1 Samuel 11:8 - Godigo dwagi yai po buku

⁸ Tama Solgo te tigidali bidi te Besek buluba sisinagasao olama, tama agai suali, te Juda dabe umabo bidi te 30,000 bidi, te gasa Israel dabe te 300,000 te buluba sisinai.

1 Samuel 11:8 Referans Kwoze

2 Samuel 24:9

Te augwali sabolali sogode, tama Joap pelama, te bilali po tigidali te kingba waligi pali, “Israelde te ami sę yabo bidi te bidi sese umabo mu, te 800,000 bidi elaluali, tama te Judade te umabo bidi sese mu te 500,000 bidi elaluali,” Joapgo Devitbolo te po wali.

1 Samuel 15:4

Solgo te po odali, tialima agai te ami bidi dabe i olama, te Telaim hanuba sisinani. Tama te Juda hani bidi 10,000 elaluali, tama te gasa Israel hani sibi dabego te 200,000 bidi elaluai.

1 Samuel 13:15

Samuelgo te po ola silama, tama agai te bulu Gilgal tagalama, tama gasaba palio. Tama Solgo me te Gilgal bulu tagalama, tama te Gibeaba pelama, te aga ami bidi dabe dali deliba sisinama bidai. Tama te Gilgalde bidali tigidali we bidigo aga wali pali. Gibea bulu te Benjamingo tǫde elaluai. Augwali sabolama, tialima Solgo te aga dali bidalubo ami bidi dabe nedali, tama te 600 ami bidi naga elaluali.

Te Israel Tobolu Bidi Dabe 20:2

Tama te tigidali Israel hanigo polalubo bidi dabe te tigidali bage te Godiba sisinama po mibo madiba sabolali. Te bainatgo hwįbo ami bidi dabe te bidi sese umabo te 400,000 ami bidi dabe elaluali.

1 Samuel 11:9

Tama te ami bidi dabego te Jabes dabebolo weyu, te po wai, “Duga bage bidi dabebolo te tama po wagi pao, te do giliga te pedelai digi, te dago dage tau sagasu aselama, tama te boi bidi dabe ela gudulama, sela sąwaibao,” wali. Tialima, te Jabes dabe pelama, te augwa bage bidi dabebolo te po magi pali. Tama augwaligo te po odama, tama augwa wiegi yai homu pemene mu yai.

Te Israel me Juda Hani Sigo Tuni Bidigo Po Elalubo Buku Si 3:6

Awe, tialima te king Joram aga te Samaria polo taga soyu, tama agai te tigidali ami bidi sisinibo sę yali.