1 Samuel 11:9 - Godigo dwagi yai po buku

⁹ Tama te ami bidi dabego te Jabes dabebolo weyu, te po wai, “Duga bage bidi dabebolo te tama po wagi pao, te do giliga te pedelai digi, te dago dage tau sagasu aselama, tama te boi bidi dabe ela gudulama, sela sąwaibao,” wali. Tialima, te Jabes dabe pelama, te augwa bage bidi dabebolo te po magi pali. Tama augwaligo te po odama, tama augwa wiegi yai homu pemene mu yai.

1 Samuel 11:9 Referans Kwoze

Godigo Nogi Ugwaba Sabo Tęąbi Po Wabo Buku Dabe 18:17

Agai ena te boi bidi dabego bomai nogode me, te ena wei isiąbo bidi dabego nogode ma salio. Te bidi dabe augwaligo bomogo te eno bomo aiyaba elaluai dao.

Te Israel Tobolu Bidi Dabe 21:8

Tialima augwaligo hanalu wali, “Te dago hani mena bage, te Genuai Bidiba te Mispa buluba asobewe?” Tama augwaligo gegali te tiwai, te Jabes Gileat ami hwįbo bidi dabe te sisinani madiba me asisąwai.

1 Samuel 11:8

Tama Solgo te tigidali bidi te Besek buluba sisinagasao olama, tama agai suali, te Juda dabe umabo bidi te 30,000 bidi, te gasa Israel dabe te 300,000 te buluba sisinai.

1 Samuel 11:10

Tama te Jabes dabego augwa te po te boi bidi tobolu bidi Nahasbolo wali, “Do te da Jabes bage nageba asaibao, te nage dologode bidimainu, tama nago mena sę dabolo yainu da, teda nago te sę yagameo,” wali.

1 Samuel 31:11

Tama te Jabes taun te Gileat tǫde bidali Israel dabego te Filistia dabego te Solde yali sę po odai.

2 Samuel 2:5

Tama tialima, te aga bidi meba tagala palama, te Jabes dabeba te tama po wagi pomainu yali, “Genuai Bidigo te dage wiegi yai bugagia ilimainao, magi baso meni, dagego wiegi yai homu ebo kolesaga te Solba ola mayu, te duga kingba tiali, tama dagego aga tigi pubulali dao.

Tuni Bidi Dabego Po Elalubo Buku Deli 10:12

Tialima te Jabes boma pai bidi dabe pelama, te Sol me aga ogomanigo tigi dabe dali sigi pelama, te Jabesba sela asalio. Tama augwaligo te Solgo dili dabe te aga ogwa dabego dili dabe me sigi pelama, tama augwaligo te Jabes taunde elalubo moni ni ok dologode pubulalio. Te augwaligo augwalide homu dene dwai ebaso, te augwa nai osogo gisilama te Sadede deli bidai dao.