1 Samuel 12:22 - Godigo dwagi yai po buku

²² Te Genuai Bidigo homugo naga te agai dage sa munama, te aga hani bage pedelali. Tama teyu, agai te aga genuai nogi me te aga dąų walali poba homu kone palama, tama agai dage tudiba me mugobeo.

1 Samuel 12:22 Referans Kwoze

Filipai 1:6

Tama tiyu, eno homu si menio, eno mu koneai, te God agai dage deli deligo homu tomode te dwagi yai sę gagalama, tama te sę ela peyu, mu ela pelama, tama Krais Jisas tǫba ma asobo side naga agai te dagede ebo dwagi yai sę silaibao. Te eno mu koneanio.

Godigo Nogi Ugwaba Sabo Tęąbi Po Wabo Buku Dabe 106:8

Tiali goli, Genuai Bidigo te aga genuai bomo augwaliba ola mawainu yali. Tama tiyu, agai augwali ma selama, tama augwali me dolobeo, te agai augwaliba dąų walali po tiwai gilama yali.

Bomai Po 14:2

Dage Genuai Bidi dago Godigo tedali gasagi yai we bidi dao. Magi baso meni, agai dage tigidali tǫde we bidi tomode selama, tama dage aga we bidi bidimainogo dage sa muai dao. Dage da, agai dila pai wiegi yai nai tiwai elalubao,” wali.

Te Israel me Juda Hani Sigo Tuni Bidigo Po Elalubo Buku Deli 6:13

Tama ena dage Israel tomode bidiyu, te dage eno we bidi bidaibao. Tama eno dage munu me tagalogobeo. Mu menio,” wali.

Polgo Po Pas Rom Dabeba Asęani 11:29

Tama tiyu, te Godigo agai te bidibolo olo mani wiegi yai naide te enabolo ma mao po munu me wagobeo. Agai te bidi sa munama tama i obaso da, teda agai homu te sęde me nosali ma hasegelegobeo.

Jeremaia 14:21

Tialima, nago te naga genuai nogide homu kone palama, te nago naga be homu koneao, te naga wiegi yai king duabo sia sai tiwai elalubao, tama te boi bidi dabego te be dolomainogo sula tagaligio. Tama nago te bomo yai po da dali dąų wali homu kone palama, tama naga te dąų wali bomo yai po boligio.

Josua 7:9

Te Kenan bidi dabego, me te e tǫde bidalubo gasa tigidali we bidi dabego te sę yali po odaibao. Tama tiyu, augwaligo da bobegelama, tama da tigidali elaibao! Tama naga nogi ugwaba sabo sę te nago megi magi elama yaibawe?” Josuago te po wai.

Efesus 1:12

Tama hasia te gasa we bidi augwaligo te kolesaga isiąbadi da Juda we bidi dena homu tigidali te Godigo sa muani nosali asaibao wali bidi Krais te bidiba dena homu muani. Tama dena homu tigidali agaba munama, tama dwagi yai homu eyu, da aga ma asobo bugagia tonaluai dao. Tama da te tobage sę hasia ebo bidi dabe dago Godigo ula yai bomo elalubo nogi ugwaba sao.

Esekiel 20:14

Tialima, eno te tiwai sę isąwani, magi baso meni, te tama sęgo eno ena nogi te gasa hani dabe gedude aiyaba elalueiba homu yali. Eno te Israel dabe augwali te Isipde selama, odasa asobo augwaligo suali, tialima eno te Israel dabe me dolobeo.

Esekiel 20:9

Tialima, eno te sę isąwani, magi baso meni, tego eno nogi aiyaba elaluidali weyu yali. Eno te Israel augwaliba te tama bomo yai po dąų walama, te eno augwali eno Isipde selama, odasa asaibao wali. Tama eno te dąų wabo bomai po te gasa hani we bidi gedude dąų wali, te Israel augwali tomode bidali. Eno te dąų wali bomai po wali pisąbaso da, teda ena digi ena nogi te augwaligo gedude aiyaba elalueibao,’ te po wao,” wali.

Aisaia 43:25

Tialima, ena Genuai Bidi, ena genuai nogiba digi homu kone palama, te eno dagego dwai sę ebo sęgę tigidali sela sąbo dao. Tama eno te dwai sę dabeba homu kone me palogobeo,” te po wali.

Godigo Nogi Ugwaba Sabo Tęąbi Po Wabo Buku Dabe 94:14

Magi basowe, Genuai Bidigo aga we bidi augwali tagalobo menio. Mu tama, aga sa muani we bidi augwali tudiba me mugubeo.

1 Pita 2:9

Me ma, dage da, dage te sa muani we bidi hani dao. Bidi meba augwali te we bidi dali, God dali tomode bidiyu, tama pris bidi sę eyu, augwaligo Godibolo te dwagi yai nai ula mabo sę ebo dao. Tama te tiwai dagego me te dago genuai tuni bidigo sę ebo dao. Dage da, te tedali gasagi yai doloba pai we bidi hani dao, God aga we bidi hani mu te dage dao. Tama agai dage i olama, tama dage te hulia sai bidibo digi tagalama, tama agai wiegi yai ula yai buluba bidagasai dao. Tama dagego agai yali wiegi yai sęde po te gasa we bidibolo pusumainogo te agai dage sa muani.

Matyu 11:26

Awe, Aya, nago te tiwai yaibao homu elama, tama tede dwagi yai homu eyu, nago tama tiwai naga yai dao.” Jisasgo te po aga Ayabolo wali.

1 Korin 4:7

Abagi, magi yaliwe? Dego nage genuai bidi muai dawe? Tama nago mena nai te Godide sisąwani nai elalubowe? Te mu tama nago te nai Godide saligo da, teda magi baso te nago naga nogi ugwaba siyu, te naga digi nage te nai page bidi da wainogo ebawe? Te hagoma ebo tagalao.

Tuni Bidi Dabego Po Elalubo Buku Si 15:2

Tama king Asa te Jerusalemba ma asobadi, te Asaria aga tiąba pelama, tama agabolo e tama po wali, “King Asa, me tigidali Juda dabe, me tigidali Benjamin hani, dagego odiąo. Tialima dage Genuai Bidi dali pąde mu bidiyu da, teda aga dage dali pąde mu bidaibao. Ma, dagego aga gegebo sę iyu da, teda dage aga pąba mu asobo usu yaibao. Tiali goli, dagego aga tudi ola mayu da, teda agai dage tudi ola mawaibao.

Ma Dobola Sali 32:12

Ma, nago te tiwai kolesaga augwalibolo ebaso da, teda te Isip dabego te po waibao, ‘Godigo aga we bidi augwali dali dwai homu yai. Tama tibaso, augwali agai te Isipde selama, tama augwali odasa asali, te augwali te bulu dude mu dola silama, tama tigidali ela muani da,’ te po wabuo. Tiali goli, Genuai Bidi, tagalao. Tama nago te sębę yali homu te nago tagalama, tama nago homu kolesaga hasegelama, tama te we bidi augwali nago me dolamu dao.” Mosesgo te po wai.

Efesus 1:6

Tama Godigo aga ogwa Jisasde dwagi yai homu eyu, tama da aga ogwade wadolo baso, tama agai da dali wiegi yai homu ilibo sę yai dao. Tama God agai da olo mu tau siyu agai te genuai sę ebaso, te dago God aga ula yai bomo elalubo nogi ugwaba sao.

Dwagi Yai Gesi Po Jongo Asęani 15:16

Dagego ena sai olama, sa mubeo. Eno dage sa muyu, dage ena bage dao wai dao. Tama eno dage sęba muai dao, tama dage pelama, du gilama walama, tama dagego du elalumainogo, te da eno dage sa muani page dao. Tama dagego tama du waloluyu da, eno nogide dagego magi sę me yainogo, eno Ayabolo hanalubaso da, agai dage tau siyu, te nai mawaibao,” Jisasgo te po wai, aga wali pabo bidi dabe dali.

Malakai 1:2

Genuai Bidigo te tama po wali, “Te eno dage godolo mu eduali, tama megi me ebo dao,” wali. Tiali goli, te Israel dabe augwaligo e tama po wei ponani, “Nago da godolo ebo mena tama yaliwe?” Tialima Genuai Bidigo te po augwaliba wei ponani, “Odiąo. Polobadu Iso me Jekop te ama nami si dao. Te eno Jekop dali, dage te agai wąį nǫų dabe dali godolo homu yai dao.

Te We Bidi Dabego Jerusalem Hagede Gela Wali 5:20

Tialima, nago da magi baso tudi ola menama, tama da magi baso sesemane sogo gegeda pobawe?

Jeremaia 14:7

Te we bidi dabego gedu haluasa po weyu, te tiwai wali, “Mu tamao, Genuai Bidi, dago nage tudiba muyu, te nago gedude dwai sę hauwa yali. Tama dena te yali dwai sęgo dena ma po tų ilalio. Tialima, Genuai Bidi, te naga genuai nogide digi homu kone palama, te nago da hobede yao.

Aisaia 48:11

Eno ena genuai nogiba homu kone palama, eno te kolesaga dageba yalio. Eno homugo te bidi dabego eno nogi elaluama, begela dolidali homu elama, te gasaba genuai nogi me magobeo. Menio. Augwaligo te ena deliba naga genuai nogi momainogo ebo dao,” te po wali.

Aisaia 42:16

Te eno ena we bidi dabe te polobadu augwali bilisąwai sunumidu odasa asaibao. Megi augwali gedu halua sai hulide bidibao, tialima te be hulia sai elalubo te eno sela sąnama, te augwaliba ula mawaibao. Tama eno te dwai pesage elaluali te dodolama, te dolo yai pesage ilama, te augwali bilabo madi tiaibao. Eno te sę dabe te mu pedalumainu yaibao, te eno te sę yaibao wali po tiwai gilama yaibao. Te eno magi nai me delide homu kone ebo me kegeda palogobeo.

Aisaia 41:17

“Te eno we bidi dabe te ąį mu sǫą pelama, te augwali dogoni te ąį tuabo wa pali sogo, te augwaligo ena i obaso, tialima ena, Genuai Bidi, te eno augwaligo gedu haluasa po wabo odaibao. Ena, te Israelgo God, te eno dage homu kone me gegeda palogobeo.

Aisaia 37:35

Eno tama tiaibao, magi baso meni, eno ena genuai nogi homu kone palama, te polobadu eno dąų wabo po ena sę bidi Devit dali wali po koneyu, tama tiaibao,’ wali.”

Tuni Bidi Dabego Po Elalubo Buku Deli 28:9

“Tialima nage Solomon, eno ogwa da, eno te tiwai bomai po nageba obao. Nago homu kolesaga deli naga elaluao, te naga ayago God dologode bidao. Te nago agai homu wali pabo sę bomo mu yao. Nago te tiwai yao, magi baso meni, Genuai Bidigo dago homude magi homu te tigidali agai koneaibao. Te nago agai godolo yabo kolesaga wali pabo sę bomo ebo kolesaga sobaso da, teda te nago aga bugagia konemainu yaibao. Tiali goli nago aga tudiba mubaso da, teda agai nage sela sąnama, te sesemane sogo agai nage tudiba mueibao.

Te Israel me Juda Hani Sigo Tuni Bidigo Po Elalubo Buku Si 21:14

“Tama tialima, te me badu we bidi dabe tede me bidibaso da, teda augwali te eno munu me tau sogobeo. Mu menio. Tama augwali te eno te boi bidi nogoba muaibao. Tama te boi bidi dabe augwaligo te augwali dolama, tama augwaligo doado bage dabe me wi sela pomainao,” wali.

Bomai Po 31:17

Te augwaligo te tama tibo sogo da, teda eno augwali sębę dwai mu yaibao. Tama tibaso, eno augwali tagalama, tama augwali tudi ola mawaibao. Tama augwali mu dolaibao, tama dwai sę dabe hauwa mu augwaliba pedelaibao. Tama augwaligo te po waibao, ‘Te God da dali bidibe yali bogo, tama te dwai sę dabe daba te pedalobo yabao,’ te po waibao.

Bomai Po 9:5

Dagego homugo tilamuo, dago wiegi yai doloba pai kolesaga ebo dao homu elamuo, tama te tama tibo pagede Genuai Bidigo dago te tǫ somainogo sula tagalali dao homu elamo dao. Menio. Agai augwali sela sąwaibao, magi baso meni, augwali te dwai bidi dabe dao. Me ma, agai te wąį dabe dali dąų wali po usu nainogo te ebao, te dago wąį Abraham, me Aisak, me Jekop dali.

Hibru 13:5

Dagego te monede pesą eyu godolo ebo kolesaga wali me pigio. Te dagego tolalubo naide te dagego e tiwai homu yao, “Te wiegi yai dao. Te ena usu yaibao.” Magi baso meni, Godigo digi te po walio, “Te ena nage munu me tagalogobeo. Te eno nage tudiba munu me mugobeo.”

Polgo Po Pas Rom Dabeba Asęani 11:1

Te bidi Aisaiago te tobage po asęai baso, eno e po hanalu obao, te Godigo aga hani we bidi aga digi sela sąyabo homu me yaliwe? Mu menio. Ena me ena te Israel bidi dao. Te bidi Abraham te eno wąį mu dao. Ena te Benjamingo hani dao.

Bomai Po 7:6

Dagego tama tiao. Magi baso meni, dage da God dago Genuai Bidi aga we bidi dao. Te tigidali tǫde we bidi hani tomode agai dage deli naga sa munama, dage agai doloba pai we bidi dao,” wali.

Bomai Po 31:6

Dage dili elama dolalua, dage noma selama, augwalide wi elamo dao. Magi baso meni, Genuai Bidi dago God dage dali bidaibao. Tama agai dage me gegeda pelama, o dage olo bidimainogo me sula tagalogobeo,” Mosesgo te po wali.

Te Israel me Juda Hani Sigo Tuni Bidigo Po Elalubo Buku Deli 8:57

God, dago Genuai Bidi, eno homugo te nage da dali bidimainu ebao, te dago wąį nǫų dabe dali bidali tiwai gilama emainu yao. Tama eno homugo agai da tagaliyu, te da olo bidimainu me egobeo.

Bomai Po 31:8

Genuai Bidi nage tudiba togolama, aga bolo polasa pelama, tama nage tau saibao. Agai nage tagalama, nage dolomainogo te tagalogobeo. Tama tialima, nage noma selama, wi me elamo,” Mosesgo Josuabolo te po wai.

Te Israel me Juda Hani Sigo Tuni Bidigo Po Elalubo Buku Si 14:27

Tama te Genuai Bidigo te Israel hani augwali mu silaibao po me wai menio, tama augwaligo nogi me tigidali silaibao po me wai menio. Tama teyu, agai te king Jeroboam dąį ilali, Jeroboam aga te Jehoasgo ogwa da, te bidigo bomo elama, te Israel hani te boi bidigo nogode augwali ma somainogo dąį ilai.

Nehemia 9:17

Tama augwaligo nago po wali pabo hagela yali. Te nago augwali tau selama, te bomai sę genuai tigidali yali te augwaligo homu konesiąyu gegeda palali. Tama augwali hagoma mu elama, tama augwa te tobolu bidi me deli nigilama, te augwa kalabus sę yali Isip tǫba ma odasa pomainu yali. Tiali goli, God, nago da tǫde we bidigo sęgę sela sąbo dao. Tama nago da godolo geninama eyu, tama daba wiegi yai sę mu ebo da. Tama nago haliga sębę polo me egobeo. Menio. Nago te olo mu tau sabo wiegi yai homu kolesaga te umabo me elalu, tama tiyu nago dago wąį nǫų dabe tudiba me mubeo.”

Aisaia 43:7

Dage te eno nogi elalubo hani mu da, te ena digi eno dage nigali, te gasa hani dabego dage sulama, te enaba genuai nogi momainu ebo dao,” wali.

Aisaia 49:15

Tiali goli, Genuai Bidigo augwaligo po wei ponoyu, te tiwai po wali, “Te idago aga digi ame nai wai homu kone ebo tagalama, te agai aga te ame mani wai homu dene ebo meni da, agawe? Te ida me deligo tama me tiabo homu yali goli, eno dage homu kone palobo me tagalogobeo. Mu menio.

Aisaia 63:8

Genuai Bidigo te po wali, “Te hani dabe, augwali te eno hani we bidi dabe mu da, te augwa hagoma elama, eno po me sela sągobeo.” Tama te aga augwali ma sali bidi pedelai dao.

Jeremaia 14:9

Magi baso nage te bidi tiwai, nage te homu umuna sai bidi tiwai ebawe? Magi baso nage te ami bidi te aga boi bidi aiyaba elaluabo bomo meni yai tiwai elalubawe? Tialima, menio. Genuai Bidi, nage da tomode bidibao. Tama nago te da naga we bidi mu da olama, dąį iliyu, sa muai. Tama tialima, nago da me tagaligio,” wali.