1 Pita 4:15 - Godigo dwagi yai po buku

¹⁵ Me ma, dage tomode bidi me deli agai te bidi ela mubo sę, ma te nai wi sabo sę te si ilamuo, te tobage sę ebode dene sigio. Dagego dwai sę ebaso dene sigimio. Ma, te kolesaga hagoma eyu, gasa bidi dabe dali augwali tonalubo bidigo po weyu bidigio. Te tobage sę ebode me te dene sigimio.

1 Pita 4:15 Referans Kwoze

2 Tesalonaika 3:11

Magi baso dago te po waliwe? Dago odali, dage tomode bidi meba tubo nai sabo sę isiąma olo bidibo po dago odalio. Augwaligo sę me ebo menio, tigidali sogo. Augwali olo biliyu, gasa we bidigo ebo sę suyu, tama augwaligo te po ola bilibo dao. Tama dago augwaligo te dwai sę ebo po odama, tama dago dagebolo te nai magio po ma obao.

1 Tesalonaika 4:11

Dagego homu kolesaga tomode bomo elama, tama dagego homu dwagi yai nagamea peyu, tama duga bidibo bugagia tonaluao. Tama dagego duga digi duga masigi sabo sę yao, dago polobadu dagebolo te po wali gilama.

2 Timoti 5:13

Tama gasa dwai kolesaga me augwaligo koneaibao. Augwaligo sę isąyu tama augwali tigidali we bidigo beba olo pabo kolesaga saibao. Te kolesaga naga egobeo, te gasa dwai kolesaga me yaibao. Augwaligo te gasa we bidi dabe augwaligo po anoma elama tama po sabilibo sę eyu, tama augwalibolo posobo po weyu yaibao. Te po augwaligo tedela paibao, haniani beba. Tama tiyu, tama augwaligo me te hogwa sa wali po togolama, tama augwaligo gasa we bidibolo subigila pusaibao.

1 Pita 3:17

Tama dago dwagi yai sę naga yai goli, tama God agai “Awe” weyu, te bidi dabe augwaligo dabolo dene mayu da, te usu dao. Tialima dago dwai sę elama tama augwaligo da dene mayu da, teda te dwali dao.

Polgo Si Wali Pas Timotiba Asęani - 2TI 2:9

Eno te gesi dwagi yai po pusubaso, tama tede naga te bidi augwaligo ena te gavmango bomo yai po bolali dwai bidi da homu elama, tama augwaligo haniani sęgę enabolo mani. Awe, augwaligo ena kalabusiba me muani. Tiali goli te Godigo po da, augwaligo te kalabusiba me mugobeo, te usu egobeo.

Matyu 5:11

“Tama dagebolo sęgę mabo bidi dabe augwaligo suali dagego ena wali pabo subaso da, te augwaligo dage dali dwai posobo po weyu, tama dene mobadi augwaligo te kedu meni yai tibo po haniani weyu ebaso da, teda dage homu pemene wiegi yai yao.

Ma Dobola Sali 22:2

Tama agai dolo ponomainao. Tiali goli, agai wei ponabo bulmakau me sipsip te meni baso da, te aga dagego te olo sę ebo bidi tiwai te gasa bidigo abelemainogo elama, tama te mone dagego selama, agai te wi sali kibu wei ponao. Tama agai te wi sali bulmakau, me sipsip, ma te bidi duabo donki, te nai dabe te agade elalubaso da, teda agai te nai si te aga te dwai sę yali wei ponao.” “Tama nai wi sabo bidi me deligo be hulide te be daga aluama, tama gasa bidigo aga dąų olama, tama aga ela mubaso da, teda te nai wi sali bidi ela muani bidi aga te sęgę menio. Tiali goli, agai aga te siade ela muyu da, te agai bidi ela mubo sęgę elalubao.”

1 Pita 3:14

Tialima dagego te doloba pai sę yai goli te gasa bidi dabe augwaligo dage dene me sogo mayu da, teda God agai dage dali dwagi yai homu eyu dwagi yai kolesaga dage dali yaibao. Tama tibaso, dage augwalide wi egio, te augwaligo dage dali ebo sęde me dage moni homu egimio.