1 Samuel 12:12 - Godigo dwagi yai po buku

¹² “Tama te tigidali sogo God, dena Genuai Bidi naga, te dena king bidi bidai. Tiali goli, nosali dagego suali, te Nahas, te Amon dabego kingo, te dage dali boi hwįagasainu yali. Tama tibaso, te God dagego king bidi bidibo te dagego homugo hagela yali. Tama dagego enabolo po wagasu, te tiwai po wali, ‘Tagalao. Dago homugo te nago king bidi me deli nigilao,’ wai.

1 Samuel 12:12 Referans Kwoze

Te Israel Tobolu Bidi Dabe 8:23

Tiali goli, Gideongo te po wali, “Ena te dagego tobolu bidi me bidigobeo. Tama eno wai dabe me te dagego tobolu bidi me bidigobeo. Genuai Bidi naga te dagego tobolu bidi bidaibao,” wali.

1 Samuel 10:19

Godigo dage ma dobola sali, te dwai sę ebo me sęgę te dageba pedalubaso sali. Tiali goli, megi dagego aga tudiba togoliyu, tama dagego te po obao, te Godigo dage tonalubo te dagego hagela ebo homu yai. Dagego homugo te eno dagebolo te king bidi me deli momainu yali. Tialima, megi da, te dage pelama, te duga hani sibi dali te Genuai Bidigo geduba dolalugi piąo,” wali.

Hosea 13:10

Polobadu dagego enabolo hanalu, te king me polalubo tobolu bidi dabe mao po odu geani, tiali goli augwaligo dage mena tama tau sogowe? Augwali usu munu me egobeo.

Aisaia 33:22

Magi baso meni. Genuai Bidi aga digi dago tuni bidi bidama, tama po tų dabe dodolobo sę elama, tama aga digi da bomai po dabe menama, da tonaluaibao. Tama agai da bugagia tonaluyu, tama da dwai dene me sogobeo.

Godigo Nogi Ugwaba Sabo Tęąbi Po Wabo Buku Dabe 74:12

Tiali goli God, polobadu mu nage dago king bidali, tama megi me nage dago king bidibao. Tama hauwa sogo nago da tau selama, tama da te hwįani digi da me dolobeo.

1 Samuel 8:3

Tiali goli, augwali sigo te augwa ayago kolesaga tiwai me wali pabeo. Menio. Augwali sigo te mone sabo homu godolo yai, tama augwali sigo te gasa bidigo homu bega sabo po odoyu, tama tede te mone siyu, tama augwali sigo te ebo kolesaga geda muyu, tama te po tų bugagia me dodolobeo.

Te Israel Tobolu Bidi Dabe 9:18

Tiali goli, megi da, dagego dwai kolesaga aga dali elama, tama dagego agai hani sibi ogwa dabe dolali. Dagego agai ogwa dabe te 70 bage augwali te masigi me deli daide elali. Te Jerubalgo sę ebo wego te Abimelek ame nai. Te aga deli naga tama ame nani. Tiali goli, megi da, dagego aga te Sekem bulu king bidi nigilali. Dagego homugo te aga duga deli kanemego ame nani da homu elama, dagego tama tialio.

Israel Hanigo Namba 23:21

Te Israel dabeba pedelainu ebo sę eno suali, te augwali dali dwai sę elama, dolabo sę menio. Te mu menio. God augwa Genuai Bidi augwali dali bidibao, tama augwaligo te po wali, aga te augwaligo tuni bidi dao po walio.

Tigidali Nai Gagalama Nigali Side 17:7

Te eno nage dali me, te augwali nosali pedalubo hani dabe dali me, te eno dwagi yai tau sabo bomai po dąų walobao. Ena da, nago God me, te ena nago nosali pedelabo hani wai dabe augwaligo God me dao. Te dąų wali bomai po da, te sesemane bidada pabo sogo elalua piduaibao.

Jeremaia 40:11

Te sogo te Juda dabe me badu te tǫ pedai Moap, me Amon, me Idom, me gasa tǫ kantri badu bidaluali. Augwaligo te tiwai po odali, te Babilon kingo te dwasianu hani we bidi te Juda tǫde bidimainogo elama, te kingo Gedalia dąį ilama, augwali tonaluao po wai.