1 Pita 5:5 - Godigo dwagi yai po buku

⁵ Te dage gesi bidi dabe, dage me te dolo kolesaga eyu, te tonalubo bidi dabe dologode bidiyu, augwaligo wabo po bugagia odiąo. Tama dage we bidi me, dage tigidali te nagamea pai homu eyu, tama te olo sę ebo we bidi tiwai bidiyu, dage tomode duga hasi te tau sabo sę yao. Magi baso meni, te Godigo po bukude te nagamea pai homu ebo kolesagade e po elalubao, “God agai te kolesaga hagoma ebo we bidi dali boi bidi homu eyu, bomo elama dolalubo dao. Tialima te nagamea pai homu ebo we bidi dali agai te olo tau sabo kolesaga ebo dao.”

1 Pita 5:5 Referans Kwoze

Jems 4:6

Tama God agai aga Mobo Bidigo dabolo mabo sę te genuai dao. Tama agai da olo mu tau sabo sę, te genuai mu dao. Tama tiyu, agai da olo tau siyu, te dago homude pedalobo ‘Dwai sę yao’ po te po dago odosiąma, tama dago te po aiyaba elalubo dao. Tama te sę ebode te Godigo wali po bukude te po elalubao, “Te aga digi aga nogi ugwaba sabo bidi, te bidi God aga tudiba mubo dao. Tiali goli te imilai bidi da, te bidi God agai olo mu tau sabo dao,” te po asęani.

Bugagia Bidibo Kolesagade Po Asęai Buku 3:34

Te bidi dabego te posobo po gasa bidiba obaso da, teda Godigo te tobage tiwai kolesaga te augwaliba wei ponaibao. Tiali goli, agai te augwa digi augwa aiyaba elalubo bidi dabeba te wiegi yai sę bugagia ebo dao.

Efesus 5:21

Te bidi Krais agai genuai nogi mu elaluama, tama dagego duga digi aga dologoba muani obaso, duga hasi dali duga ama dede dologode bidao.

Polgo Po Pas Rom Dabeba Asęani 12:10

Dage da, te deli hani bage dao. Tama tibaso, te deli hani we bidi dabego yabo kolesaga bomo eyu, tama duga hasi duga ama dede abe dede augwali dali dwagi yai homu eyu godolo mu yao. Dage tigidali deli deligo duga nogi aiyaba elaluyu, te gasa bage augwali nogi naga ugwaba sao.

Filipai 2:3

Gasa bidi tau sabo kolesaga tagalama, tama duga digide naga homugo kone paluyu, duga nogi naga olo ugwaba sabo kolesaga eyu, dage te tiwai bidilamuo. Te menio. Te imilai homu eyu, e homu yao, “Te gasa we bidi augwali dwagi yai bage dao. Ena augwali dologode bidaibao,” te homu yao.

Kolosi 3:12

Dage da, te Godigo we bidi hani dao. Agai dage dali dwagi yai homu eyu, tama dage godolo ebaso tama dage aga we bidi hani pedalomainogo, agai dage te tigidali we bidi tomodu dią sali. Tama dią sobaso, bidigo aga gesi ugwa dabe gudubo tiwai gilama dagego e dwagi yai kolesaga selama tama yao: dagego we bidi hobede yao, augwalibolo dwagi yai sę naga yao, hagoma homu eyu duga nogi ugwaba sigio. Sesena pai homu egimio, we bidi dali dua dao. Bidigo dage dali dwai sę ebaso da, te dagego sula tagalama sębę polo egimio.

Aisaia 66:2

Genuai Bidi ena digi, eno te dagalu me tǫ tigidali nai nigilama, te augwali pedelama, megi elalubao. Eno te tobage bidi dabeba bugagia haliga yaibao, te augwa digi aiyaba elaluama, te augwa yali dwai sęde homu dene eyu, enaba wi elama, te eno po dologoba aselama, bidibo bidi.”

Polgo Po Pas Rom Dabeba Asęani 13:14

Te tobage kolesaga menio. Dagego Genuai Bidi Jisas Krais selama, tama aga te bebo ugwa tiwai elama tama duga homude bea sao. Tama dagego te tigigo ebo dwai kolesaga wali pabo homu me egimio.

1 Pita 4:5

Tialima, te po tų dodolobo bidi Krais aga tamadi asobo si, te agai te polobadu isali we bidi dali, te me bidibo we bidi dali si augwali tigidali dali agai te moni po tų yaibao. Tama te sogo te dage dali dwai po wabo bage augwaligo te bidibolo te nogi posobo dwai po wali po page pusulama, te pode te augwali dene saibao.

Aisaia 57:15

“Ena digi ena God, te ena sesemane sogo bidibao. Eno nogide te magi meda mu meni yai elalubao, ena te Wiegi Yai Doloba Pai Kolesaga Mu Ebo God dao. Ena te ena wiegi yai bulude digi ugwadu bidibao. Tiali, ena te augwa digi augwa aiyaba elaluama bidiyu, te augwa yali dwai sęde homu dene ebo we bidi dali bidibao. Te eno augwa haliga dąų waliyu, te augwa bidibo ula te wiegi yai ma pedalumainu ebo dao.

Hibru 13:17

Te duga tobolu bidi dabe augwaligo dage tau sabo homu elama, tama augwaligo dage sesemane sogo tonalubo dao. Magi baso meni, nosali augwaligo digi yali sę po tigidali te Godibolo pusaibao. Tama dagego augwaligo ola mabo po wali pelama, tama augwali dologode bidao. Te dagego tama tibaso da, teda augwali wiegi yai homu pemene elama, tama augwa sę tulama sę eyu, tama augwali homu sęgę me egobeo. Tialima augwaligo dage tonaluabo te homu sęgę ebaso da, teda te tebogo te dage tau me sogobeo.

Pris Sę Ebo Bomai Po 19:32

“Dage te monu dabe dologoba pelama, augwaligo po wali peyu, te augwaliba wiegi yai sę yao. Te dage ena dologoba aselama bidao, te dagego God dao. Ena Genuai Bidi, eno te po wai dao,” wali.

1 Pita 4:1

Te bidi Krais aga tigide dene saligo da, teda dage bomo siyu bugagia bidimainogo eyu, dagego agai yali homu kolesaga tiwai gilama yao. Magi baso meni. Niwai bidi agai dwagi yai sę yali goli aga dene siyu da, te bidi agai te dwai sę ebo tagalai dao.

Godigo Nogi Ugwaba Sabo Tęąbi Po Wabo Buku Dabe 132:9

Te nago naga pris dabe tau selama, tama augwaligo te doloba pai kolesaga naga tigidali sogo emainao. Tama naga we bidi dabe augwa wiegi yai pemene elama, i omainao.

Jopgo Po Asęani Elalubo Buku 29:14

Tigidali sogo eno doloba pelama, dwagi yai kolesaga naga wali pai dao. Tama te kolesaga te eno tigide dwagi yai au yai gudubo ugwa eno tigide muai tiwai yai dao.

Jopgo Po Asęani Elalubo Buku 22:29

Nago koneani. Godigo augwa nogi ugwaba sabo bidi aiyaba elalubo dao. Me ma, agai te augwa digi aiyaba elalubo we bidi ugwaba sabo dao, tama augwali bugagia bidibo dao.

Aisaia 61:10

Te eno pemene ebo wiegi yai balia Godiba waibao, eno Genuai Bidi dao. Te eno pemene umabo mu yaibao, magi baso meni, agai ena ma sali. Te aga wiegi yai sogo te aga doloba pai kolesagago ena te bobobage wiegi yai ugwago mesega sabo tiwai yali, te ena te we sabo bidigo au ebo tiwai eyu, te we aga bidigo aga kębo sogode au ebo tiwai yai dao.

Tuni Bidi Dabego Po Elalubo Buku Si 6:41

God, Genuai Bidi, nage naga Dąų Wali Bomai Po Munalubo Halobage dali aselama, tama naga toma tubo digi duyagasao. Te halobage te genuai bomai nago dąį me deli dao. God, Genuai Bidi, nago naga pris bidi dabe hobede elama, tigidali sogo nago augwali ma oda sao. Tama nago te kolesaga augwaligo au dodobage tiwai elalumainao. Tama naga we bidigo nago wiegi yai kolesagade wiegi yai homu pemene emainao.

Godigo Nogi Ugwaba Sabo Tęąbi Po Wabo Buku Dabe 132:16

Eno te Saion pris dabeba sę menama, eno te tǫde we bidi ma sabo po te pusumainu ebao. Tama te Saion we bidi dabe augwa tęąbi weyu, tama pemene elama, tama i omainu yaibao.

Godigo Nogi Ugwaba Sabo Tęąbi Po Wabo Buku Dabe 138:6

Genuai Bidi, nage te ugwadu mu bidiyu, tama nage polalubao, tiali goli, nago te hagoma homu isiąbo we bidi dabeba homu kone ebao. Tama te hagoma ebo bidi dabe me te nagede geme me duala sogobeo.

Esekiel 26:16

Tama te tigidali tǫ pedai kantri te tamu ąį pąde bidibo king bidi dabego dagede te pedalubo sę dabe sulama, wi dwai mu eyu, te augwa king sę eyu, te dugulalubo sia sai tagalama, aiyaba duagulu, tama augwa te king sę eyu gudubo sawi yai ugwa dabe pepeda sąnama, tama olo te tǫba duagulama, tama didibili eyu bidaibao.

Dwagi Yai Gesi Po Lukgo Asęani 22:26

Tiali goli, te we bidi dabego te wabe. Tiali goli, dagego te tobage sę egio. Menio. Dage polalubo bidi homu ebaso da, teda dage nosali bidi tiwai bidao, gesi bidi tiwai. Dagego tobolu bidi bidabo homu eyu da, dage sę bidi tau sabo bidi bidao.

2 Timoti 5:1

Te Godigo po odobo we bidi hani tomode te monu dabe tobolu bidi me deligo dwai sę eyu da, nago aga te dwai sęde ma dodoloyu tama nago agabolo sesena pai po me olamuo. Menio. Nago po nagame elama dua digi dodolao, te naga aya monu dodolobo tiwai gilama yao. Tama nago te gesi ogwa bidi dabe dodoloyu, te naga ama dodolobo tiwai gilama yao.

1 Pita 3:8

Te eno po silagasu po obao. Dage tigidali deli homu naga eyu bidiąo. Tama teyu, hobede eyu, te dage Godigo hani we bidi bidiyu, duga hasi dwagi yai homu eyu godolo mu yao. Tigidali we bidi dali homu dene eyu, tama nagamea pai homu ebadi bidao.

Bugagia Bidibo Kolesagade Po Asęai Buku 25:7

Tiyu, nage te genuai bidi dabe dali bidibadi, tama nosali te genuai bidi me deli sabolama, tama augwaligo nage sela sąyabuo. Te tiwai pedalidali weyu, hasia bolo nage olo bidi dabe dali bidibaso, tama nosali te augwaligo nagebolo weyu, te genuai bidi dabe dali bidigi pao waibao. Te bidi me deligo te kolesaga me deli ebo subaso,

Daniel 11:12

“Agai te hwįanide te aga wiegi yai homu pemene yaibao. Agai te ami bidi hauwa umabo mu elaibao, tiali goli agai te yali bomo tiwai te sesabi elama gana me elalugobeo,” wali.