1 Samuel 1:11 - Godigo dwagi yai po buku

¹¹ Tama Hanago bomai po me deli te Genuai Bidiba dąų weyu, te tiwai po wai, “Genuai Bidio, nago tigidali bomo elalubo. Eno homugo nago ena sumainu homu ebao, nago sę ebo we dao. Eno te elalubo homu sęgę ebo sulama, tama ena homu kone palao. Te nago ena homu kone palobo te munu me tagalamuo. Te nago ena te wai ogwa me deli mobaso da, teda eno aga te nageba mayu, te aga nago sę bidi bididubadi, te aga isiboba usu nigi paibao. Tama te dąį nigiliyu, te augwaligo aga tobolu nisi munu me togogobeo,” tama po wali.

1 Samuel 1:11 Referans Kwoze

Te Israel Tobolu Bidi Dabe 13:5

magi baso meni, te nage haliga elama, tama nago te ogwa me deli ame naibao. Tama nago aga tobolu nisi me togolamuo. Te da te Genuai Bidigo sę naga tede elalubao, te aga idago ame nabo sogo tiaibao. Tama agai te wain ąį me, te bomai ąį me, me tusiąma, tama te bidi dabebolo tugio olama habu selali nai me te munu me tugio,” wai. “Tama agai te Israel dabe te Filistia dabego nogode ma dobola sabo sę te gagalaibao,” wali.

Israel Hanigo Namba 6:5

“Tigidali sogo bidi aga te wali po wali pidubadi, agai aga digi tedali gasagi yai nigilama, tama enaba mayu da, agai aga tobolu nisi me penane nisi me, me togolamuo. Te aga ena mu dao, tedali dao, tama te bodolu mani sogo tama agai aga tobolu nisi tagaliyu, me penane nisi bobobage holomainu sula tagalao.

Kolesaga Koneai Bidigo Pusali Po Elalubo Buku 5:4

Te nago Godiba po dąų wai digi, nago te dąų wali po polo usu nao. Godigo te dwagi yai homu kolesaga sabo hagela homu ebo bidi dali dwagi yai homu egobeo. Tama tibaso, nago te dąų walali po polo usu nao.

Tigidali Nai Gagalama Nigali Side 29:32

Nosali Lea haliga elama, tama ogwa me deli ame nani. Tama Leago te po wali, “Yawego te eno homu sęgę ebo sulama, tama megi da te eno bidigo ena godolo emainogo yaibao,” wali. Tialima, agai te wai nogi Ruben poai.

Godigo Nogi Ugwaba Sabo Tęąbi Po Wabo Buku Dabe 25:18

Nago enade te haliga sęgę, me haliga dene ebo tigidalide nago homu kone palama, tama nago eno sęgę tigidali sela sąyao.

1 Samuel 1:19

Tialima, Elkana aga we wai puluba dali te Silo bulude tede hulide pilama, tama kigamu mu augwali hogodama, tama Genuai Bidiba lotu po wali. Augwa te lotu po ola silama, tialima te augwali te augwa bulu te Rama teba ma pai. Nosali Genuai Bidigo te Hanago gedu haluasa po wali te homu kone palama, tama te Hanago hanalu wali po tiwai gilama te wali palio.

Tigidali Nai Gagalama Nigali Side 30:22

Tama Godigo Resel homu kone ma palalio. Tama agai Reselgo gedu haluasa po wabo odama, tama aga te wai ame nomainu ilalio.

Te Israel Tobolu Bidi Dabe 11:30

Jeptago te Genuai Bidibolo te tiwai bomai po me deli dąų walali, “Te nago ena tau selama, tama eno te Amon dabe augwali aiyaba elalubaso da,

Israel Hanigo Namba 6:8

Tigidali sogo te bidi aga digi aga enaba mawaibao wali te po wali peyu bidali da, te aga ena mu dao, te ena Genuai Bidigo mu dao,” wali.

Tigidali Nai Gagalama Nigali Side 28:20

Tama Jekopgo te tiwai po God dali dąų wali, “Te nage ena dali bidiyu, tama nago ena e bobobage sunumidu pobadi tonaluyu, tama nago ena te nai me, ugwa me menama,

2 Samuel 16:12

Genuai Bidigo te eno ebo dwai kolesaga koneama, tama Genuai Bidigo te homu eyu, te agai enaba te dwai po wali dabe hasegelama, tama aga te wiegi yai sę enaba yaibawe? Te dago sueibao,” wali.

Israel Hanigo Namba 21:2

Tialima, Israel dabe augwaligo Genuai Bidibolo bomo yai po deli dąų walali. Augwaligo e tama po wali, “Te nago dago te bidi hani dolomainogo sula tagaliyu da, teda dago te we bidi sese me, augwaligo hanu me, dago dola silama, te ofa nai tiwai nagebolo mabo tiwai me yaibao,” te po wai.

Israel Hanigo Namba 6:11

Tama pris bidi agai selama, tama me te sęgę sela sąbo ofa mayu, me te isigo sese ula silibo ofa mayu emainao. Te bidi te isai bidi tigi pąde bidai bidi te eno gedude meda yali da, tiali goli te ofa sigo eno gedude wiegi yai ma yaibao. Tama te sogo naga agai tobolu nisi te ena mu ma magi ilao.

Ma Dobola Sali 4:31

Tama tibaso, augwaligo homu Aronba mu dąų wai. Augwaligo te po tiwai wabo odali, Genuai Bidigo suali, te Isip hani augwaligo te Israel hani dali dwai kolesaga ebaso, agai homu hauwa augwalide ebo dao. Tama te we bidi dabe augwaligo te po odolama, tama augwa tobolu tǫba aiyaba munama, Genuai Bidibolo lotu po wai.

Tigidali Nai Gagalama Nigali Side 8:1

Te Godigo Noa dali, te bulu uni hasa dabe dali me, te be pąde bidalubo hasa dabe me aga dali te sip tomode bidalubo, te Godigo homugo koneani. Tama tiyu, Godigo te wali te tǫ daide ugwadu bilimainu ilama, tama wę aiyaba kekasa dulubo gagalali.

1 Samuel 1:10

Hana aga te homu dwai dene mu ebaso, tama gela udubadi genama, tama Genuai Bidiba gedu haluasa po walio.

1 Samuel 1:12

Hanago bobage sogo mu gedu haluasa po te Genuai Bidiba wali, tama Eligo te Hanago pedauwali memenege ebo sę suali.

1 Samuel 1:22

Tiali goli, Hana te augwali dali me pabeo. Agai Elkanabolo te tiwai po wai, “Te wai dwasianu genuai gana elama, te ame tuali tagalubo side, teda aga eno te Genuai Bidiba selasa paibao. Tama aga te Genuai Bidigo bede sesemane sogo bidaibao,” wali.

1 Samuel 1:27

Eno te Genuai Bidiba hanalu, te enabolo wai me deli mao wali, tama agai eno gedu haluasa po wabo odama, tama e wai te enabolo mawai.

1 Samuel 1:28

Tama tibaso, megi eno aga te Genuai Bidiba mawainu ebao. Tama agai te Genuai Bidigo sę sesemane sogo yaibao.” Idago te po ola silibo si, teda Samuelgo gesabidi Genuai Bidiba basi gulama, agabolo lotu po wali.

1 Samuel 2:20

Tama aga aya de ida si te Eli bidiboba pelama, tama agai te Godiba hanalu, te Godigo augwali siba wiegi yai bugagia ilao po wai. Agai Elkanabolo te tiwai po weyu yai, “Te eno homugo te Genuai Bidigo nago te wego wai meba ma ame nomainu ilaibao, nago te Genuai Bidiba mani ogwa hasegelimainu yaibao.” Eligo te po ola silibo si, teda augwa si buluba ma soyu yai dao.

Bugagia Bidibo Kolesagade Po Asęai Buku 31:2

“Eno ogwao, ena digi nage ame nani, tama eno nage wei homu mu ebao. Eno Godiba hanalubaso, tama nage enaba mawai dao.

Pris Sę Ebo Bomai Po 27:2

te Israel dabebolo te tiwai po walao wali, “Te bidi me deli aga po dąų waliyu, te aga enaba mawaibao, ma gasa bidi me we te enabolo mawaibao wai baso da, teda agai te dąų wali po usu nainogo te monego te bidi ma we hasegelainogo eyu, te mone meba pris bidiba mao,” te po wai.