1 Pita 5:8 - Godigo dwagi yai po buku

⁸ Te dagego duga homu bugagia dodolao, tama bugagia tonaluao. Te dagego boi bidi Satan aga susa bilibo dao. Te moni hasa nogi laion, te aga nasi baso bomo elama, tama moni hwa olama gaa weyu aga tuabo nai gegeyu bilibo dao. Tama te boi bidi Satan aga te tiwai eyu susa bilibo dao, te dage dolainogo ebo dao.

1 Pita 5:8 Referans Kwoze

Efesus 6:11

Tama eno dagebolo hwįbo po digi po begelama megi obao. God agai dagebolo te duga tigi duala sabo nai mobao. Tama dagego bomo eyu, te dwai haubo noma bidi Satango geme dualama ebo dwai kolesaga tigidali te aiyaba elaluyu, dage bugagia dolalumainogo eyu, tama dagego te tigi duala sabo nai tigidali selama tigide muao.

Jems 4:7

Tama tibaso, dagego duga dwai kolesaga ebo te homu aiyaba dualao, tama dage Godigo bomo dologode bidao. Tama tiyu, dagego te Satango dwai sę yainogo ebo dagalama sela sąyao, tama agai dage dali te dwai sę yainogo yali tagalama Satan aga wi paibao.

Jopgo Po Asęani Elalubo Buku 2:2

Tama tibaso, Godigo agabolo hanalu wali, “Nage menade bidama, asobawe?” po wali. Te po obaso, Satango te po wali, “Ena te tǫ deli badu naga bidama, asobeo. Ena te tigidali tǫde usu elama, bilama, asobao,” wali.

Efesus 4:27

Dagego tisiąwani da, te sębę me elalubadi, tea te dwai haubo noma bidi dabe augwaligo tobolu bidi tebolo te dagego sunumi dalaibao, agai dage dwai sę tomoba kegaibao.

1 Pita 1:13

Te God agai dage dali te sę yaligo da, te bidi me sę yai hagede aga ugwa sugwa sabo tiwai, dagego duga homu bugagia dodola selama dąų wao. Tama dage deli deli duga digi bugagia tonaluao, te homu kęnai we bidi bidao. Tama te Jisas Krais aga asobo hanilabo sogo agai dagebolo te wiegi yai olo tau sabo sę mawaibao. Dagego tede duga homu bugagia dąų olama, dwagi yai homu eyu tonaluao.

1 Pita 4:7

Te tigidali nai silabo sogo te pąba yagasobao. Tama tibaso, dage te homu nagamea pai we bidi bidao, te dage God dali te hanalu wabo po gisiga omainogo te dagego duga homu bugagia tonaluyu bidao.

Dwagi Yai Gesi Po Lukgo Asęani 21:36

Sesemane sogo dage bugagia suao, dua dao. Te sę eyu, tigidali sogo dage God hanalu wao, agai dagebolo aga bomo momainu yao. Tama tilama, tigidali te sę dageba pedelainogo yali da, te dage geda munama ela soeibao. Tiyu da, dage ena gesabide bugagia dolaluaibao, ena da te Godigo Bidi Mu dao,” Jisasgo te po wai.

Dwagi Yai Gesi Po Lukgo Asęani 22:31

Te Jisasgo te bidi Saimonbolo weyu, te po wai, “Saimon, Saimon, nage odao. Te dwai haubo noma bidi nogi Satan agai dage dayu, usu sainogo, agai God hanalu wali. Tama Godigo ‘Ao’ wali.

Taitus 2:12

Tama da tǫde we bidi dago Godigo bomai po tudiba muyu, tama te dwai dwai kolesaga eyu bidai dao. Tiali goli agai olo tau sabo wiegi yai kolesaga tego da e tiwai ola mabo dao: “Dagego te dwai sę tudiba muao, te doloba pai kolesaga naga yao, tama dage e tǫde bidibadi te Godigo gedude dwagi yai we bidi bidao.”

Kraisgo Geme Dualali Sę Pedelabo Po Jonbolo Ola Mani 12:12

Tama tibaso, dagalu, nage tama dage tigidali dagalude bidibo bage, dage homu wiegi yai yagameo. Tiali goli tǫ dali, te tamu ąį dali, te side bidibo we bidi tigidali, dage hobedagia bidaibao. Genuai sęgę dageba pedalainogo ebao. Tama Satan dagebolo e tǫba dulai dao, tama agai sębę genuai mu elalubao. Agai koneani, aga bidabo sogo te pęwadage sogo elalubo homu ebo dao,” te po wabo dagaludu asobo eno odali.

Dwagi Yai Gesi Po Jongo Asęani 8:44

Dage da duga ayago wai dabe dao. Dagego aya te Satan dao. Tama dage me bomo elama, duga ayago ebo homu kolesaga wali painogo ebo dao. Polobadu mu, tigidali nai gagalama nigali, te sogo te bidi Satan agai te bidi elebo sę tama ela asiyu, megi tama me te sę ela pabo dao. Tama agai mu po me wali pai menio. Magi basowe? Mu po agade bidibo menio. Tibo po wabo da te agai po mu dao. Satan aga tibo po wabo bidi mu dao. Tama aga tibo po wabo page bidi mu dao.

Matyu 13:39

Te boi bidigo dwai noswai ge tedela bilagasali, te bidi da Satan dao. Te nai sabo sogo bodolu wali, te e tǫ silabo sogo dao. Te gi nai sabo bidi dabe augwali da, te Godigo sę ebo ensel mobo bidi dabe naga dao.

Kraisgo Geme Dualali Sę Pedelabo Po Jonbolo Ola Mani 12:9

Tama Godigo ensel mobo bidi augwaligo te genuai hasamani e tǫba sąwai dao. Te hasamani aga te polobadu digi bidai, tama augwaligo te hasamani aga nogi “Te Bidigo Tigidali Bidi Kisiliyu Po Tų Ela Mabo Dao,” gasa nogi me Satan poai. Agai tigidali tǫde we bidi ili po ola mabo bidi dao. Augwaligo aga e tǫba tula palai, tama augwaligo aga dwai ensel mobo bidi dabe dali hodobo e tǫba tula palai dao.

Matyu 24:42

Tama tibaso, dagego bugagia tonaluao. Duga Genuai Bidi ma asobo sogo, te dagego konegobeo.

Kraisgo Geme Dualali Sę Pedelabo Po Jonbolo Ola Mani 20:10

Tama te augwali ili po ola mani bidi Satan aga Godigo te genuai dedage pageba te posolo yai sia ula te masigi salfa teba sąwai dao. Tama te dedage pageba polobadu augwaligo te dwai hudigi ebo hasa dali, te ili po ola mani bidi si aba sąwai dao, tama augwali sela te siade me hulide me dene siyu, tama te dene ebo sesemane bidada pabo sogo te dene ela pidubadi bideibao.

Dwagi Yai Gesi Po Lukgo Asęani 21:34

“Te dage dua dao, bugagia suao. Dagego tigidali sogo bomai wę tulama, aiyoge elamu dao. Tiyu dagego tigi tau sabo homu naga egio. Te tiwai kolesagago dage mesegelebaso da, teda te Bidi Mu asobo sogo dage polo asaibao, te enego hasa enebo tiwai yaibao.

Sekaraia 3:1

Te nade subo nai tiwai elama, Genuai Bidigo tobolu bidi pris Josua enabolo ola mani. Josua aga Genuai Bidigo ensel bidi pąde dolalubo suali. Tama dwai haubo bidi Satan te Josuago dolo nogo badu dolaluali, tama agai po tų ela mawainu kegaluali.

Taitus 1:8

Te menio. Tiali goli gasa buludu asobo we bidi agai augwali dali dwagi yai homu eyu bugagia gesebo bidi bidao. Tama agai dwagi yai kolesaga naga godolo eyu, tama tiyu dwagi yai homu dali yao. Aga homu kęnai bidi bidao. Aga te doloba pai bidi bidiyu, tama Godigo gedude aga dwagi yai bidi bidao. Aga digi aga bidibo te kolesaga bugagia tonaluao.

Polgo Si Wali Pas Timotiba Asęani - 2TI 4:17

Tiali goli Genuai Bidi aga ena dali bidaluyu, tama enabolo bomo mani. Eno te Godigo po sese pusubo te usu mu emainu, tama te agai po odisąwai hani tigidali augwaligo odomainogo eyu, agai bomo enabolo mani. Tama augwali te bidi ela tubo dwai hasa laion tiwai bidiyu, tama augwaligo ena ela muidali weyu Godigo ena tau selama dwagi yai madiba muanio.

Amos 3:8

Te bomai hasa laiongo i bomonama wabo odobo si da, te bidi aga wi homu ebo meni da, agawe? Awe, aga wi yaibao. Te God Genuai Bidigo po bidi me deliba pusubaso, te bidigo te po pusubo meni da, agawe? Menio. Agai pusaibao. Te Amosgo wali po dao.

Taitus 2:6

Te gesi bidi dabe augwalibolo me ola mayu, tama augwalibolo wao, “Dagego duga tigigo ebo kolesaga bugagia tonaluao,” te po wao.

Taitus 2:2

Tama tiyu, nago augwalibolo e tobo wao: monu dabe yai bidi augwaligo te bomai ąį hauwa tulamuo, augwaligo augwa tigigo ebo kolesaga bugagia tonaluao. Augwaligo doloba pai homu kolesaga naga koneyu, tama augwa homu kolesaga bugagia tonaluao, te po wao. Tama te God dali konealubo pode augwaligo te po page kuna koneyu bidao. Tama tiyu, augwaligo God dali, gasa we bidi dali dwagi yai homu ebo kolesaga eyu, tama tigidali sęgę yai sę asobadi bomo elama dolalubo kolesaga selama bidao, te po te monu dabebolo ola mao.

Hosea 11:10

“Te eno ena we bidi dabego boi bidi te i bomonama weyu, te hasa laiongo ga weyu, i wabo tiwai eyu, te eno augwali wi ilaibao. Tama eno we bidi dabego te giliga dega sigulubo badu tagalama, tama didibili ebo dali te polo asesa, ena wali asaibao.

Aisaia 50:8

God pąde bidiyu, te agai te po waibao, eno dwai sę me ebeo. Te bidi me deligo ena po tų ilabo homu eba, agawe? Teda agai ena te po tųba odasa pelama, te agai ena po tų ilabo po pusumainao wali.

Bugagia Bidibo Kolesagade Po Asęai Buku 20:2

Te kingo wado eyu, te haliga sębę ebogo te bidi wi ilaibao, te laiongo genuai gaa wabo tiwai yaibao. Nago te king haliga sębę yabo sę ebaso da, teda nago bidibo ula te hagawaibao.

Godigo Nogi Ugwaba Sabo Tęąbi Po Wabo Buku Dabe 104:21

Gesi laion dabe augwaligo tuabo hasa dabe gegeyu, i bomonama ebo dao. Augwaligo hasa Godigo augwali momainogo gegebo dao.

2 Timoti 2:15

Tiali goli te we dabe sibigo te wai dabe ame nabo sę yaibao. Augwaligo te wai ame nabo kolesagade Godigo augwali ma dobola saibao. Tama augwaligo Godiba konealubo po sesemane sogo dąų weyu, tama we bidi dali dwagi yai homu ebo kolesaga wali peyu, tama augwali dwai sę isąbo kolesaga me wali pabo sę isąma bugagia bidiyu, tama wiegi yai homu elalubaso da, teda Godigo augwali ma dobola saibao.

Kraisgo Geme Dualali Sę Pedelabo Po Jonbolo Ola Mani 20:2

Agai te genuai dwai hasamani dąų ola sai, te hasamani te polobadu mu bidai, agai nogi Satan dao, tama agai gasa nogi page e dao: “Agai te tigidali we bidide kisiliyu po tų ela mabo bidi dao.” Tama te ensel mobo bidigo aga te sen bonogo dąų olama bidibadi te kibu be hauwa mu 1,000 bidai.

Taitus 2:4

Tama tiyu augwaligo te gesi we dabebolo te po wao, “Dagego duga bidi dali, wai dabe dali dwagi yai homu eyu godolo yao.”

2 Timoti 3:11

Tama te bidi dabe augwaligo we dabe, te we dabe te wiegi yai kolesaga ebo we bidao. Augwali te posobo po wabo we dabe bidamuo. Te augwaligo augwa homu bugagia dodolama tama bidao. Sesemane sogo te augwaligo wiegi yai dolo kolesaga naga yao.

Joel 3:16

Genuai Bidi te Jerusalem te Saion bulu dude bidiyu, te po dagą genuai mu waibao. Agai i wabo te dagalu kulukulu wabo tiwai obaso, te tǫ dali dagalu si mumunu yaibao. Tiali goli, Genuai Bidigo te aga we bidi tigidali tonalu, te augwali me dologobeo.

2 Timoti 2:9

Eno homugo te we dabe sibigo me augwa gudubo ugwade homugo bugagia kone paliyu, augwa nogi ugwaba sabo kolesaga te ugwade elamuo, te bidigo homu hodolobo sę me elamuo. Augwaligo te tobolu nisi me te tigi me te haniani bis dabego badi, te wiegi yai kapa golgo me te moni masigigo sabo ugwago me, te augwa tigi dali tobolu nisi me au ilama elamuo.

Matyu 4:1

Te sogo Jisas baptais selama, tama Godigo Mobo Bidigo Jisas te bidi meni yai buluba odasa pali, te Satango aga dwai sę yanama sinawainogo yai.

Hosea 13:8

“Te ena samonama, posoga palu, te dage hagawia aluaibao, te hasa beago te aga wai hagawaide sębę eyu, gasa hasa dali ebo tiwai gilama yaibao,” wali. “Tama eno dage subigila miminama, tama dage te polo dalaibao, te laion me gasa uni hasa dabego augwa tubo hasade ebo tiwai yaibao,” wai dao.

2 Timoti 3:2

Tama nago te Godigo we bidi tonalubo bidi nigiyu tama aga e tama bidao. Aga dolo mu bidao, tama te bidi dabe augwaligo agade te dwai sę ebo me gegegobeo. Aga te we deligo bidi naga bidao. Aga homu bugagia dodolama tama dulaluao. Agai aga digi kolesaga bugagia tonaluao. Aga subigila bidibo bidi bidamuo. Te aga te Godigo po odobo gasa buludu asali we bidi agai aga beba sabo bidi bidao. Tama aga te Godigo po ola mabo sęde aga usu yao.

Matyu 25:41

“Tama tuni bidi agai te pobase nogo badu bidibo we bidi augwalibolo e tobage po waibao, ‘Dage haga yabo bidi dabe dao. Dage enade geda selama, tama dage te munu me sula sisąbo siaba pao, te sia te Ayago sisi ilali elalubo, te dwai sę yali tobolu bidi Satan aga wali bilibo mobo ensel bidi dabe augwali dali mumainogo yai.

Matyu 4:11

Tama te Satango Jisas aga taga pali. Tama ensel mobo bidi dabe meba aselama Jisas tau sai.

Amos 3:4

Te bomai hasa laiongo te hasa me deli te buside sisąbaso, magi baso agai i waibawe? Te ogwa bidi bomai hasa laion me deli te masigi dedage tomode bididu, te aga hasa me ela tusiąbadi, agai i waibawe? Mu menio.

Daniel 6:24

Tialima, kingo te Daniel po tų ilali bidi dabe augwali sao po olama, tama te augwali dali, te augwa we wai dabe dali, augwali te laion bidibo tǫ dedageba tula palalio. Augwali te tǫba tulalusiąbadi, te laion dabe posoga palama, tama augwali daboa sigulama, tama augwali tigi pepeda tulama, te mu dolai dao.

Esekiel 22:25

Te profet dabego dwai kolesaga po mia selama, augwali te laion dabego te hasa ela munama, te hasa dili tologa tuyu i wabo tiwai yali. Te bidi dabego te augwa abagi dabe hauwa ela munama, tama augwa te abagi dabego mone me doado bage sali. Tama te isali bidi dabego we dabe sibi, augwaduba odolo bidibao.

Bugagia Bidibo Kolesagade Po Asęai Buku 19:12

Te kingo wado weyu, te haliga sębę eyu ebo, aga te laiongo bomonama te gaa wabo tiwai ebao. Tiali goli, agai te bugai haliga elama, tama te we bidi dabe tau sabo homu eyu da, te segeni tulubage tuluyu, te nai bugagia holomainu ebo tiwai te ebao.

Esta 7:6

Estago po wei ponani, “Te dwai bidi Haman te dao. Agai dade boi bidi elama, tama agai da dolabo sę sisi ilai dao,” wali. Tama Haman wi elama, tama dwai didibili mu yai.

Te Israel Tobolu Bidi Dabe 14:5

Nosali Samson dali, te aga aya de ida si dali, te Timna buluba dulali. Tama Samsongo aga aya ida osogo tagalama, tama te Timna dabego wain giba sabolali. Tama polo te ogwa bidi laion me deli aselama, hwa weyu, aga gąų kela tueinu yali.

Sekaraia 11:3

Te king haliga sęgę mu ebaso augwali gela obao, magi baso meni, te augwaligo bomo me genuai nogi elaluali silalio. Dagego te king dabego i dwagila wabo odao. Augwali te hasa laion dabego ebo sę tiwai yali, augwaligo te wę Jordan sesegede te hasa laion geme duala siduali genuai busi togobaso te dwai hwą wabo tiwai obao.

Esekiel 19:7

Agai augwaligo te bomai be dabe koneama, tama aga pelama, te boi bidi dabego taun dabe dolali. Agai i hae umagia bomonama mu obaso, te tigidali we bidi wi yai dao.

Jeremaia 51:38

Tama te Babilon dabego i dwai mu weyu, te gesi hasa laiongo i wabo tiwai gilama ebo dao.

Jeremaia 2:15

Te boi bidi dabego te laiongo bomonama i wabo tiwai yai dao. Augwaligo agai taun siago deyu dolama, tede bidi me bidibeo. Te agai tǫ augwaligo te olo tǫ pesage bulu tiwai pedelai.

Godigo Nogi Ugwaba Sabo Tęąbi Po Wabo Buku Dabe 109:6

Te bidi dwai me deli nigilama, te agai eno boi bidigo po te po tųde dagalumainu emainao. Te aga boi bidi me deligo digi aga po tų ela momainao.

Amos 1:2

Te Amosgo e bukude wabo po page e tiwai dao, Genuai Bidi te Saion bulu dude bidiyu, te agai i hai genuagia mu udubao. Awe, aga tede te Jerusalem moni taunde bidiyu, sębę ebaso, te agai dogonigo hwą bomonama obao. Tama tibaso, te sipsipgo tuabo wiegi yai nosai dabe sasia pobao, me te Karmel bulu dude elalubo ni yabe dabe, tigidali wa pobao.

Bugagia Bidibo Kolesagade Po Asęai Buku 28:15

Te bulu tǫ kantri tonalubo bidi aga te dwai kolesaga ebo bidi, tama te bomo meni yai bidi dabe aiyaba elalubo bidi yai baso da, teda aga te laiongo bomonama te gaa weyu, te i wabo tiwai ebao, tama te boma pai bea hasa me deli te nai gegeyu bilibo tiwai ebo dao.

Dwagi Yai Gesi Po Makgo Asęani 4:15

Te sunumide tudulaluali po wali te Godigo po odali we bidi hani dabe, tama te sogo naga Satan asama, te Godigo augwali homude bulali po dagala sąwai.

2 Korin 2:11

Eno te dago aga sęgę sela sąbo homu yali, tiyu Satango da tibo po ola menama tama da aiyaba elaluidali weyu tiaibao. Dago agai te we bidi dolabo dwai homu kolesaga koneai dao.

Kraisgo Geme Dualali Sę Pedelabo Po Jonbolo Ola Mani 12:10

Tama dagalude i me deli bomon bomonama ma wabo eno odali, “Megi da, dago God agai we bidi ma dobola sabo kolesaga mu hania pedalai dao. Megi me agai tigidali we bidi tonalubo bomo hania pedalai, tama aga tuni bidi bidibo dao. Tama megi me agai sa muyu asaibao wali bidi Krais agai bomo dali, genuai nogi dali si hania waselai dao. Magi baso meni. Dwai bidi me deli agai dago ama dede augwali dali kisiliyu po tų ilai, agai augwali te dago God aga gedude te po tų siade me hulide yali. Tiali goli megi te dwagi yai ensel mobo bidi augwaligo aga te dagaludu a tǫba sąwai dao.