1 Pita 5:3 - Godigo dwagi yai po buku

³ Tama kolesaga hagoma elama, tama dwai homu eyu te Godigo dagego nogoba muani we bidi tama tonalugio. Woo, te dage te dwagi yai sę ebo tųdu polasa pao, te augwali dage wali asomainu, te kibu sipsip augwali te augwali tonalubo bidi wali pomainogo aga polasa pabo tiwai gilama yao.

1 Pita 5:3 Referans Kwoze

2 Tesalonaika 3:9

Da da, dagego tubo nai masiąbo bidi menio. Da da, dagego po ola mabo bidi dabe dao. Tama tibaso, dago dagego nai olo sobaso, te usugi da. Tiali goli, te menio. Dago te tubo nai sabo sę ebo dagego suali. Tama dagego dago yali kolesaga wali pomainogo te sę dago yai dao.

Filipai 3:17

Eno ama dedeo, dage tigidaligo eno ebo kolesaga sulama, tama te tama tiduao. Dago dagebolo te dolo yabo kolesaga ola mawai dao. Tama tibaso, duga hasi dagego dago ebo kolesaga wali asobo bidi dabe bugagia suao, te dagego augwaligo ebo kolesaga dolo wali pomainogo tama yao.

Esekiel 34:4

Dagego te bomo meni yai sipsip dabe tau sabo menio. Tama me dagego te gasi yai sipsip dabe usu ilibo menio, me dagego te tigi selai sipsip kibu dabe keni dagego sįsįbo menio. Tama me dagego te hagawai sipsip gegegi pelama, tama dagego augwali ma oda sabo menio. Te dagego bomogo da, dagego augwali dali selebo sę eyu, tama sesanobo bidigo ebo kolesaga tiwai ebo dao.

2 Korin 1:24

Te dagego Kraisde konealubo po dąų olama, agaba homu tialubo te dago tonalubo tiwai me egobeo. Menio. Te agaba tialubo kolesagade dage bomo elama dolalubao. Tama dago sę dage dali eyu te dagego wiegi yai homu pemene ebo te pedalomainogo tebo dao.

Taitus 2:7

Tama naga digi nago ebo kolesaga tigidali ebogo te nago te gesi bidi dabebolo dwagi yai kolesaga naga tama ola mao. Tama tiyu, nago homu mu eyu, tama ‘E po sęgę yai po dao,’ te homu eyu elama, tama Godigo po ola mao.

2 Timoti 4:12

Augwaligo suali, nage gesi bidi homu ebo, tiali goli augwaligo homugo nage te olo bidi yali homu ebo gogologio. Menio. Nage te polalubo bidi bidao. Tama tiyu, tama nago po wabo kolesaga me, te bilibo me, tama nago we bidi dali dwagi yai homu eyu godolo ebo kolesaga me, te nago Godiba homu begi pabo kolesaga badi, tama te magi dwai sę isiąwai wiegi yai kolesaga nago ebo augwaligo suyu, tama augwaligo homu Godiba begi pabo we bidi augwaligo nage wali asaibao.

Godigo Sęba Tagala Palai Bidigo Po 20:28

Pol agai te tobolu bidi dabebolo te po wali, “Dua dao. Duga digi dali, te Godigo Dwagi Yai Mobo Bidigo dagego nogode muai we bidi dali, bugagia tonaluao. Tama dagego augwali te kibu sipsip tiwai negebo ąǫ yao. Dagego kone dao, Godigo aga ogwa Jisasgo kanemego te hani aga abelama, aga ma sai dao. Tama dagego augwali bugagia negao. Magi basowe?

Filipai 4:9

Ena dage dali bidibadi eno te haniani kolesaga po dagebolo ola menama tama dagebolo mani. Tama dagego eno yali kolesaga gedugo suali. Dagego te enade tama sali kolesaga sesemane sogo iduao. Tama tiyu te dabolo nagame homu ilibo God aga dage dali bidaibao.

2 Korin 4:5

Dago denade po te we bidibolo me pusugobeo. Mu menio. Dago e tiwai po pusubo dao: “Te Krais Jisas aga dago Genuai Bidi dao, tama Jisas tobade da te dagego sę ebo bidi bidibao,” te tiwai po pusubo dao.

1 Korin 11:11

Tialima da we bidi te dena Genuai Bidi dali wadoloyu bilibode, tede te we naga tedali bidiyu tama bidi meniama, tama bidi naga tedali bidiyu, tama we meni eyu me ebeo.

Maika 7:14

Genuai Bidi, naga digi te naga dąų olama, sa muani we bidi dabe te naga tonalubo bidi bidao. Augwali te moni genuai dulu te wiegi yai tǫ elalubo bulu du dabe bagede bidibao, tama te gi bulabo wiegi yai tǫ me aiyadu elalubao. Tialima, nago augwaliba te wiegi yai tǫ elalubo madiba te gi bulugi pomainu yao, te Basan me Gileatde, te polobadu yali tiwai yao.

Godigo Nogi Ugwaba Sabo Tęąbi Po Wabo Buku Dabe 74:2

Nago te naga hani bage dabolo te homu kone ma palao. Polobadu mu nago te naga we bidi da sa muai. Nago da ma abelama, tama da naga hani bidimainu yai. Nago te Saion bulu duba homu kone ma paliyu, te polobadu tede nage bidai dao.

Godigo Nogi Ugwaba Sabo Tęąbi Po Wabo Buku Dabe 33:12

Te hani dabe augwa God te Genuai Bidi bidibao, augwa te wiegi yai homu pemene iyąo. Te bage te aga da olama sa muani bage, te augwa wiegi yai homu pemene yao.

1 Pita 2:9

Me ma, dage da, dage te sa muani we bidi hani dao. Bidi meba augwali te we bidi dali, God dali tomode bidiyu, tama pris bidi sę eyu, augwaligo Godibolo te dwagi yai nai ula mabo sę ebo dao. Tama te tiwai dagego me te dago genuai tuni bidigo sę ebo dao. Dage da, te tedali gasagi yai doloba pai we bidi hani dao, God aga we bidi hani mu te dage dao. Tama agai dage i olama, tama dage te hulia sai bidibo digi tagalama, tama agai wiegi yai ula yai buluba bidagasai dao. Tama dagego agai yali wiegi yai sęde po te gasa we bidibolo pusumainogo te agai dage sa muani.

Bomai Po 32:9

Tiali goli, agai Jekopgo hani sa munama, aga digi augwali tonalumainogo yai dao.

1 Korin 3:9

Magi baso meni, da si te Godigo deli sę naga ebo sę bidi dao, tama dage te Godigo gi tiwai dao. Tama dage te Godigo be tiwai, aga te be sędu bidibao.

1 Korin 3:5

Dagego bugagia homu kone palao. Apolos wali te de dawe? Ena Pol, ena de dawe? Da si da te sę bidi naga bidibao. Genuai Bidigo gasa gasa sę da sibolo mawai, tama da sigo te yali sęde dagego konealubo po te Kraisde dąų wali.

Israel Hanigo Namba 18:7

Tiali goli, nage dali nago ogwa dabe dagego naga te pris sę eyu, me te altade sę eyu, me te Tedali Gasagi Yai Mu Be Habude sę eyu, tama iyąo. Eno te pris sę dagebolo te wiegi yai nai tiwai tama mawai dao. Tama tialima, te pris sę, me altade sę, me te Tedali Gasagi Yai Mu Be Habude sę, te dagego sę mu dao. Ma, te bidi me aga eno sa musiąwai bidi aga te sę yainogo asobaso da, teda dagego aga ela muiąo,” Genuai Bidigo te po Aronbolo wai.

Dwagi Yai Gesi Po Jongo Asęani 13:15

Tama eno dagebolo ola mobao, dage me te sę ebo sulama, wali pomainogo yai.

1 Tesalonaika 1:7

Tama tibaso, te Masedonia dali Akaia dali te genuai tǫ side bidibo Jisas wali pabo we bidi augwaligo dagego te dwagi yai sę yali po odama, tama augwaligo te tiwai inao, te po wai.