1 Samuel 11:11 - Godigo dwagi yai po buku

¹¹ Te kigamu digi mu, te be posisąbadi, teda Solgo te aga ami bidi dabe dagalama, hani sela wasilali, tama be posa pabode augwali te udada pelama, te Amon dabe dali hwįgi pali. Tama augwaligo te augwali elala pidubadi, tama te belo nai tuboba usu nigi pai. Tama te Amon dabe deli deli te tigi dolisiąwani bage, augwali te wi tedela pai.

1 Samuel 11:11 Referans Kwoze

Te Israel Tobolu Bidi Dabe 7:16

Tama Gideongo te 300 bidi dabe te hani sela nigilama wasilali. Tama agai te biugel me, te genagi dagede te ula ilibo ni kaneme elalubo te sospen sene tomode elalubo te selama, tama augwali deli delibolo te nai dabe mena mena pali.

Jems 2:13

Magi baso menio. Bidi me deligo gasa bidi homu dene eyu tau sisiąyu bidali, tama te sogo Godigo we bidi dagalobode, te gasa bidi homu dene esiąyu tau sisąyani te bidi aga Godigo homu dene eyu tau sogobeo. Te menio. Tiali goli, niwai bidi agai gasa bidi homu dene elama augwali tau sali te bidi, te usu da, Godigo te bidi tau siyu, tama te Godigo bidi dagalobode te tiwai bidi aga te po tų dali te sęgę me dene sogobeo. Te menio.

Matyu 7:2

Te dagego gasa we bidigo ebo kolesaga osola sulama, tama augwali sęgę mabo tiwai gilama tama God agai dagego ebo kolesaga me osola sulama, tama dagebolo sęgę mawaibao. Dagego augwali usu sali usu nigo naga te Godigo dage me usu saibao.

Godigo Nogi Ugwaba Sabo Tęąbi Po Wabo Buku Dabe 46:1

God aga te da seselalubo bidi da, tama agai sesemane sogo da bomo mabo dao. Aga te pąde bidiyu, te dago genuai sęgę sabo sogo tau sainu sisi elalubo dao.

1 Samuel 11:2

Tiali goli, Nahasgo te po wali, “Te eno dage dali bomai po dąų wabo sunumi deli naga elalubao. Eno te dage tigidali Jabes dabego dolo badu gedu widilaibao, te dageba tama tilama, tama te tigidali gasa Israel dabe hale dwai ilaibao,” te po wai.

Te Israel Tobolu Bidi Dabe 9:43

Tialima, Abimelekgo aga bidi dabe selama, tama hani sela nigilali. Tama augwali geme te bulu tomoba duala sigi pelama, tonalu bidali. Te agai te we bidi augwali te hanu tagalama aselabo side, aga te geme dualaluali pesage tagalama asiyu, tama augwali elagasali.

Te Israel Tobolu Bidi Dabe 4:16

Barakgo te karis dabe me te ami bidi dabe dali pobeasa pidubadi, te Haroset Hagoim teba tagaligi pali. Tama Barakgo ami bidi dabego te Siserago ami bidi dabe tigidali ela silali. Te deli digi me bidibeo.

Te Israel Tobolu Bidi Dabe 1:7

Tama Adoni Besekgo te po wali, “Polobadu eno te tuni bage bidi sese sela te gasa bidigo nogo si te 70 bidi te augwali eno te a nogo me, a sągą me togolama, tama augwaligo te nai kakali te eno tebol sai dologode sela tuyu yai. Megi Godigo te tiwai sę naga te enaba wei ponobao,” wali. Tama augwaligo te tuni bidi Adoni Besek te moni hanu Jerusalemba sela pelama, te Jerusalemde bidibadi tama aga isai dao.

Ma Dobola Sali 14:24

Tama Genuai Bidi te bobage pǫde me te siade bidiyu, tama te be posobo pąde agai te Isip ami bidi aiyaba tonono bilama, tama agai augwaligo homugo kolesaga te polobo bidigo homu tiwai ilama, tama augwali midigi dwai mu yai.

Tigidali Nai Gagalama Nigali Side 22:14

Tialima, Abrahamgo te bulu nogi poali “Yawego mawaibao.” Tama bidi dabego megi tama me te po wabo, “Yawego aga bulu dude te sǫą pabo nai mawaibao.”

Te Israel Tobolu Bidi Dabe 7:20

Augwali te sela hanigo te biugel bu ola peyu, tama te tǫgo nigai sospen sene aluali. Tama augwaligo te genagi dagede ula ilibo nai te pobase nogo badu tulama, te biugel te dolo nogo badu tolasa tama augwaligo i weyu, te tiwai wali, “Te Genuai Bidigo bainat me te Gideongo bainat me dao!”

2 Samuel 18:2

Tama agai aga ami bugulama, te genuai hani sela nigilama, tama Joapgo te hani me deli tonalu, tama Abisai, te Joapgo amago, te hani me deli tonalu, tama te Get bulu bidi Itaigo te hani me deli tonalu yali. Tama Devitgo aga hani ami bidi dabeba te tama wai, “Te ena digi ena me te hwįboba dage dali paibao,” wali.

1 Samuel 14:47

Te Sol Israel dabego king mu pedelali sogo, aga dali, te aga ami bidi dabe dali, te Israel dabego boi bidi te tigidali tǫ pedaide bidalubo bage dali hwįani. Augwaligo te Moap dabe me, Amon dabe me, Idom dabe dali, me te Filistia dali, me te Soba king dabe dali hwįani. Tama te hwįani te augwaligo te boi bidi dabe tigidali aiyaba elaluama, tama te boi bidi dabeba dene mayu yai dao.