1 Samuel 1:10 - Godigo dwagi yai po buku

¹⁰ Hana aga te homu dwai dene mu ebaso, tama gela udubadi genama, tama Genuai Bidiba gedu haluasa po walio.

1 Samuel 1:10 Referans Kwoze

Jopgo Po Asęani Elalubo Buku 7:11

“Tama eno te homu ebo sogo, eno pedauwali pani sogobeo. Eno haligade gela genuai mu walama, tama ena sęgę genuai mu tolalio. Tibaso, eno po me waibao.

Dwagi Yai Gesi Po Lukgo Asęani 22:44

Jisas aga homu sęgę mu ebaso, Godibolo aga hanalubo po bomonama wai. Tama Jisasgo tigide te posolo wę kisu yai, te wę te tǫba tuloluai, te kaneme tiwai.]

Jopgo Po Asęani Elalubo Buku 10:1

Tama Jop agai po genina ma weyu, e tama wali, “Ena bidibo ena hagela mu polo yali. Ena isabo goli da. Tama tibaso, eno te moni sęgę hanilaibao. Awe, eno homu ha mu eyu, tama eno te Godide elalubo po dolo pusaibao.

Godigo Nogi Ugwaba Sabo Tęąbi Po Wabo Buku Dabe 91:15

Te augwaligo enaba gedu haluasa po wabo sogo, te eno augwaligo wabo po odaibao. Tama te sęgę augwaliba pedalubaso da, te ena augwali dali bidaibao. Tama eno augwali ma selama, tama augwaliba te genuai nogi mawaibao.

Hibru 5:7

Polobadu Jisas te e tǫde bidi tiwai bidibadi, te sogo agai po Godibolo wai. Godigo aga te isibode ma sabo homu yali, tama tiyu agai gedu haluasa po aga dali weyu genuai i wali, tama aga gela hauwa mu wai. Agai aga homu kolesaga te aga digi aiyaba elaluama tama imilai bidi bidama, tama aga God dologode bidali, tama tibaso Godigo agai gedu haluasa po wabo odai dao.

Aisaia 54:6

“Ena God, Genuai Bidi, eno te tiwai po wali, te nage eno enaba ma asomainu i waibao. Nage te bidigo sai gesi we tiwai te aga bidigo tagalama, wi palio, te aga hobolu du peda pelama, te aga genuai homu dene dali bidalio.

Te Israel Tobolu Bidi Dabe 21:2

Tama te bage dabe te Betelba aselama, tama augwali te God gedude dualalubadi te giliga degegi palio. Tama augwa dwai gela mu wali.

Te We Bidi Dabego Jerusalem Hagede Gela Wali 3:15

Agai ena sęgę hauwa mu mani, tama ena mu pągąna palio. Te agai ena dene dali sęgę dali si mayu, ena pągąnobo tiwai mu yalio, te ha ebo ąį sigo pągąnobo tiwai yalio.

Jeremaia 22:10

Dage Juda, te king Josaia isalio, tiali goli dagego agade hobede ebo gela wagimio. Te dagego aga ogwa Joahasde dwai gela obaso, te usu yaibao. Magi baso meni, Joahasgo da tagalalio, te aga page buluba ma begasa me asogobe dao.

Aisaia 38:15

“Te eno magi po wagowe? Genuai Bidigo te ena tau sabo po dąų wali, te megi aga digi te sę dabe mu pedalubao wali. Tama tibaso, enaba te pedelali genuai sęgę te homu kone palaibao, te ena digi ena aiyaba elaluama, te dua digi bidiyu, te ena isibo sogoba usu naibao wali.

Godigo Nogi Ugwaba Sabo Tęąbi Po Wabo Buku Dabe 50:15

Dagego tama tibo si, tama te sęgę pedalubo sogo, dagego enaba i waiyą, tama te eno dage tau mu siyu, tama dagego eno nogi ugwaba sagameo,” po wali.

Jopgo Po Asęani Elalubo Buku 9:18

“Agai ena doanu me tagaliyu me ebe. Tama tibaso, ena homu hę wabo usu ebe. Agai te sę dabe ena tigide ebo digi, ena homu sęgę genuai mu ebao.

Te Israel me Juda Hani Sigo Tuni Bidigo Po Elalubo Buku Si 20:3

“Genuai Bidi, ena nage wali mu peyu, tama eno nago sę mu yai dao. Tigidali sogo eno nago homu godolo ebo kolesagadu naga wali pai dao,” wali. “Tama teyu, nago te eno te sę yaliba kone palama, tama nago ena isimainogo sula tagaligio.” Tama agai tama gedu haluasa po olama, tama aga gela genuai mu wali.

Rutgo Po Elalubo Buku 1:20

Naomigo po wei ponoyu, te po wai, “Dagego ena nogi te Naomi te tiwai te dwagi yai homu pemene ebo we nogi igio. Menio! God te Tigidali Bomo Elalubo Bidigo enabolo dwai homu dene ilalio. Tama dagego ena nogi te Mara wao, te tiwai te homu sęgę ebo we dao.

Jeremaia 13:17

Tialima, te dagego po odisąma, te dagego hagoma idubaso da, teda te boi bidi dabego dage Genuai Bidigo we bidi sagaselama, te gasa tǫ kantriba kalabus mugi paibao. Tama tibaso, ena Jeremaia, te enaduba bididu, te dagede gela wedu gedubadi, te eno gedude gela guai gealuama, te eno gesabidiba dualibao wali.

Tigidali Nai Gagalama Nigali Side 50:10

Augwali tama pelama, tama te wit penibo pesage te Jordan ąį u badu, te augwali Atat teba pedelali sogo, augwaligo te bobage sesabi ebo gela genuai te bidi pubalubo gela tiwai wali. Tama Josepgo te homu dene ebo kolesaga elama, tama aga gela udubadi, te a naga olama, me badu nogo si sogo bidali.

2 Samuel 17:8

Nago koneani, naga aya, Devit, te aga ami bidi dabe dali, augwali te hwįbo bomai bidi dabe dao. Augwali te haliga sębę dwai mu elama tama bidibao, te so hasa beago te aga wai dabe tigidali te bidigo wi sela paide te haliga sębę ebo tiwai elalubao. Te nago ayago te hwįbo kolesaga mu koneani, tama tibaso, aga te we bidi dali hulide piainu eyu, te usu me egobeo.

1 Samuel 1:9

Me sogo deli sogo augwali te Silode bidalu, tama augwa nai tula silibo si, tialima Hana hogodasa palima, te Genuai Bidiba ofa maiabo name ugwa be pąba doligi pali. Te sogo te pris bidi Eli te aga duabo sia saide dulalubadi, te Genuai Bidigo be obo bagulali tomoba pabo sunumi pąde dao.

1 Samuel 1:11

Tama Hanago bomai po me deli te Genuai Bidiba dąų weyu, te tiwai po wai, “Genuai Bidio, nago tigidali bomo elalubo. Eno homugo nago ena sumainu homu ebao, nago sę ebo we dao. Eno te elalubo homu sęgę ebo sulama, tama ena homu kone palao. Te nago ena homu kone palobo te munu me tagalamuo. Te nago ena te wai ogwa me deli mobaso da, teda eno aga te nageba mayu, te aga nago sę bidi bididubadi, te aga isiboba usu nigi paibao. Tama te dąį nigiliyu, te augwaligo aga tobolu nisi munu me togogobeo,” tama po wali.

Bugagia Bidibo Kolesagade Po Asęai Buku 14:10

Te bidigo agade digi haliga sęgę ebo koneama, tama aga digi te pemene yabo koneani, tama agai te gasa bidiba me hanilibaso, usu egobeo.

Tigidali Nai Gagalama Nigali Side 30:1

Te Reselgo wai me ame nisąbadi te sogo, agai te aga ama Lea dali haliga sębę elama, tama Jekopbolo te po wai, “Nago enabolo wai mao. Te menisiąyu da, teda ena isaibao,” wali.