1 Samuel 1:19 - Godigo dwagi yai po buku

¹⁹ Tialima, Elkana aga we wai puluba dali te Silo bulude tede hulide pilama, tama kigamu mu augwali hogodama, tama Genuai Bidiba lotu po wali. Augwa te lotu po ola silama, tialima te augwali te augwa bulu te Rama teba ma pai. Nosali Genuai Bidigo te Hanago gedu haluasa po wali te homu kone palama, tama te Hanago hanalu wali po tiwai gilama te wali palio.

1 Samuel 1:19 Referans Kwoze

Tigidali Nai Gagalama Nigali Side 21:1

Te Yawego agai polobadu dąų walali po wali peyu, tama agai wiegi yai olo tau sabo kolesagago te Sara dali dwagi yai sę yali.

1 Samuel 1:11

Tama Hanago bomai po me deli te Genuai Bidiba dąų weyu, te tiwai po wai, “Genuai Bidio, nago tigidali bomo elalubo. Eno homugo nago ena sumainu homu ebao, nago sę ebo we dao. Eno te elalubo homu sęgę ebo sulama, tama ena homu kone palao. Te nago ena homu kone palobo te munu me tagalamuo. Te nago ena te wai ogwa me deli mobaso da, teda eno aga te nageba mayu, te aga nago sę bidi bididubadi, te aga isiboba usu nigi paibao. Tama te dąį nigiliyu, te augwaligo aga tobolu nisi munu me togogobeo,” tama po wali.

Tigidali Nai Gagalama Nigali Side 30:22

Tama Godigo Resel homu kone ma palalio. Tama agai Reselgo gedu haluasa po wabo odama, tama aga te wai ame nomainu ilalio.

Tigidali Nai Gagalama Nigali Side 4:1

Adam aga we dali pilama, tama we haliga yai. Tama wego ogwa me deli ame nenama, tama agai te po wai, “Yawego ena tau selama, tama eno ogwa salio.” Tama tibaso, agai te ogwa nogi Kein poai.

Dwagi Yai Gesi Po Lukgo Asęani 23:42

Tama te nosali po wali bidigo Jisasbolo te po wai, “Jisas, nosali nage tuni bidi pedelama bidibo side, nago te sogo ena kone palao,” te bidi mego Jisas dali te po wai.

Dwagi Yai Gesi Po Makgo Asęani 1:35

Te sogo kigamu digi mu aga hodaluama, tama agaduba buluba dią solama, tama te bidi meni yai madiba me pelama, aga Godibolo po wainogo yai.

Godigo Nogi Ugwaba Sabo Tęąbi Po Wabo Buku Dabe 119:147

Te be posisąbadi digi, te eno nageba gedu haluasa po weyu, ena tau sao po obao. Eno nago dąų wali poba homu dąų wagasai elalubo dao.

Godigo Nogi Ugwaba Sabo Tęąbi Po Wabo Buku Dabe 55:17

Te kigamude me, te genuai giliga nanobode me, te hulide me, te sęgę dabego ena dolobaso, tama eno agaba gela wabo da. Tama agai eno gedu haluasa po odoyu yaibao.

Godigo Nogi Ugwaba Sabo Tęąbi Po Wabo Buku Dabe 25:7

Genuai Bidi, nago eno dwai sęgę sali, me dwai sę yali kolesagade homu kone me palamuo, te ena gesi bidide te sę yali. Nage te da godolo ebo Genuai Bidi God dao, tama nage te sesemane wiegi yai elalubo da. Nago enade homu koneama, tama nago ena te olo mu tau sabo wiegi yai kolesaga yao.

1 Samuel 9:26

Te kigamu mu Samuel hogodama, tama Sol i olama, te po wai, “Nage hodaluao. Eno te nage naga buluba tagala palaibao.” Tialima, Sol hodaluama, tama aga Samuel dali te be taga solama, tama sunumiba pali, te Sol aga sę ebo bidi augwali si dali pali.

Tigidali Nai Gagalama Nigali Side 8:1

Te Godigo Noa dali, te bulu uni hasa dabe dali me, te be pąde bidalubo hasa dabe me aga dali te sip tomode bidalubo, te Godigo homugo koneani. Tama tiyu, Godigo te wali te tǫ daide ugwadu bilimainu ilama, tama wę aiyaba kekasa dulubo gagalali.

Godigo Nogi Ugwaba Sabo Tęąbi Po Wabo Buku Dabe 136:23

Te boi bidi dabego da aiyaba elalubo sogo, agai dade homu kone me elaludalio. Te agai bidada pabo sogo sesemane da wei mu ebo dao.

Godigo Nogi Ugwaba Sabo Tęąbi Po Wabo Buku Dabe 5:3

Genuai Bidi, te tigidali sogo kigamude nago te eno gedu haluasa po odobo dao. Te giliga pedalubode eno nageba bomonama, gedu haluasa po obao, te ena ofa ebo tiwai. Tama eno te gedu haluasa po wali wei ponobo te nageba tonalubo dao.

1 Samuel 2:11

Hanago te tama gedu haluasa po olama, tama aga ma pali. Tiali goli, te gesi ogwa bidi Samuel te Silo bulude bidama, tama te Genuai Bidigo sę yali, tama te pris Eligo aga tonalubadi te sę yai.

1 Samuel 1:1

Te Israel bidi me deli bidali, te aga nogi Elkana. Aga te Efraim hani bidi, tama aga te Rama hanude bidali, te Efraimgo bulu du bage bulude. Elkana te Jerohamgo ogwa, tama Jeroham te Elihugo ogwa da, tama Elihu te Tohugo ogwa, tama Tohu te Sufgo ogwa dao.

1 Samuel 7:17

Agai te bulu dabede sę silibo si da, teda aga te aga bidali bulu te Rama buluba ma peyu yai. Tama agai te bulude me te po tų odali. Tama te Ramade agai te Genuai Bidigo alta me deli nigai elaluali.

Josua 18:25

Te e tama hanu me elaluali, Gibeon, Rama, Berot,

1 Samuel 8:4

Tama tibaso, te Israel polalubo tobolu bidi dabe deliba sisinama, tama pelama, Samuel te Rama hanude bidibo sugi pali.

1 Samuel 15:34

Tama nosali Samuel te Ramaba ma geasa peyu, tama te king Sol aga be te Gibeaba palio.

1 Samuel 16:13

Tialima, Samuelgo agai te selasa pali oliv wel selama, tama agai te wel te Devit toboluba te aga ama dede gedude gelali. Tama te sogode te Genuai Bidigo Mobo Bidi te agaba bomo elama bidagaselama, tama te Mobo Bidi agade nosali sesemane sogo bidada pali. Samuelgo wel te Devit toboluba munama da, teda Samuel te Ramaba ma pai.

1 Samuel 19:18

Te Devit wi pali sogo, aga pelama, Samuel te Rama taunba sugi pali. Tama Devitgo agabolo te Solgo te tigidali sę yali po pusali. Nosali Devit dali Samuel si te Naiotba pelama, bidigi pai.

1 Samuel 25:1

Nosali Samuel isibaso, tama tigidali Israel we bidi sisinagaselama, tama agade gela wali. Tama augwaligo aga te Ramade te aga be pąde pubulali. Nosali te Samuel isai madide, Devit te aga bidi dabe dali te tǫ wa pai Paran buluba bidigi pai.

Te Israel me Juda Hani Sigo Tuni Bidigo Po Elalubo Buku Si 4:17

Tiali goli nosali, te we haliga yali. Tama nosali kibu bede, te polua dolo mu, te wego aga wai ogwa ame nani, te Elisago wali po tiwai gilama yali.