1 Samuel 1:9 - Godigo dwagi yai po buku

⁹ Me sogo deli sogo augwali te Silode bidalu, tama augwa nai tula silibo si, tialima Hana hogodasa palima, te Genuai Bidiba ofa maiabo name ugwa be pąba doligi pali. Te sogo te pris bidi Eli te aga duabo sia saide dulalubadi, te Genuai Bidigo be obo bagulali tomoba pabo sunumi pąde dao.

1 Samuel 1:9 Referans Kwoze

1 Samuel 3:3

tama Samuel te Godigo Dąų Wali Bomai Po Muani Halobage elalubo madi pila muai. Te pąde be posainu ebadi, tama Godigo bede ula elaluali lam te me ula elaludai,

Godigo Nogi Ugwaba Sabo Tęąbi Po Wabo Buku Dabe 27:4

Eno te nai me delide naga te Godiba hanalu wali, tama eno homugo agai te tama sę emainu homu yali. Eno agaba te tama po hanalu wali, te ena bidibo ula elalubo sogo ena te agai bede tigidali sogo bidainogo yai. Te agai enaba wiegi yai homu bugagia ebaso, te eno wiegi yai homu pemene agaba yaibao. Tama eno agaba hanalu, te enaba wiegi yai sunumi ola momainu homu ebo dao.

Godigo Nogi Ugwaba Sabo Tęąbi Po Wabo Buku Dabe 5:7

Tiali goli, nago ena sesemane godolo mu ebo da. Tama ena te nago be tomoba asabo usu ebo tiwai yali. Eno te kidu sugunama, te nageba te nago tedali genuai lotu be tempel tomode lotu obaso, te usu yaibao.

2 Samuel 7:2

Tama kingo profet Natanbolo te tiwai po wali, “Ena te augwaligo te ni bǫgo sęwai wiegi yai genuai be me delide bidibao, tiali goli te Godigo Dąų Wali Bomai Po Muani Halobage te ugwa bede naga munalubao. Te dolo meni da, homu ebao,” wali.

1 Samuel 3:15

Tialima, Samuelgo te po wabo odama, tama aga te betde pila munama, te be posa pali. Tama kigamude Samuel hodaluama, tama Genuai Bidigo be sunumi dagi pali. Tiali goli, Samuelgo te nade subo tiwai yali sę po te Elibolo wabo te aga wi yali.

Godigo Nogi Ugwaba Sabo Tęąbi Po Wabo Buku Dabe 29:9

Te Genuai Bidigo i wabogo te uni hasa dabego wai sągąnobo tiwai yaibao, tama te tigidali ni yabe dabe sela sąbo dao. Tama te Genuai Bidigo wiegi yai bede tigidaligo te tiwai i weyu, “Godigo genuai nogi elalubao,” te po wabo dao.

1 Samuel 1:10

Hana aga te homu dwai dene mu ebaso, tama gela udubadi genama, tama Genuai Bidiba gedu haluasa po walio.

1 Samuel 4:13

Eli te Silode bidu, tama duabo sia saide te sunumi sesegede dulaludai. Aga te Genuai Bidigo Dąų Wali Bomai Po Muani Halobagede homu hauwa elama, homu kone palu bididuai. Tialima, te ami bidi te Siloba sabolama, tama te Israel we bidi te boide aiyaba elaluama, hagawali po pusali. Tama tigidali we bidi wi elama, tama dwai i wabo hwa walio.