1 Samuel 1:18 - Godigo dwagi yai po buku

¹⁸ Tama Hanago Elibolo te tiwai po wali, “Genuai bidio, eno homugo nago dwagi yai haliga sesemane sogo enabolo yao.” Tialima, agai po ola silama, tama palio. Tama aga nai tulama, tama nosali aga homu sęgę ma ebeo.

1 Samuel 1:18 Referans Kwoze

Rutgo Po Elalubo Buku 2:13

Tama Rutgo po wei ponoyu, Boas dali te po wai, “Nago wiegi yai kolesaga mu enabolo ilibao! Ena te nago sę ebo we dabe tiwai wiegi yai meni, tiali goli, nago po dua digi mu enabolo wabo, tama tebo pogo ena homu dąų walobao,” wali.

Polgo Po Pas Rom Dabeba Asęani 15:13

God da, aga te dago homu agaba tialuama tama dwagi yai homu eyu te agai dabolo nosali yabo sę tonalubo kolesaga page bidi dao. Tama eno gedu haluasa po weyu tama wabo dao, “God, te Rom bulude bidibo we bidi augwaligo nageba te konealubo po dąų wali dao. Tama tebogo nago augwali wiegi yai homu pemene genuai elama, tama nagame yai homu te augwaliba pedalama tama pągąnalumainogo yao, te eno homugo dao. Tama nago Tedali Mobo Bidigo bomogo augwali tau siyu tama augwaligo te nago nosali yabo sę bugagia tonalubo kolesaga te geninama mu pedalomainao,” eno te tobage po te Godibolo hanalu wabo dao.

Kolesaga Koneai Bidigo Pusali Po Elalubo Buku 9:7

Tegao, nage pelama, nai tulama, wiegi yai pemene yao. Nago te wain ąį tulama, te bugai haliga yao. Godigo te kolesagade usu da po wai dao.

Dwagi Yai Gesi Po Jongo Asęani 16:24

“Polobadu dagego eno nogide magi nai sainogo hanalu obeo. Tama dagego homu dwagi yai mu emainogo, tama megi hanalu wao, tama te nai God agai dagebolo mawaibao,” Jisas aga sę bage dali te po wai.

Tigidali Nai Gagalama Nigali Side 33:15

Tama Isogo te po wai, “Te eno hani bage meba nagebolo mawaibao,” wali. “Augwali te nage dali bidiyu, tama dage odasa asomainu yaibao.” Tiali goli, Jekopgo te po wei ponai, “Genuai bidi, eno homugo te nago wiegi yai homu ena dali emainao. Tiali goli, nago bidi dabe ede bidao homu, te tagalao, te eno sę ebo augwali te usu yaibao.”

Tigidali Nai Gagalama Nigali Side 33:8

Tama Isogo te po wai, “Eno te gasa hani polasa sobadi sisinama suai. Te magi basowe?” Tama Jekopgo te po wali, “O genuai bidio, te nago homu wiegi yai ena dali emainu yai dao!”

Tigidali Nai Gagalama Nigali Side 32:5

Eno hani sibi te hauwa elalubo, te kibu bulmakau, me donki, me sipsip, me meme, me sę bidi dabe, me sę ebo we dabe, te elalubao. Tama eno te po nageba ola tolobao, eno genuai bidi, tama eno homugo nago wiegi yai homu ena dali emainogo ebao, tama nago ena ma asomainu usu da po omainogo obao,” agai te po ola tolali.

Tigidali Nai Gagalama Nigali Side 32:6

Nosali te po sela pali bidi dabe augwali ma begasa asiyu, Jekopbolo te po wagasali, “Da te nago ama Iso bidibo digi sabolalio, tama agai nage te sunumi tiąba asainu sisi iduali. Aga dali asabo bidi dabe te hauwa, 400 bidi elaluali,” wali.

Rutgo Po Elalubo Buku 2:2

Tialima, megi da, Rut te Moap tǫ we agai Naomibolo te po wai, “Ena te gi dabe meba teba pelama, tama te bidi dabego togolama tagalai elalubo bali te sisinigi paio. Tama te gide sę ebo bidi dabego te po usu da obaso da, teda ena augwali wali pelama, te nai ge bali sisinigi paibao,” wali. Tama Naomigo po wei ponoyu, te po wai, “Te usu da, auwa. Nage pagameo.”

Godigo Nogi Ugwaba Sabo Tęąbi Po Wabo Buku Dabe 34:6

Te sęgę elalubo bidi dabego te Genuai Bidiba gedu haluasa po obaso, tama agai te augwaligo gedu haluasa po wabo odolama, tama augwa te tigidali sęgęde te augwali tau sali.