1 Samuel 1:23 - Godigo dwagi yai po buku

²³ Tialima, Elkanago Hanabolo te po wali, “Te nago homugo te tiwai ebo wiegi yai da homu ebaso da, teda nage te bulude bidiyu, tama te waigo ame tubo tagalubo si usu nao. Tama Genuai Bidigo te nago dąų walali po te mu pedelama, te agai wali po tiwai gilama emainao,” wali. Tama tiyu, Hana te bulude bidama, tama aga wai bugagia tonaluai.

1 Samuel 1:23 Referans Kwoze

2 Samuel 7:25

“God, Genuai Bidi, ena te naga sę bidi, megi eno homugo nago enabolo me te eno haniba dąų walali po te tiwai sę pedaliyu, tama nago te tiwai sę sesemane sogo iduao.

Dwagi Yai Gesi Po Lukgo Asęani 11:27

Te Jisasgo te genuai we bidi hani tomode te po dagayu, te po obadi yaide, te we me deli augwali tomode bididuali wego te po dagą olama, te tiwai po wali, “Nage ame nenama negali we da, bugai homu ebadi bogo dao,” te po wali.

Matyu 24:19

Te haliga yai we dabe me te sogode te we dabego wai ame mobadi te augwali hobede mu dao.

Aisaia 44:26

Te eno sę bidigo magi sę yabo po me deli pusubo sogo, tama te sę nosali badu pedelaibao, te po eno wabo sogo da, teda eno te po mu naga pedalumainu ebo dao. Te megi eno te tiwai po obao. Te we bidi dabe te Jerusalemde ma bidigi pelama, bidaibao. Me te Juda dabego taun augwa ma nigaibao. Te megi dolama elalubo hanu dabe te eno ma wiegi yai nigilaibao.

Godigo Nogi Ugwaba Sabo Tęąbi Po Wabo Buku Dabe 22:9

Tiali goli, God, nago naga ena te idago haligade selama, tama ena bugagia pedelali. Tama ena te ame tubadi, nago ena tonaluai.

1 Samuel 1:17

Tialima, Eligo te po odama, tama agabolo te po wali, “Tagalao, nage homu nagame elama, tama nage pao. Tama Israel dena Godigo nagebolo nago te hanalubo nai mawaibao.”

Israel Hanigo Namba 30:12

Tiali goli, te we aga bidigo te wego wabo po odali sogo tama habu selali da, teda te we aga te wali po sese tama wali pomainu elamuo. Te aga bidigo aga habu selali dao. Tama tialima, Genuai Bidigo te wego sęgę sela sąwaibao, te we aga wali po wali pisąma yali sęgę.

1 Samuel 14:36

Nosali, Solgo aga bidi dabebolo te tiwai po wali, “Ae, da aiyaba dulama, tama te Filistia dabe hulide pobeasa pelama, tama augwali dali wąbi hwįdubadi, te giliga pedalumainu yaibao. Tama dago te bidi dabe tigidali elama, tama augwaligo doado bage saibao,” wali. Tama augwa te po wai, “Te usu dao, dago tama tiwai yaibao.” Tiali goli, prisgo te po wai, “Te Godiba dago hanalu bolo ebo dao,” wai.

1 Samuel 14:40

Tialima, Solgo te tama po te tigidali Israel dabebolo wali, “Dage tigidali u badu pedai badu dolaluiąo, tama Jonatan da si te e pedai badu dolalueibao.” Tama augwaligo te po wali, “Te usu da, dago te tama tiaibao,” wai.

Te Israel me Juda Hani Sigo Tuni Bidigo Po Elalubo Buku Deli 3:21

Te kigamu ena hodalu, tama eno te ena wai ame mawainu yali, tiali goli eno suali, te aga isai yalio. Tama eno aga te wai bugagia tonalu osola sulama, tama eno koneani, te aga eno ame nani wai tiwai tonobo ąǫ me ebeo,” wali.