1 Samuel 12:18 - Godigo dwagi yai po buku

¹⁸ Tialima, Samuelgo gedu haluasa po wali, te sogo bubugade naga Genuai Bidigo te dagalude pǫ kulukulu omainu ilama, tama tulubage tulali. Te bidi dabego sulama, tama augwali te Genuai Bidiba me Samuel dali me te wi dwai mu yalio.

1 Samuel 12:18 Referans Kwoze

Ma Dobola Sali 14:31

Augwaligo te genuai sę Genuai Bidigo eyu, te Isip dabe aiyaba elalubo suai. Tama Israel we bidi augwali wi elama, Genuai Bidi dologode bidiyu, tama augwaligo bomo yai homu agade dąų weyu, tama aga sę bidi Moses dali tiwai.

Esra 10:9

Augwaligo te tama po pusulama, te sela sogo nosali, te 9 polua dei 20 wabode, te tigidali Juda hani we bidi, me te Benjamingo hani me, te Jerusalemba sabolama, tama te Godigo tempel be pąba sisinibo pesage teba sisinai. Tama te sogode te genuai tulubage tulama, tama te tigidali bidi te tulubage dolama, tama augwali gogo elama, didibili ilalio. Tama me te augwaligo te wainu yali pode te moni homu elama, tama augwali te midigi dwai siyu iduali.

Jopgo Po Asęani Elalubo Buku 37:13

Me sogo da, agai we bidigo kolesaga dodolomainu tagala palobo dao. Tama me sogo da, augwali dwagi yai sę elama, tau somainu ebo dao. Tama me sogo da, agai tǫ ma usu ilimainu te dagalu pǫ dabe tagala palobo dao,” Elihugo te po wai.

Godigo Nogi Ugwaba Sabo Tęąbi Po Wabo Buku Dabe 99:6

Moses dali Aron si te Genuai Bidigo pris bidali, tama Samuel me augwalide te Godiba lotu wali bidi me deli dao. Augwa te Genuai Bidiba gedu haluasa po obaso, tama agai augwaligo gedu haluasa po wabo odai dao.

Josua 4:14

Te Israel dabego te sogode te Genuai Bidigo augwalibolo yali sę dabe sulama, tama augwaligo te Josua nogi ugwaba sali, augwaligo te Mosesbolo te tigidali sogo te aga nogi ugwaba sidubadi, te aga isiboba usu nagasali tiwai gilama yai dao.

Josua 10:12

Tama te sogo te Genuai Bidigo te Israel dabe tau selama, tama augwaligo te Amor dabe aiyaba elaluai. Tama Josuago Genuai Bidi dali po miai. Tama te Israel dabe augwaligo gedude agai te po wai, “Giliga, nage te Gibeon hanu ugwadu dolaluao. Polua, nage te Aijalon bulu odogo ugwadu dolaluao.” Te po wai dao.

Te Israel me Juda Hani Sigo Tuni Bidigo Po Elalubo Buku Deli 18:42

Tialima, Ahap pelama, nai tugi pali. Te Elaija aga sę bidi dali te bulu du Karmelba ugwaba holali. Tama Elaija basi gulama, te aga tobolu te sągą kidu si tomoba pǫgulali.