1 Samuel 12:5 - Godigo dwagi yai po buku

⁵ Tama tialima, Samuelgo augwaliba te po wai, “Wiegi yai dao. Genuai Bidi dali king bidi agai sa muyu nigilali, te dagego wabo po augwali sigo odali, tama koneani, te dagego eno dwai sę yali me gegebeo.” Tama augwa te po wali, “Mu tama dao. Genuai Bidigo koneanio,” wali.

1 Samuel 12:5 Referans Kwoze

Godigo Sęba Tagala Palai Bidigo Po 24:20

Tiali goli te bidi dabe eba sabolali bidi dabe, augwaligo nagebolo eno dwai kolesaga yali po pusao wao, te eno moni kaunsil bidi gedude dolalubadi yali sę po pusao.

Godigo Sęba Tagala Palai Bidigo Po 23:9

Tama te umabo bidi dabego bomonama, moni po dagą wali. Me badu te Farisi bidi sibi me, augwaligo te bomo yai po ola mabo sę eyu, dolaluali. Tama augwaligo sębę ebaso, te po bomonama wali, “Dago te bidigo dwai kolesaga me yai subeo. Mobogo me, ensel bidi me agabolo te po wali bogo,” te po wali.

2 Korin 1:12

Dago wiegi yai homu pemene ebo sę e kolesaga delide ebo dao: dago homugo hanilama po pusuyu da, te magi dwai sę isąbo te wiegi yai kolesaga me tama te Godigo da mabo te meda isąwai homu kolesagade bilibo po pusubao. Te e tǫde bidigo koneani kolesaga te dago wali pabeo. Menio. Te Godigo olo mayu tau sabo wiegi yai kolesagago naga da tau selama, tama da te tiwai kolesagade bilibao. Tama da te kolesagade te tigidali bidi tomode bilibo dao. Tama dageba dago te kolesaga me mu ela pidu geai dao.

1 Korin 4:4

Mu tama, te Godigo enabolo mani sę ebode eno homugo eno te sęde sǫą pabeo, bugagia yai dao. Tiali goli te eno tama tiwai po wabo usu me egobe: “Ena doloba pai bidi da,” te wagobeo. Te ena dagalobo sę ebo bidi te Genuai Bidigo sę naga dao.

Godigo Sęba Tagala Palai Bidigo Po 24:16

Tama tigidali sogo eno tigidali we bidibolo dwai kolesaga ebo ena mu hagelabo. Eno Godigo gedude me, we bidi tigidaligo gedude me dwagi yai kolesaga naga yai hagede, eno te sę bomo ebo da,” Pol agai te po wai.

Dwagi Yai Gesi Po Jongo Asęani 18:38

Pailatgo Jisas dali te po hanalu wai, “Mu po te magide dawe?” Te Pailatgo Jisas dali te po olama, tama aga te Juda bage bidibo digi buluba ma pelama, tama agai augwali dali te po wai, “Eno Jisas agade magi dwai sę yali sęgę me subeo.

Godigo Nogi Ugwaba Sabo Tęąbi Po Wabo Buku Dabe 17:3

Nago eno homude koneai. Nago ena hulide me suagasai, tama nago ena usu sai, tama nago eno homu kolesaga dwai elalubo nago me subeo.

Jopgo Po Asęani Elalubo Buku 42:7

Genuai Bidigo Jop dali po ola silama, agai Elifas te hanu Teman bidibolo e tama wali, “Eno nage dali, naga abagi si dali sębę eyu, wado po e obao. Magi baso menio. Dagego eno ebo sę po dolo mu pusubeo, te eno sę bidi Jopgo pusali yali gilama.

1 Samuel 26:9

Tiali goli, Devitgo agabolo te po wali, “Tagalao, nago aga me dolamuo. Magi baso meni, Genuai Bidigo Sol te sa mubaso king pedelali, tama bidi me deligo te Sol dolobaso da, teda Genuai Bidigo te tebo bidiba dwai dene ilaibao.”

1 Samuel 12:4

Tialima, te bidi dabego po wei ponoyu, te tiwai po wai, “Mu menio. Nago da ili po ola mayu, te nai me deli anoma eyu, ma dwai sę te dabolo me ebeo. Tama te bidi me deli nage homu bega somainu ebo po me wabeo,” wali.

Tigidali Nai Gagalama Nigali Side 31:50

Tama Labango po ma wadolama, wali, “Te nago eno wegi si dali dwai sę eyu, tama te nago gasa we me sobaso, tama eno konesiąbaso da, teda eno homugo nago te Godigo da si tonaluba te homu yao,” wali.

Jopgo Po Asęani Elalubo Buku 16:19

Tiali goli, eno koneani, bidi me bidibo, ena pagede bidabo bidi dagalude bidibo. Agai koneani, eno magi dwai sę me ebe. Tama agai eno po tau selama, bomo ilaibao. Tama tiyu, eno po tų ebode ugwaba ela holaibao.