1 Samuel 12:6 - Godigo dwagi yai po buku

⁶ Tama Samuelgo po wadolama weyu, te tiwai po wai, “Awe, God Genuai Bidigo koneanio. Polobadu Genuai Bidigo naga te Moses de Aron si sa muyu nigilali, tama aga digi te duga wąį nǫų dabe te Isip tǫde selama, tama augwali odasa asai dao.

1 Samuel 12:6 Referans Kwoze

Maika 6:4

“Eno tama te eno dage kalabus togolama, te dage Isipde selama, te dage odasa asali. Tama eno te Moses nigilali, me Aron, me Miriam me, te tama bage polasa peyu, te dage sunumi ola mawai dao.

Ma Dobola Sali 6:26

Nago te bidi hani augwali tomode te Aron de Moses si nogi elalubo suai. Genuai Bidigo te bidi sibolo naga po weyu, te po wai, “Dage sigo te Israel hani dabe augwali te Isip tǫde bidibo tagalama, augwali odasa asao,” te po Genuai Bidigo augwali si dali wai.

Godigo Nogi Ugwaba Sabo Tęąbi Po Wabo Buku Dabe 105:41

Agai ąį masigide pedela wai. Tama genuai ąį te masigide pedelama, tama te ąį masigi kemi wa pai digi te ąį pai, te genuai ąį bulude asobo tiwai yai.

Godigo Nogi Ugwaba Sabo Tęąbi Po Wabo Buku Dabe 99:6

Moses dali Aron si te Genuai Bidigo pris bidali, tama Samuel me augwalide te Godiba lotu wali bidi me deli dao. Augwa te Genuai Bidiba gedu haluasa po obaso, tama agai augwaligo gedu haluasa po wabo odai dao.

Hosea 12:13

Tama te Israel dabe Isipde bidali sogo, Genuai Bidigo te profet me deligo augwali sigi pomainu tagala palama, tama augwaligo te Isip taga soali, te kalabus yali bulu da. Tama te profetgo augwali bugagia tonaluai dao.

Godigo Nogi Ugwaba Sabo Tęąbi Po Wabo Buku Dabe 105:26

Nosali Genuai Bidigo Moses, agai sę bidi dąį munama bidai, te Aron me agai sę bidi muani, tama augwali si Isip te buluba tagala palai.

Ma Dobola Sali 6:27

Te bidi augwa sigo digi te Isip tuni bidi dali, te Israel hani tagala palaibao, te po wai. Tama te bidi sigo naga te sę yai.