1 Samuel 10:22 - Godigo dwagi yai po buku

²² Tama tibaso, augwaligo te Genuai Bidiba hanalu, te tama wali, “Te bidi asaliwe, ma meniwe?” Tama Genuai Bidigo po wei ponoyu, te tiwai po wali, “Sol te duga walu doado bage tomode te geme dualalubao,” wai.

1 Samuel 10:22 Referans Kwoze

Te Israel Tobolu Bidi Dabe 20:18

Megi da, te Israel dabe te lotu wabo pesage te Betelba pelama, tama augwaligo te Genuai Bidiba hanalu wai, “Te da mena hani bolo te hasia pelama, te Benjamingo hani dabe dali hwįgi paibawe?” Tama Genuai Bidigo te po wali, “Te Juda hani bolo polasa pomainao,” wali.

Israel Hanigo Namba 27:21

Tiali goli, Josua te Eleasar pageba pelama, tama eno homu kolesaga te tigidali nai dabede koneainogo yaibao, nosali. Tama Eleasargo te prisgo gudubo te name ugwa baude daganalubo te masigi si te dwasianu paus sao, te eno homu kolesaga konea sainogo. Tama Eleasargo te Josuabolo me te we bidi sesebolo te tigidali te sę ela silimainogo,” wali.

Dwagi Yai Gesi Po Lukgo Asęani 14:11

Niwai bidi aga nogi ugwaba sobaso da, teda Godigo te bidi nogi aiyaba elaluaibao. Ma, aga nogi ugwaba sisąma bidali bidi, Godigo te bidigo nogi ugwa saibao,” Jisasgo te po wali.

1 Samuel 15:17

Tialima, Samuelgo Solba te tiwai po wai, “Polobadu naga homugo nage te olo nai tiwai homu yali, tiali goli nage te da Israel hanigo polalubo tobolu bidi pedelali. Genuai Bidigo digi nage sa munama, tama nage te king bidi pedelai dao.

1 Samuel 9:21

Tialima, Solgo Samuelbolo te tama po wai, “Ena te Benjamingo hani bidi, tama eno hani te dwasianu hani naga te Israel dago hani tomode elalubao. Tama eno ayago hani sibi te Benjamingo hani tomode nogi me elalubeo. Tama teyu, magi baso nago te tiwai po enabolo obawe?”

Te Israel Tobolu Bidi Dabe 1:1

Te Josua isai madi tama te Israel dabego te tiwai po te Genuai Bidibolo hanalu wali, “Te mena hani polasa peyu, tama te Kenan dabe dali boi hwįgi pogowe?” wali.

Tigidali Nai Gagalama Nigali Side 25:22

Te Rebekago haligade te wai si elalu, tama augwa si tomode usu siyu begelali. Tibaso, Rebekago te po wali, “Te ebo kolesaga magi baso enaba pedelaliwe?” Agai te sę ebo page koneainu, teda agai Yawebolo gedu haluasa po hanalu wali.

1 Samuel 10:21

Tama Samuelgo te Benjamingo hani solo bage asao olama, tama God Genuai Bidigo te Matrigo hani nigilali. Tama Samuelgo te Matrigo hani sibi bidi asao po olama, tama Genuai Bidigo digi te Sol sa munama nigali, te Kisgo ogwa. Tama augwaligo aga gegebo sę yali, tiali goli, augwaligo aga me subeo.

1 Samuel 14:37

Tialima, Solgo te tiwai po Godiba hanalu wali, “Te dago te Filistia dabeba hwįgi pogowe, ma meni egowe? Tama te usu yali da, teda nago da tau sobaso, te augwali aiyaba elalugowe?” Tiali goli, megi te sogo Godigo agai po wei me ponobeo.

1 Samuel 22:10

Tama Ahimelekgo te Genuai Bidiba hanalu, te Devitgo aga mena sunumi wali pomainu ebo po wai. Tama prisgo te nai meba siyu, te Goliatgo bainat hwą me selama, tama Devitba mawai,” wali.

1 Samuel 23:9

Tiali goli, Devitgo odali, te Solgo agaba dwai sę yabo homu ebo po wai. Tama tibaso, agai te pris Abiatarbolo walali, “Te pris ugwa selama, sesao,” po wali.

1 Samuel 30:7

Tama tialima, Devitgo te pris Abiatarbolo wali, te Ahimelekgo ogwa da. Agai te tama po wai, “Te pris ugwa seselama, tama dago te Godigo homu sulama koneaibao.” Tialima, Abiatargo te Devitba sesalio.

1 Samuel 30:8

Tama Devitgo Genuai Bidiba hanalu wali, “Te bidi dabe augwali te eno pobeasa pabo usu yaibawe? Tama ena pobaso da, teda eno augwali suabo usu yaibawe?” Tama Genuai Bidigo agabolo te po wali, “Nago augwali pobeasa pao. Te nage augwali paboba sabolama, tama augwali elama, tama te dagego we me wai dabe augwali ma dobola saibao,” te po wali.

2 Samuel 2:1

Te Sol de Jonatan si isai madi, tama nosali Devitgo Genuai Bidiba te tama po hanalu wali, “Ena pelama, te Juda dabego taun me deliba duagi pelama bidibaso, usu yaibawe?” Tama Genuai Bidigo te po wali, “Nage pao.” Tialima, Devitgo agaba ma hanalu wali, “Te ena mena taunba duagi pelama bidigowe?” Tama Genuai Bidigo agaba te tiwai po wei ponani, “Nage pelama, te Hebron taunba bidigi pao,” wai.

2 Samuel 21:1

Te Devit king bidali sogo, te nasi ebo sogo me deli pedelama, tama te Israel dabe me, Juda me, te nai sǫą pelama, te nai sili bididubadi, te kibu be sela bidai. Tama tibaso, Devitgo Genuai Bidiba te tebo sę ebo page hanalu wali, tama Genuai Bidigo agaba te po wai, “Te sę ebo page te tama telalubao. King Solgo te Gibeon dabe ela muani, tama te dwai sę yali page te aga hanide elalubao,” wai.