1 Samuel 10:19 - Godigo dwagi yai po buku

¹⁹ Godigo dage ma dobola sali, te dwai sę ebo me sęgę te dageba pedalubaso sali. Tiali goli, megi dagego aga tudiba togoliyu, tama dagego te po obao, te Godigo dage tonalubo te dagego hagela ebo homu yai. Dagego homugo te eno dagebolo te king bidi me deli momainu yali. Tialima, megi da, te dage pelama, te duga hani sibi dali te Genuai Bidigo geduba dolalugi piąo,” wali.

1 Samuel 10:19 Referans Kwoze

1 Samuel 12:12

“Tama te tigidali sogo God, dena Genuai Bidi naga, te dena king bidi bidai. Tiali goli, nosali dagego suali, te Nahas, te Amon dabego kingo, te dage dali boi hwįagasainu yali. Tama tibaso, te God dagego king bidi bidibo te dagego homugo hagela yali. Tama dagego enabolo po wagasu, te tiwai po wali, ‘Tagalao. Dago homugo te nago king bidi me deli nigilao,’ wai.

1 Samuel 8:19

Tiali goli, te bidi dabego te Samuelgo wabo po odisiąma, tama augwaligo agabolo te tama po wai, “Tagalao, dago homugo te nago king me deli nigilao,” wali.

Josua 24:1

Josuago te Israel hani tigidali te Sekemba sisinani, tama nosali agai te tobolu bidi dabe me, te genuai bidi dabe me, te tonalubo bidi dabe me, te augwali tigidali i olama, sisinama, tama augwali te God gedude doligi pali.

Maika 5:2

Genuai Bidigo te tiwai po wali, “Betlehem Efrata, te tigidali Juda taun tomode nage te dwasianu taun mu elalubao. Tiali goli, nagede te genuai tuni bidi me deli pedelama, tama agai te Israel hani tonaluabo bidi dao. Te polobadu mu aga hasia wąį monu nǫų me deli pedelali, tama aga hani bidi me bidibao,” te po wai.

Israel Hanigo Namba 17:2

“Te Israel dabebolo te 12 te tolasa bilibo dono mao po walao. Te deli deli hani wąį tobolu bidide sao. Tama nago deli deli tobolu bidigo nogi te deli deli donode asęao.

Israel Hanigo Namba 11:20

Dagego te nai mi dabe te tudubadi polua deli pelama, tama dage boguabo homu elama, tuabo hagela yaibao. Genuai Bidi dage tomode te bidibao, tiali goli dagego aga tudi ola menama, tama dagego aga dali wado po wali weyu, e tiwai po wali dao, “Magi baso dago Isip tagalama asaliwe?” Dagego te tama kolesaga yalio. Tiali, megi te nai dabe dageba megi pedalaibao.’ Te tama po augwalibolo pusao,” Genuai Bidigo Mosesbolo te po wai.

Bomai Po 17:14

Tama Mosesgo po geninama weyu, te po wali, “Dagego te Genuai Bidi dago God agai dagebolo mawainogo ebo te tǫ selama, tama dage te tǫde dualaluyu da, teda dagego homugo tiaibao, ‘Te tuni bidi te kingo da tonalumaina,’ te homu yaibao, ‘te gasa hani bidi dabego ebo tiwai inao,’ homu yaibao.

Te Israel Tobolu Bidi Dabe 8:23

Tiali goli, Gideongo te po wali, “Ena te dagego tobolu bidi me bidigobeo. Tama eno wai dabe me te dagego tobolu bidi me bidigobeo. Genuai Bidi naga te dagego tobolu bidi bidaibao,” wali.

1 Samuel 10:20

Tialima, Samuelgo te tigidali hani deli delibolo te pąba asao po olama, tama agai te Genuai Bidigo homugo te gegelama hanilibo kolesaga elama, tama Genuai Bidigo te Benjamingo hani sa muyu, nigilali.

1 Samuel 14:23

Tama augwaligo te Filistia dabe pobelama, tama hwį hwį pedubadi, te Betaven edelama, tama mu hwį hwį palio. Tama tiyu, te sogode Genuai Bidigo te Israel dabe tau selama, tama augwali aiyaba elaluali.

1 Samuel 14:38

Tama Solgo te Israel dabe tobolu bidibolo te po wai, “Dage asiąo,” wali. “Te e megi bubugade dego te dwai sęgę yali te gegelama hanilaibao, tama tialigo te Genuai Bidigo dabolo te po wei ponobeo.

Bugagia Bidibo Kolesagade Po Asęai Buku 16:33

Te bidi dabego te satu gagali eyu, te augwaligo mena sę yabo te hanilibo sę ebao. Tiali goli, Genuai Bidi deligo da, te satugo augwaligo te hanalubo po wei ponobo dao.

1 Samuel 3:21

Tama te Genuai Bidi te Samuelba te Silo buluba pedelama, tama agabolo te po magasai.

1 Samuel 4:1

Tama Samuelgo te Israel dabebolo te tigidali e sę ebo po obaso, augwaligo agai poba olo bugagia muani. Te sogo te Filistia dabego te Israel dabe dali boi hwįagasu asobaso, tama te Israel dabe hogodama, augwali dali te boi hwįgi pai. Tama te Israel dabe bidabo pesage te bulu Ebeneser te pąde nigilama bidali, tama te Filistia dabe bidabo pesage te hanu Afek pąde nigilama bidai.

1 Samuel 8:5

Augwali teba sabolama, tama augwaligo Samuelbolo te tiwai po wai, “Odao. Nage monu dabe yai, tama nago ogwa sigo te nago yali wiegi yai kolesaga tiwai me wali pabeo. Tama teyu, dago homugo te nago bidi me deli nogo tų ilama, te da tonaluabo king bidi pedalumainu yaibao. Tama tiyu da, te da te gasa tǫ pedai bidi dabe tiwai pedalumainu homu ebao,” augwaligo te po wai.