Biblia Todo Logo
Bib sou entènèt

- Piblisite -




1 Samuel 1:24 - Godigo dwagi yai po buku

24 Nosali te waigo ame tuali tagalubo side, teda Hanago te wai Genuai Bidiba sela pali. Tama agai te tiwai ofa me sela pali, te bulmakau omai sela, me te sęgę nogo si elalubo plaua, te meme waligo nigai beg me deli, tama tede te augwaligo wain ąį buai elaluali. Samuel te dwasianu ogwa pedalubadi, tama aga idago aga te Genuai Bidigo be te Silo buluba sela pali.

Gade chapit la Kopi




1 Samuel 1:24
9 Referans Kwoze  

Te Israel dabe augwaligo boi hwįnama, te tigidali bulu bidi dabe aiyaba elaluama, tama augwa hani tigidali te Siloba sisinani. Tede augwaligo te God dali sisinabo lotu be, te ugwa be, te augwaligo dodolama muai.


Genuai Bidigo agaba lotu wabo pesage deli aga sa muaibao. Tama te pesagede da, dagego eno megi dagebolo wali te nai dabe sesiąo. Tama te ofa da, te isigo sese dela silibo ofa, me te meba ofa dabe me, te tigidali nai bugwai me badu te ofa me, te me gasa nai dabe dagego Genuai Bidibolo mawainogo yali, te ofa me te wiegi wiegi yai nai dabe te dąų wali te po usu nabo, te nai dabe tama sesao, te eno hasia polo wali.


“Tama tialima, sela sogo deli kibu be tomode te duga hani bidi dabe dage naga te Genuai Bidiba lotu po wabo sa muani pesage deliba pelama, lotu weyu yao. Te sela sogo te e tama dao. Te Yis Meni Yai Bret Genuai Sogo, me te Gide Nai Siyu Wiegi Yai Homu Pemene Ebo Sogo, tama me te Osogo Bidabo Yano Bede Bidibo Genuai Sogo. Tama dage bidi deli deli nogo olo Genuai Bidigo geduba olo me aselamuo.


Tama agai gasa po digi po me ma begelama, te po augwalibolo wai, “Te Godigo we bidi tonalubo sę te bret bo dabo nai yis tiwai dao. Te we me deligo te dwasianu yis selama, tama te genuai dramde munalubo tubo plaua dali taluama begelaibao. Tama nosali te plaua tigidali te bo dai subo dao,” Jisasgo te po wai.


Tama te wai Aisak genuai igulali. Tama aga te ame tubo tagalubo sogode Abrahamgo genuai nai ulalio.


Tialima, te Hadatgo wego te ogwa me deli ame nani, tama augwaligo aga nogi te Genubat poali. Tama kwin Tapenesgo te Genubat selama, tama aga te kingo bede te Isip king bidigo wai dabe dali tonalu bidali.


Swiv nou:

Piblisite


Piblisite