1 Samuel 1:17 - Godigo dwagi yai po buku

¹⁷ Tialima, Eligo te po odama, tama agabolo te po wali, “Tagalao, nage homu nagame elama, tama nage pao. Tama Israel dena Godigo nagebolo nago te hanalubo nai mawaibao.”

1 Samuel 1:17 Referans Kwoze

Dwagi Yai Gesi Po Makgo Asęani 5:34

Tama Jisasgo agabolo te po wai, “Eno wegi, te naga enade konealubo po dąų weyu, enaba homu tialubo kolesaga ebogo te nage usu ma ilali dao. Nage pao, tama naga homu nagame wiegi yai elaluao. Nago gasi silimainogo yai,” te po wai.

Te Israel Tobolu Bidi Dabe 18:6

Tama te prisgo te tiwai po augwaliba wei ponani, “Dage te nai me deli homu si me dogia pelamuo. Te Genuai Bidigo te dage bilibo tonaluaibao,” wali.

Te Israel me Juda Hani Sigo Tuni Bidigo Po Elalubo Buku Si 5:19

Tama Elisago te po wai, “Nago haliga sęgę egio,” wali. “Nago haliga tegaluama, tama nage pao,” wali. Awe, tama te Namango Elisa taga pali. Tialima, Naman digibulu pisąbadi,

1 Samuel 25:35

Tama Devitgo te Abigelgo sesali nai tigidali selama, tama Abigelbolo te tiwai po wali, “Megi nage te naga beba ma peyu, tama nago haliga dua nagame igulama bidao. Te eno nago po wali tiwai gilama eyu, tama eno te Nabal me ela mugobeo,” wali.

Dwagi Yai Gesi Po Lukgo Asęani 7:50

Tiali goli, Jisasgo te webolo “Nago enaba homu beagasaligo nage sana palali dao. Nage dwagi yai homu dali pao,” wali.

Dwagi Yai Gesi Po Lukgo Asęani 8:48

Tama Jisasgo te webolo te po wali, “Eno wegi, naga enaba homu konealubo homu bealubogo nage te usu ilaliąo. Dwagi yai homu elasa pao,” wali.

Tuni Bidi Dabego Po Elalubo Buku Deli 4:10

Me sogo deli Jabesgo te Israelgo Godiba gedu haluasa po te tiwai wali, “God, eno homugo nago ena tǫ hauwa mao. Te eno homugo nage ena dali bidama ena tau sao, te nago ena bugagia tonaluao, te dwai nai dabego enabolo dene maidalio,” wali. Tialima Godigo agai gedu haluasa po wabo odama, tama Jabesgo agaba hanalu wali sę po tiwai sę yai dao.

1 Samuel 29:7

Tama tiyu, nago te king dabeba wado po weyu, subigila sę me elamuo. Tiyu, augwaligo homu dwai nage dali yabuo. Nage te naga bidali pesageba ma geasa pelama, tama bugagia dulalu bidao,” wali.

Tigidali Nai Gagalama Nigali Side 25:21

Te Aisakgo wego wai me ame nabeo. Tama tibaso, Aisakgo aga tobade gedu haluasa po weyu, te Yawego aga we tau somainu yai. Yawego te Aisakgo gedu haluasa po wabo odama, tama Rebeka haliga yalio.

1 Samuel 1:16

Nago homugo ena te dwai we me deli da, te tiwai homu me elamuo. Menio. Eno homude dwai homu mu eyu, te eno homu dolobo homu ebao. Tama eno gedu haluasa po weyu, te tiwai kolesaga ebo nago suali,” Hanago te po wali.

1 Samuel 1:23

Tialima, Elkanago Hanabolo te po wali, “Te nago homugo te tiwai ebo wiegi yai da homu ebaso da, teda nage te bulude bidiyu, tama te waigo ame tubo tagalubo si usu nao. Tama Genuai Bidigo te nago dąų walali po te mu pedelama, te agai wali po tiwai gilama emainao,” wali. Tama tiyu, Hana te bulude bidama, tama aga wai bugagia tonaluai.

1 Samuel 20:42

Tialima, Jonatango Devitbolo te po wai, “Nage te wiegi yai homu nagame dali pao. Dago te Genuai Bidigo nogide te po dąų waliyu, te dena digi dena bugagia wiegi yai sesemane sogo ilao, tama nago hani me eno hani nosali pedalubo bage me, augwa me te tobage deli kolesaga emainu yaibao. Tama Genuai Bidigo dago te dąų walubo po odali, tama dago wali paibao.” Agai po ola siminama, tama Devit gasaba peyu, tama Jonatan te taunba ma begasa palio.

2 Samuel 15:9

Tialima, kingo agaba te po wai, “Nage te nagame yai homu dali pao,” wali. Tama tialima, Apsalomgo te Jerusalem tagalama, tama te Hebronba pai dao.