1 Pita 5:2 - Godigo dwagi yai po buku

² Tama te homu kęna sabo po e dao: te kibu sipsip tonalubo bidi agai te kibu sipsip bugagia tonalubogia tama dagego te Godigo dagego nogoba muani we bidi bugagia tonaluao. Tama te sęde augwali tonalubo hagela homu eyu tama tonalugio. Woo, te menio. Dwagi yai homu naga eyu, dagego augwali bugagia tonaluao. Tama dagego te masigi naga somainogo te sę egimio. Te menio. Dagego homu mu bomo eyu, te augwali tau somainogo te sę yao.

1 Pita 5:2 Referans Kwoze

Taitus 1:7

Magi baso meni, te Godigo we bidi tonalubo bidi te bidi agai Godigo sę tonalubo dao. Tama tibaso, te bidi aga dolo bugagia bilao, sęgę meni yai bidi bidao. Agai hagoma ebo kolesaga ebo bidi bidilamuo, tama agai sębę polo me elamuo. Agai bomai ąį hauwa tubo bidi menio, tama agai bidi dabe me elebo menio. Tama agai masigi dabe hauwa sabo homu eyu pesą ebo bidi menio.

2 Timoti 3:8

Te nago te Godigo po odobo we bidi tonalubo sę tau sabo bidi dabe nigiyu, augwali me e tama bidao. Te homu mu naga eyu, te wiegi yai kolesaga ebo bidi bidao. Augwali te bomai ąį tulama esela pabo bidi tiwai me elamuo. Augwali te gasa bidi dabego mone dabe anoma elama sabo homu ebo bidi bidamuo.

Taitus 3:1

Taitus, nago te nago tonalubo Godigo po wali pabo we bidi augwalibolo e po widu geao: augwali te gavman tuni bidi dabe dali genuai bidi dali dologode bidiyu, tama augwaligo po odolama te po wali pao. Tama tiyu tama augwaligo tigidali dwagi yai kolesaga yabo sę sisi eyu bidao, te po ola mao.

2 Timoti 3:3

Aga te bomai ąį tulama te esela pabo bidi tiwai bidamuo. Agai sębę polo eyu, bidi eleyu me egobeo. Menio. Agai te bidi dabe dali imilai homu nagame yao. Agai te wąbi subigila hwįgio. Agai homu te monede kuna dąų me olamuo.

1 Korin 9:7

Mena bidi te ami sę ebo bidigo tama aga digi te aga tubo nai abelegowe? Te menio. Mena bidigo te gi bulama tama aga te gide bulali nai sabo meniwe? Me ma te bidi mego te kibu meme dali sipsip dali hani tonaluyu tama aga digi te augwaligo ame pę me tugobewe? Woo, te tiwai menio. Agai te nai meba tueibao.

2 Pita 2:3

Tama te tibo po ola mabo bage augwaligo te gasa we bidi dabego nai sulama pesą elama mu sainogo ebo bidi dabe, tama augwaligo te dagego mone dabe bomonama sainogo tibo po hauwa dage dali waibao. Tiali goli polobadu mu Godigo augwali po tų ilama hagayabo te sisi yai elalubao. Tama augwali mu dolabo nai te sesemane sogo tonalubao.

Hibru 12:15

Te ama me deli tula muyu tama Godigo te olo tau siyu mabo kolesaga tagalidali weyu dagego bugagia tonaluao. Tama tiyu dage tomode pedalobo ama me deli aga te ha ebo nedu du tiwai walama, tama dagebolo sęgę menama, tama dage God gedude meda yai pedelabuo.

Esekiel 34:31

Dage eno we bidi, dage eno sipsip kibu tiwai dao, tama dage ena tǫde bidiyu, tama eno dagebolo nai mabo dao. Tama ena dagego God bidibao, Genuai Bidi eno po polo wali.’ Te po augwalibolo pusao,” God Genuai Bidigo te po wali.

Taitus 1:11

Tama augwaligo gasa bidi dabego mone masigi bomo elama sainogo eyu, tama augwaligo te ola masiąbo po ola mabo dao. Te usu meni. Tama tebogo augwaligo te we bidi hani meba tomode si bugulama, tama we bidi meba augwaligo Godigo po megi bugagia wali me pabo meni. Tama tibaso, te nago nigilibo tonalubo bidi dabe augwaligo te olo po ola mabo bagego pedauwali dąų wao.

Dwagi Yai Gesi Po Lukgo Asęani 12:32

Jisasgo po ma wadolama, “Te dage ena dali bilibo bidi dabe, dage te dwasianu hani sipsip tiwai dao. Te dage wi egimio. Magi baso meni. Duga Ayago dagebolo po weyu, te aga dagego king bidibao po olama, Godigo dagebolo te we bidi tonalubo sę mawainu, dwagi yai homu elalubao.

Malakai 1:10

Te Tigidali Bomo Elalubo Genuai Bidigo te po wali, “Te bidi me deligo eno be sunumi dabe palibaso da, teda dage te tomoba me pisąma, tama eno altade te dwai ofa dabe yabo sia me udulugobeo. Te usu dao. Magi baso meni, eno dagego ebo kolesagade wiegi yai pemene homu me ebeo. Tama te dagego enaba sesebo ofa dabe eno me sogobeo,” wai dao.

Sekaraia 11:17

Tialima te tonalubo dwai bidi dolomainao, magi baso meni, agai aga hani sipsip tonalubo tagalali. Te boi bidi dabego agaba boi hwįagaselama te agai bomo tigidali aiyaba mu tamunaibao. Tialima agai nogo kimi bomo isilama, tama agai dolo nogo badu gedu te mu halua somainao,” Genuai Bidigo te po wai dao.

Maika 7:14

Genuai Bidi, naga digi te naga dąų olama, sa muani we bidi dabe te naga tonalubo bidi bidao. Augwali te moni genuai dulu te wiegi yai tǫ elalubo bulu du dabe bagede bidibao, tama te gi bulabo wiegi yai tǫ me aiyadu elalubao. Tialima, nago augwaliba te wiegi yai tǫ elalubo madiba te gi bulugi pomainu yao, te Basan me Gileatde, te polobadu yali tiwai yao.

Maika 5:4

Te tobolu bidi pedalubo si da, te aga we bidi dabe aga tonalueibao, te God, aga Genuai Bidigo bomode me genuai nogide te tama tiaibao. Tama te we bidi dabe bugagia bidaibao, magi baso meni, te tigidali bulu tǫ kantri dabede bidalubo bidi hani dabego te agai bomo koneaibao.

Maika 3:11

Te taun bidi dabego te tobolu bidi dabe homu bega sabo sę eyu, te augwaliba mone mayu, te augwa haniani dwai kolesaga emainu ebo dao. Te pris dabego te mone naga sainogo te Godigo bomai po page pusubo dao. Tialima, te profet dabego te mone sabo homu eyu, te geme dualali po pusali. Tigidaligo te tiwai eyu, augwa te po wali, “Genuai Bidi te da dali bidibao,” walio. “Tialima, te magi nai me deligo da me dologobeo,” wabo dao.

Esekiel 34:23

Tama eno ena sę bidi Devitgo hanide bidi me deli sa munama, tama aga eno sipsip dabe tonaluabo bidi nigilama, tama agai eno sipsip dabe augwali bugagia tonalumainu yaibao.

Jeremaia 13:17

Tialima, te dagego po odisąma, te dagego hagoma idubaso da, teda te boi bidi dabego dage Genuai Bidigo we bidi sagaselama, te gasa tǫ kantriba kalabus mugi paibao. Tama tibaso, ena Jeremaia, te enaduba bididu, te dagede gela wedu gedubadi, te eno gedude gela guai gealuama, te eno gesabidiba dualibao wali.

Jeremaia 6:13

“Tigidali we bidigo te dwai kolesaga haniani eyu, te mone hauwa sabo homu eyu tama tiali. Te olo bidi dabe me, genuai bidi dabego me te kolesaga naga wali pali. Te pris dabego me, te profet dabego me te we bidi tibo po ola mayu yalio.

Aisaia 63:11

Tialima, nosali augwa te polobadu yali sogoba homu kone palali. Augwa te Moses me aga we bidi dabeba homu kone ma palama, augwa te tiwai po wai, “Te Genuai Bidi mena bidibawe? Polobadu agai te polalubo bidi aga we bidi dabe dali odasa asu, te tamu ąį nogeali Genuai Bidi mena bidibawe? Polobadu agai homu ogwa wai mobo te augwali dali bidimainu yai dao.

Aisaia 56:11

Augwali te nai hauwa tuabo homu ebo yowi tiwai bidali, te dwasianu pągąsiąbo ąǫ yai. Augwali te sipsip tonalubo bidigo aga sę ebo konesiąbo tiwai yali. Deli deligo te augwa homu wali pelama, te aga tau sabo nai naga homu koneai dao.

Aisaia 40:11

Agai te aga we bidi dabe bugagia tonalubao, te sipsip tonalubo bidi dabego te aga sipsip bugagia tonalubo tiwai ebao. Te tonalubo bidigo te sipsip wai dabe te hagawiade pageasa bilaibao. Te aga dua digi pidu, te dwasianu wai dabe elalubo sipsipba te sunumi ola mayu, ela pidubo dao.

Aisaia 6:8

Tama eno Genuai Bidigo ensel sibi hanaluyu, te po wabo odali, “Dago de tagala palaibawe? Dego eno po sela paibawe?” Tama eno te po wali, “Nago ena tagala palao.”

Solomon 1:8

Eno abagio, nage gasa sawi yai we mu da. Te nago ena suabo homu ebaso da, teda nago te sipsip dabego sągą pasalu wali poanao. Nago wali pobaso da, teda naga meme dabego tuabo wiegi yai nosai elalubo sueibao. Te nosai te sipsip tonalubo bidi dabego sel ugwa be pąde elalubao.

Filemon 1:14

Tiali goli nago te usu da po wasiąbaso da, te eno aga ede bidao wagobeo. Eno nage dali bomo egobeo. Menio. Eno homugo nago dwagi yai sę eyu, nago homugo Onesimus agai ena tau siyu ede bidiyu bidimainogo homu eyu da, nago te homu usu eyu da, te aga ede bidiyu ena tau saibao.

Taitus 2:14

Aga digi aga bidibo ula tagalai dao, tama agai te bidibo ulago da ma abelama, tama dago te tigidali bomo yai po sela sąbo te kolesaga agai sela sąwainogo tama yai dao. Agai da penama, tama da we bidi aga hani mu pedalainogo te sę yai, tama dago tigidali dwagi yai kolesaga bomo elama te sę naga emainogo agai aga bidibo ula tagalai dao.

Polgo Po Pas Rom Dabeba Asęani 1:15

Tama tibaso eno homu me hodaloyu, te wiegi yai po te dage Rom hanude bidibo bidi dabebolo me te po pusainogo te homu bomo ebo dao.

Godigo Sęba Tagala Palai Bidigo Po 21:13

Tama tiali goli, Polgo te po wei ponoyu te po wali, “Magi baso dage gela obawe? Dagego gela wagio. Tama dagego te homu sęgę ena magio. Suao, ena Jerusalemba pobao. Tama augwaligo ena kalabuside mubaso da, eno wi menio. Eno Genuai Bidi Jisasgo po pusa mobadi, augwaligo homugo ena elabo homu ebaso me, elemainao,” te po wai.

Jeremaia 13:20

“Taun Jerusalem, nago gedu pedama, tama te not badu pedai tagalama, te nageba asobo bidi hani te nago tonao. Te nago augwaliba wiegi yai pemene eyu, te tonalubo we bidi augwali mena bidibawe?

Jeremaia 8:10

“Tialima, eno te gasa bidi dabego te Juda dabego we me tǫ sagasomainogo ilaibao. Magi baso meni, tigidali we bidigo dwai sę haniani eyu, te doado bage hauwa sainu yali. Te olo bidi dabego me, te genuai bidi dabego me, te kolesaga wali pali. Te pris dabe me, profetgo me, te we bidi dabe tibo po ola mayu yai dao.

Israel Hanigo Namba 18:7

Tiali goli, nage dali nago ogwa dabe dagego naga te pris sę eyu, me te altade sę eyu, me te Tedali Gasagi Yai Mu Be Habude sę eyu, tama iyąo. Eno te pris sę dagebolo te wiegi yai nai tiwai tama mawai dao. Tama tialima, te pris sę, me altade sę, me te Tedali Gasagi Yai Mu Be Habude sę, te dagego sę mu dao. Ma, te bidi me aga eno sa musiąwai bidi aga te sę yainogo asobaso da, teda dagego aga ela muiąo,” Genuai Bidigo te po Aronbolo wai.

Godigo Sęba Tagala Palai Bidigo Po 20:29

Eno koneani, nosali te eno dage taga pabo sogode, te dwai bidi dabe dage tomoba aselama, dage dolaibao. Tama augwali te bulu yowi asobo ąǫ elama, te sipsip kibu wai elabo ąǫ yaibao.

Te Israel me Juda Hani Sigo Tuni Bidigo Po Elalubo Buku Si 12:6

Tiali goli, me badu nosali kibu bede, agai te king bidi bidibadi, agai e tama kibu be bidali, te 23 kibu be bidali, te Joasgo suali, ma te pris bage augwaligo te sę me deli ebe, te Genuai Bidigo tempel be dodolobeo.

Esekiel 46:24

Tialima, te bidigo enabolo e tama tiwai po walali, “Te Godigo tempel bede sę ebo bidi dabe augwali te kibu mi ulubo te pesage dabeba te we bidigo ofa yabo nai sesebo teba ulugi pomainao,” wali.