1 Samuel 12:2 - Godigo dwagi yai po buku

² Tama agai ena bidali pesage hasegelama, tama dageba te wiegi yai sunumi ola mawaibao. Tiali goli, ena monu dabe elama, tama ena tobolu nisi te ili nisi yali, tama eno wai dabe te genuai, dage tiwai yalio. Ena te dagego polalubo bidi bidali, te ena gesi ogwa bidide bidada asali, te megi e sogoba usu nagasobao.

1 Samuel 12:2 Referans Kwoze

1 Samuel 8:5

Augwali teba sabolama, tama augwaligo Samuelbolo te tiwai po wai, “Odao. Nage monu dabe yai, tama nago ogwa sigo te nago yali wiegi yai kolesaga tiwai me wali pabeo. Tama teyu, dago homugo te nago bidi me deli nogo tų ilama, te da tonaluabo king bidi pedalumainu yaibao. Tama tiyu da, te da te gasa tǫ pedai bidi dabe tiwai pedalumainu homu ebao,” augwaligo te po wai.

1 Samuel 8:20

“Da te gasa tǫ pedai badu ebo tiwai pedelama, tama dena kingo da tonalumainu yaibao. Tama agai te dago boi bidi dali hwįgi pabode, te polasa peyu, te dago ami bidi dabe tonalumainu yaibao,” wali.

1 Samuel 8:1

Te Samuel aga monu dabe ebo sogo, agai aga ogwa si te Israel dabego polalubo tobolu bidi munama, bidali.

1 Samuel 8:3

Tiali goli, augwali sigo te augwa ayago kolesaga tiwai me wali pabeo. Menio. Augwali sigo te mone sabo homu godolo yai, tama augwali sigo te gasa bidigo homu bega sabo po odoyu, tama tede te mone siyu, tama augwali sigo te ebo kolesaga geda muyu, tama te po tų bugagia me dodolobeo.

Israel Hanigo Namba 27:17

Te augwali bugagia bidimainogo tau siyu, me wąbi hwįbode augwali bugagia tonaluyu yabo. Tama naga hani te sipsip kibu aga tolalubo bidi meni yai tiwai bidigobeo,” Mosesgo te po wali.

2 Pita 1:14

Tama eno koneani, dwasianu sogo digi te eno e tigi tagalaibao, te dago Genuai Bidi Jisas Krais agai tama tiabo po enabolo pusalio.

Polgo Si Wali Pas Timotiba Asęani - 2TI 4:6

Magi baso meni, te ena isąma pabo sogo pąba yagasalio. Nago koneani, te polobadu te bidi dabe augwaligo te wain ąį gelama te Godibolo ofa mabo, te tiwai naga te eno kaneme gelabo sogo pąba yagasali.

Godigo Nogi Ugwaba Sabo Tęąbi Po Wabo Buku Dabe 71:18

Megi da, ena monu dabe elama, te ena tobolu nisi ayadeba yalio, tiali digi God, nago ena me tagagio. Nage ena dali bidiyu, tama eno nago genuai bomode po te nosali pedalubo we bidi dabe pusaibao.

1 Samuel 3:16

Tiali goli Eligo Samuel i weyu, te tiwai wali, “Samuel, eno ogwa, nage e asao.” Tialima, Samuelgo te po wai, “Awe, ena asobao,” wali.

1 Samuel 3:13

Eno homugo nago te tiwai po agabolo walao, te eno agai hani sibi dabede te yaibao wali sę elama, tama augwali mu silaibao, magi baso meni, te agai ogwa sigo dwai po enabolo wali. Tama Eli aga digi augwali sigo te sę ebo kolesaga koneani, tiali goli, agai augwali si te sę ebo hagebeo.

1 Samuel 2:29

Tama tiali, te magi baso te dagego te ofa dabe eno te Israel dabebolo yao wali sę te magi baso dolobawe? Te nago ogwa sigo te tigidali ofa ebo nai wiegi yai te eno hani bidi dabego enabolo magasobo nai, te augwali sigo tulama, tama augwali si tigi nisalio. Tama nago augwali sigo te tama temainu yali. Tama te kolesagago nago te augwali si nogi ugwaba siyu, tama eno nogi aiyaba elalubao. Magi baso nago te kolesaga ebo dawe?

1 Samuel 2:22

Te sogo te Eli monu dabe mu yai bidali. Tama hauwa sogo Eligo odali, te aga ogwa sigo dwai sę tigidali te Israel dabe dali ebo po wai. Tama me agai te tiwai po odali, augwali sigo te Godigo ugwa be sunumi tonalu sę ebo we dabe dali pibo po wai.

1 Samuel 3:10

Tama nosali Genuai Bidi ma dolagaselama, tama agaba i weyu, te polobadu wali po tiwai gilama wali, “Samuel! Samuel!” Tama Samuelgo te po wali, “Nago po megi da wao, ena nago sę bidi tama eno nago po waboba olo muai elalubao,” wali.

Josua 23:1

Te kibu be hauwa bidama, tama Genuai Bidigo te boi pilama wiegi yai pemene ebo sogo te Israel dabebolo mani. Tama augwaligo te bidalua pabo boi bidi dabe dali te boi me hwįbeo. Te megi da, te Josua monu dabe mu yali.

Josua 23:2

Tialima, agai te Israel dabe tigidali i olama, tama te tobolu bidi dabe me, te genuai bidi dabe me, tama te tonalubo bidi dabe me, te ofisa bidi me, augwali i olama, tama agai augwalibolo te po wali, “Megi da, ena monu dabe yalio.