Biblia Todo Logo
Bib sou entènèt

- Piblisite -




1 Pita 4:9 - Godigo dwagi yai po buku

9 Tama tibaso te kolesaga yao. Tama te kolesaga eyu, te dwagi yai homu eyu, tama duga hasi dage deli deligo te gasa we bidi dali te nai gesebo sę yao.

Gade chapit la Kopi




1 Pita 4:9
11 Referans Kwoze  

Dagego te duga beba digibulu asobo bidi dabe augwali tau sabo homu ebo te dagego me gegeda pigio. Duga koneani, polobadu bidi mebago te tiwai elama, tama augwaligo te ensel mobo bidi meba te augwa beba odasa pelama, augwali gesali. Augwaligo te ensel bidi asobo me konebeo. Augwaligo te bidi naga da te homu yai dao.


Tama te Godigo we bidi meba augwali te nai dabe meni baso da, teda dagego augwali tau sao. Me ma, te gasa bulu bidi dabe dage bidiboba pedalobo si da, teda dagego augwali bugagia geseyu tonaluao.


Tama dage Godigo po tama wali peyu tama dagego elalubo sę ebadi, te duga hasi wado po wabo me, konila po wabo me, te tobage po wagimio.


Tama dagego duga hasi te we bidi augwalibolo wiegi yai kolesaga ebo te dagego homugo gegeda pelamuo. Tama tiyu dagede elalubo doado bage, te dagego te nai meni yai we bidiba dobayu, te augwali tau sao. Godigo te tiwai ofa ebode dwagi yai homu mu ebo dao.


Te menio. Tiali goli gasa buludu asobo we bidi agai augwali dali dwagi yai homu eyu bugagia gesebo bidi bidao. Tama agai dwagi yai kolesaga naga godolo eyu, tama tiyu dwagi yai homu dali yao. Aga homu kęnai bidi bidao. Aga te doloba pai bidi bidiyu, tama Godigo gedude aga dwagi yai bidi bidao. Aga digi aga bidibo te kolesaga bugagia tonaluao.


Tama nago te Godigo we bidi tonalubo bidi nigiyu tama aga e tama bidao. Aga dolo mu bidao, tama te bidi dabe augwaligo agade te dwai sę ebo me gegegobeo. Aga te we deligo bidi naga bidao. Aga homu bugagia dodolama tama dulaluao. Agai aga digi kolesaga bugagia tonaluao. Aga subigila bidibo bidi bidamuo. Te aga te Godigo po odobo gasa buludu asali we bidi agai aga beba sabo bidi bidao. Tama aga te Godigo po ola mabo sęde aga usu yao.


Eno ama dedeo, te po tų ebo bidi Jisasgo dagebolo dwai dene wei ponoidali weyu, duga hasi te gasa ama dabe dali wado po weyu, augwali dali te posobo po olamu dao. Dagego e po odao. Te po tų ebo bidi Jisas te be tų bulu badu dolagasai elalubao.


Dage tigidali deli deligo te Juda bage tau mabo monede duga digi duga bugagia homugo hasia kone palama, tama te homu kolesaga tiwai wali naga peyu mone mao. Tiyu bidi me deligo mabo naide homu sęgę elama, tama agai homugo bidi dabego bomo ebaso, tama te kolesagade naga agai te nai mani homu me ilamuo. Menio. Agai digi aga homu hasia dodolama, tama te tiwai naga mao. Magi baso meni. Godigo te bidigo wiegi yai homu pemene elama nai mabo kolesaga ebo bidi, te tobage bidi Godigo godolo ebo dao.


Tiali goli nago te usu da po wasiąbaso da, te eno aga ede bidao wagobeo. Eno nage dali bomo egobeo. Menio. Eno homugo nago dwagi yai sę eyu, nago homugo Onesimus agai ena tau siyu ede bidiyu bidimainogo homu eyu da, nago te homu usu eyu da, te aga ede bidiyu ena tau saibao.


Te bidi nogi Gaius agai siade da po dagebolo ola tolobao. Agai ena Pol bugagia agai bede tonaluyu nai gesali. Aga beba te Kraisgo po odobo we bidi augwali deliba sisinibo dao. Erastus, aga e hanude te gavmanigo kuskus sę ebo masigi tonalubo bidi, tama dago ama Kwartus, te augwali sigo siade da po dagebolo ola tolobao.


Agai te wę tula silibo si, tama Rebekago po ma wai, “Te eno nago kamel dabe me wę menama, te augwali tulama, usu elama, pągąmainu yaibao,” wali.


Swiv nou:

Piblisite


Piblisite