1 Samuel 10:12 - Godigo dwagi yai po buku

¹² Tama te bulude bidi me deligo te po wei ponoyu, te po wai, “Te gasa profet dabe magi yai dawe? Eno homugo te augwa aya dabe te profet bidi bidisąwani homu ebao,” wali. Te Solba pedalubo sęde, te Israel dabego wabo po page me deli elalubao. Te bidi me deligo mena sę me deli yainu ebo sulama, tama augwaligo homugo agai te sę ebo usu egobe homu elama, tialima augwaligo te po wabo, “Magi elama, Sol te profet pedelainu ebo, agawe?”

1 Samuel 10:12 Referans Kwoze

Dwagi Yai Gesi Po Jongo Asęani 6:45

Te Godigo nosali yabo sę po pusa mani profet bidi dabe augwaligo te po asęani, ‘Godigo tigidali we bidi ola mawaibao.’ Mena bidi me Ayago po odolama, tama koneama, te bidi ena pageba asobo dao.

Aisaia 54:13

“Te ena digi eno nago wai dabe ola mayu, te augwa bidabo pesage bugagia mu elalueibao.

Dwagi Yai Gesi Po Jongo Asęani 7:16

Te Jisasgo augwalibolo te po wei ponoyu, te po wai, “Te po eno dagebolo ola mani po da, te eno po menio. Te God agai po dao, agai ena tagala palobaso, ena asai dao.

1 Samuel 10:13

Tialima, Solgo te profetgo ebo kolesaga tiwai elama, aga te bulu dude elalubo alta elalubo madi pai.

1 Samuel 19:23

Tialima, aga te sunumidu pidubadi, tama Godigo Mobo agaba bomo elama pedaliyu, tama aga me te tęąbi eyu, tama te sunumidu sasa mano peyu, aga te Naiot buluba sabolalio.

1 Samuel 19:24

Tama agai te aga ugwa dabe peda sąnama, te gasa bidi dabego ebo tiwai elama, tama aga me te profet dabego ebo kolesaga tiwai yali, te Samuel pąde tiali. Tama te giligade me, hulide me, aga te dwasianu ugwa name bea selama, tama pila mudali. Te sę te Solba pedelali, te po me deli page te bidi dabego pusali po elaluai. Te pogo te tiwai po wai, “Magi yaliwe? Te Sol me te profet pedalubo, agawe?” te po page te tama po wabo dao.