1 Samuel 10:25 - Godigo dwagi yai po buku

²⁵ Tama Samuelgo te kingo yabo sę dabe po te bage dabebolo te po hania hanilama wali. Tama nosali agai te po te buku me delide asęnama, tama Genuai Bidigo beba munama elaluali. Tama agai te tigidali we bidi te augwa buluba ma tagala palali.

1 Samuel 10:25 Referans Kwoze

Taitus 3:1

Taitus, nago te nago tonalubo Godigo po wali pabo we bidi augwalibolo e po widu geao: augwali te gavman tuni bidi dabe dali genuai bidi dali dologode bidiyu, tama augwaligo po odolama te po wali pao. Tama tiyu tama augwaligo tigidali dwagi yai kolesaga yabo sę sisi eyu bidao, te po ola mao.

Bomai Po 31:26

“Te Genuai Bidi dago God agai bomai po elalubo buku selama, tama te kontrak munalubo bokis pąde muao. Tama aga te pesagede munalumainao, tama te Godigo we bidi po tų ela mayu emainao.

1 Samuel 8:9

Tama teyu, eno homugo te nago augwaligo po wali pelama, tama augwa king bidi nigilao. Tiali goli, hasia bolo te nago te po augwaliba pusao, te kingo tigidali kolesaga augwaliba yabo po. Tama nago bomai po augwaliba mayu, te augwaligo hanalu wali sęde te homu bugagia kone palomainu yao,” wali.

1 Samuel 11:14

Solgo po ola silibo si, tialima Samuelgo te we bidi dabebolo te po wai, “Da te taun Gilgalba pelama, tama po hanilama weyu, te Sol dena king bidi bidibao po waibao,” wali.

Te Israel me Juda Hani Sigo Tuni Bidigo Po Elalubo Buku Si 11:17

Te pris bidi Jehoiadago te king Joas dali, te we bidi dabe dali, e tiwai po augwali dali wali, “Tama te dage te Genuai Bidi dali wadolagaselama, te gesi noma bomai pode dąų wagasiąo,” wali, tama augwali te augwali Genuai Bidigo hani we bidi naga bidimainogo yai. Tama me te agai te king dali, te we bidi dabe augwali dali, e tama po wai, tama augwaligo te augwa tomode te gasa bomai po me deli augwa digi dąų wali.

Josua 22:6

Tama Josua te wiegi yai po mobo augwali menama, tama agai augwali te Jordan wę boloyu, augwa beba ma pomainu tagala palali.