1 Samuel 12:11 - Godigo dwagi yai po buku

¹¹ Tialima, Genuai Bidigo te augwaligo gedu haluasa po wabo odama, tama agai te Gideon, me Barak, me Jepta, me ena Samuel te augwali tau somainu tagala palali. Da tigidali deli deli dago te ma dobola selama, tama dage Israel dabe bugagia bidibao,” wali.

1 Samuel 12:11 Referans Kwoze

Te Israel Tobolu Bidi Dabe 6:32

Te sogo gagalasa, megi e sogo usu nagasu, te Gideongo gesi nogi elaluali Jerubal, magi baso meni, Joasgo tama po wali, “Te Bal aga digi aga tau somainu yao,” wali, “te magi baso wabe, augwaligo te togolama te dolali alta te Bal aga digi nogi elalubo alta dao,” po weyu, agai te tiwai po wai dao.

Te Israel Tobolu Bidi Dabe 4:6

Tama Deborago po te Barakba ola tolali, te Abinoamgo ogwa da, te Naptali hanigo hanu Kedes te badu bidali. Tama Deborago agabolo te tiwai po wali, “God, te dago Genuai Bidigo, nagebolo te po wainogo yali: ‘Nage pelama, te Naptaligo hanide, me Sebulungo hanide te bidi sese umabo bidi e tama bidi, te 10,000 bidi dabe sigi pelama, tama augwali te bulu du Tabor teba sisinao,’ wali.

Te Israel Tobolu Bidi Dabe 6:14

Tama Genuai Bidigo agabolo te po wali, “Nago bomo tigidali dali te nage pelama, tama nago te Israel dabe te Midian dabego nogode ma dobola sao. Ena digi eno nage tagala palobao,” wali.

1 Samuel 7:13

Genuai Bidigo te tiwai sę dabe elama, tama te Filistia dabe aiyaba elaluama, te augwali paliama, tama augwaligo te Israel tǫ pedai tomoba ma hwįagasisiąbadi te Samuel polalubo tobolu bidi bidali sogo tama tiai dao.

Te Israel Tobolu Bidi Dabe 8:35

Tama augwaligo te Gideon hani sibiba te buba hwį po me wabeo, te tigidali wiegi yai sę te Gideongo augwali tau selama yai.

Te Israel Tobolu Bidi Dabe 8:29

Megi da, Gideon te aga beba pelama bidigi pali.

Te Israel Tobolu Bidi Dabe 6:31

Tiali goli, Joasgo te aga dali wado po wabo bidi dabe augwalibolo te tiwai wai, “Te dage da, dagego te tibo god Bal tau sabo homu elama, tama tiyu dagego te konila po obawe? Mena bidi agai te tibo god Bal tau siyu, te konila po wabo bidi da, te aga te giliga pedalisiąbadi isimainu yaibao. Te Bal te god me deli yai baso da, teda aga digi aga tau somaina,” Joasgo te po wali, “te magi baso meni, te augwaligo te togolama dolali alta te Bal aga nogi elalubo alta dao,” Joasgo te po wali.

Te Israel Tobolu Bidi Dabe 7:1

Tialima Jerubal, te tiwai te Gideon nogi, te aga bidi dabe dali tigidali augwali te kigamu digi mu hodaluama, tama augwaligo augwa osogo bidabo pesage te wę ulu Harot sesegede nigai. Tama te Midian dabego osogo bidibo pesage te Morego bulu du aiyadu pąde elaluali. Te Jerubalgo bidibo pesage pąde elaluai, tama aga hani meba te not badu bidai.

1 Samuel 3:20

Tama teyu, te Israel tǫ pedai we bidi tigidaligo te tiwai koneani, Genuai Bidigo Samuel te aga profet bidi mu nigilali.

Te Israel me Juda Hani Sigo Tuni Bidigo Po Elalubo Buku Si 13:5

Tama Genuai Bidigo te Israel bidi dabe tau sabo bidi me deli dąį ilali, tama te bage augwali te bidigo te Siria hanigo nogode ma dobola sali. Tama tialima, te Israel bage augwali augwa bulude bugagia ma bidali, te polobadu bidali gilama ma bugagia bidali.

Tuni Bidi Dabego Po Elalubo Buku Deli 7:17

Ulamgo ogwa dedeli ame nai, aga nogi Bedan. Te nogi tama nogi yali we bidi, augwali te Gileatgo hani dabe da, Gileat te Makirgo ogwa, te Makir Manasego ogwa dao.