1 Samuel 10:17 - Godigo dwagi yai po buku

¹⁷ Nosali Samuelgo te tigidali Israel dabe te Mispa buluba te Genuai Bidi geduba sisinagasomainu i wai dao.

1 Samuel 10:17 Referans Kwoze

Te Israel Tobolu Bidi Dabe 20:1

Te Israel bage tigidaligo te Livai bidigo wede po odama, tama augwali te deli hani tiwai naga aselama, tama augwali te Genuai Bidi gedude te Mispa buluba sisinagasali. Augwali te tǫ pedai tigidali badu te Dango tǫ pedai te not badu gagalasa asali, tama te saut te Berseba teba usu nigi pali, tama te Gileat tǫ pedai bage te giliga pedalubo badu augwali me asalio.

Te Israel Tobolu Bidi Dabe 11:11

Tama tibaso, Jepta te Gileat genuai bidi dabe dali palio, tama te we bidi dabego aga te augwaligo te augwa tigidali sęde te polalubo bidi nigilali. Tialima, Jeptago aga te sęde wali po tigidali te Genuai Bidi gedude te Mispa bulude te po wai.

1 Samuel 11:15

Tama teyu, tigidali te Gilgal hanu taunba pelama, tama te Genuai Bidigo gedude augwaligo te tiwai po wai, “Sol aga te dago king dao.” Tama augwa te God dali deli haliga yabo ofa yali. Tama Sol dali, te tigidali Israel dabe daligo te yali sęde wiegi yai homu pemene mu yai dao.

Hosea 13:11

Polobadu eno wado elama, te eno dageba king mawai. Tama megi me, eno te wado po umabo mu olama, te eno augwali sela sąwai dao,” wali.

1 Samuel 7:16

Te tigidali kibu bede aga te Betelba, me Gilgalba, me Mispa, te bulu selaba pelama, tama te Israel dabego po tų ebo po odolama, tama augwaligo sęgę elalubo dodoliyu yai dao.