1 Samuel 10:15 - Godigo dwagi yai po buku

¹⁵ Tialima, te aya sabi bidigo te po wali, “Agai mena po dage si dali waliwe?”

1 Samuel 10:15 Referans Kwoze

1 Samuel 10:14

Nosali Solgo te aga aya sabi bidi te deliba gesabidi unulubaso, tama aga aya sabi bidigo te agabolo me, te aga sę bidiba me hanalu, te tiwai po wali, “Dage si mena pai asobawe?” Tama Solgo te po agabolo wai, “Da si te donki dabe gegegi pai. Tiali goli, da sigo gege gegi pali meni yani, tama tibaso, da si pelama, te Samuel sugi pai.”

1 Samuel 10:16

Tama Solgo te tiwai po wai, “Agai da sibolo te tiwai po wali, te bidi mebago te donki dabe gegela sualio, wai.” Tiali goli, Solgo te aga aya sabi bidibolo te Samuelgo aga te king pedelaibao wali po te aga aya sabi bidibolo wabeo.

Jeremaia 38:27

Tama nosali, te ofisa tigidali te Jeremaiaba aselama, hanalu wai. Tama agai augwaliba po wei ponoyu, te kingo agaba wali po tiwai wali. Te king Jeremaia dali wali po te bidi deli mego me odobeo. Tama te ofisa dabego sunumi menia sobaso, te augwaligo Jeremaia tagalama, palio.