1 Pita 5:7 - Godigo dwagi yai po buku

⁷ Tama bidiyu, tama God agai dagede homu eyu, tama agai dage bugagia tonalubaso te dagego moni homu ebo sę tigidali aga nogoba muiąo.

1 Pita 5:7 Referans Kwoze

Godigo Nogi Ugwaba Sabo Tęąbi Po Wabo Buku Dabe 55:22

Tigidali sęgę nago tolobao, te nago Genuai Bidiba mao. Te agai tolama, tama te agai nage dąų walaibao. Te agai te magi nai me deligo te doloba pai bidi dabe dolomainu me iligobeo.

Filipai 4:6

Dagego haniani naide moni homu egimio. Te menio. Te dageba pedalobo sę tigidalide dagego Godibolo tede po weyu, tama agabolo buba hwi olama, tama te dagego sǫą pabo naide aga hanalu wao.

Godigo Nogi Ugwaba Sabo Tęąbi Po Wabo Buku Dabe 37:5

Nago te naga bidibo ula te Genuai Bidi nogoba muao. Te konealubo homu agaba dąų weyu, te agai nage tau saibao.

Godigo Nogi Ugwaba Sabo Tęąbi Po Wabo Buku Dabe 34:15

Genuai Bidigo te doloba pai bidi dabe tonalubao, tama agai te augwaligo usu da weyu, gedu haluasa po wabo odobo dao.

Dwagi Yai Gesi Po Lukgo Asęani 12:22

Jisasgo aga wali bilibo bage dabebolo te po wali, “Tama tibaso, eno dagebolo te tama po obao, dagego te po begelama pusali pode te homu hauwa elama, te tigi tau sabo nai tulama bidabo te naiba homu dogia pigio, ‘Te mena nai tugowe?’ Te dagego tigi tau sabo sęde homu hauwa dogia pelama, te po wagio, ‘Te dago mena ugwa dabe gudugowe?’ te homu me dogia pigio.

1 Samuel 30:6

Te Devitgo bidi dabego homugo te boi bidi dabego te augwaligo we me wai sela pali homu elama, tama augwa haliga sęgę elama, tama Devitba wado po wali. Tama tialima, augwaligo agaba te masigi sąnama, tama aga ela muaibao wali. Tama Devit aga genuai sęgę mu elaluali. Tama Devitgo gedu haluasa po, te aga Genuai Bidiba wali, tama Godigo aga homu kolesaga dąų walalio.

Dwagi Yai Gesi Po Makgo Asęani 4:38

Tama Jisas te geba dugi badu bidali, tama aga tobolu te geba dugiba munama, godege pila muani. Augwaligo aga hodoligi pelama, tama augwaligo te po wai, “Tisa po ola mabo bidio, te pąde da węba hoa selama hagainogo ebao, tama nago homugo te kone palobewe?”

Dwagi Yai Gesi Po Jongo Asęani 10:13

Magi baso te bidi wi pabo dawe? Te bidigo masigi sabo sę naga yai. Agai te kibu sipsip dabede homu dene eyu, tau sabo homu isiąwai bidi dao.

Godigo Nogi Ugwaba Sabo Tęąbi Po Wabo Buku Dabe 40:17

Tiali goli, ena te bomo meni yai bidi, tama ena te tigidali doado bage sǫą pai elalubao. Tama nage, Genuai Bidi, nago ena homu koneani. God, nago digi nago ena tau sabo bidi da, tama nago ena ma sabo dao. Nago me tonalugio, nago ena polo tau sao.

Bugagia Bidibo Kolesagade Po Asęai Buku 16:3

Te tigidali sę nago yainu homu eyu da, te nago Genuai Bidi nogoba te sę muao. Tama agai te sę dabe wiegi yai pedalumainu ilaibao.

Matyu 6:27

Mu tama dao, dage tomode niwai bidigo moni homu ebogo te aga digi aga bidabo bubuga bobobage ma ilabo usu yaibawe? Te menio, usu me egobeo.”

Matyu 6:28

“Tama magi baso dagego homu hauwa te tigide gudubo ugwade ebawe? Dagego te gide holobo plaua noswai suiąo, te augwali da magi ilama pedalobo dawe? Augwali da te sę dene ebeo. Te augwaligo ugwa me nigibo menio.

Matyu 6:31

Tama tibaso, dagego homu hauwa eyu te po wagimio, ‘Te da magi nai tugowe?’ ma ‘Da magi wę tugowe?’ ma ‘Dago gudubo ugwa dabe menade saibawe?’ Te dagego tama moni homu egimio.

Dwagi Yai Gesi Po Lukgo Asęani 12:26

Te dagego te tama tiwai dwasianu sęnu me yabo usu isąbaso da, teda magi baso dagego te gasa me me naide moni homu ebawe?