augwaliba tagala palali. Tama augwali sigo te wąį nǫų dabe te Isip tǫde selama, tama augwali odasa aselama, te tǫ pedaiba bidagasomainu yai dao,” wali.

1 Samuel 12:8 Referans Kwoze

Godigo Sęba Tagala Palai Bidigo Po 7:15

Tama tibaso, Jekop dede dago wąį hani tigidali te sogo Isipba asali. Aga monu dabe bidiyu, tede isai. Nosali dago wąį dabe me augwali tede isai.

Godigo Nogi Ugwaba Sabo Tęąbi Po Wabo Buku Dabe 105:44

Gasa we bidi augwaligo tǫ agai augwalibolo te tǫ mayu, tama augwaligo te tǫde elaluali gi dabe me sai.

1 Samuel 12:6

Tama Samuelgo po wadolama weyu, te tiwai po wai, “Awe, God Genuai Bidigo koneanio. Polobadu Genuai Bidigo naga te Moses de Aron si sa muyu nigilali, tama aga digi te duga wąį nǫų dabe te Isip tǫde selama, tama augwali odasa asai dao.

1 Samuel 10:18

Augwali sisina silibo si, tama agai augwaliba te tiwai po wali, “God, te da Israel dabego Genuai Bidigo, te po wai, agai dage te Isipde selama, tama dage odasa asai. Agai dage te Isip dabego nogode, me te gasa hani dabego dageba dwai sę mu ilibaso, tama agai dage ma dobola selama, te odasa soai dao.

Josua 1:6

Nage bomo elama dolaluyu, tama nage wi me elamuo. Magi baso meni. Te nago te we bidi dabe augwali te eno augwalibolo mawaibao wali te tǫ pedaiba odasa pomainu yaibao, te tiwai eno te po augwa wąįbolo dąų wai dao.

Israel Hanigo Namba 20:15

Tama nago koneani, dago wąį dabe te Isip bulude kibu be hauwa mu bidai dao. Tama te Isip dabego da dali dwai sę eyu, augwali dali me dwai sę eyu yai dao.

Ma Dobola Sali 12:51

Tama te sogo naga Genuai Bidigo te Israel hani tigidali Isipde selama, tama augwali odasa asai.

Ma Dobola Sali 6:26

Nago te bidi hani augwali tomode te Aron de Moses si nogi elalubo suai. Genuai Bidigo te bidi sibolo naga po weyu, te po wai, “Dage sigo te Israel hani dabe augwali te Isip tǫde bidibo tagalama, augwali odasa asao,” te po Genuai Bidigo augwali si dali wai.

Josua 21:43

Tialima, Genuai Bidigo te tigidali tǫ pedai te Israel dabe augwaliba mani, te polobadu agai te augwa wąį dabebolo te bomo yai po dąų wali tiwai gilama yali. Tama te Israel dabe augwaligo te bulu tǫ selama, tama augwali tede bidali.