1 Pita 4:10 - Godigo dwagi yai po buku

¹⁰ Tama God agai te dage deli delibolo te haniani tau sabo homu kolesaga olo mena mena pai dao. Agai tama tialigo da, dage deli deligo te olo mani homu kolesaga ebogo gasa we bidi tau sao. Tama dagego tama tiyu da, teda dage te Godigo olo mani tau sabo homu kolesaga bugagia tonalubo we bidi mu bidaibao.

1 Pita 4:10 Referans Kwoze

Dwagi Yai Gesi Po Makgo Asęani 10:45

Magi baso meni, te ena Godigo Bidi Mu tama, tama ena me te bidigo ena tau sabo sę emainu me asobeo. Menio. Ena asali, te eno augwali tau sabo sę yainu asai, tama eno bidibo ulago digi te hauwa we bidi ma abelagasai dao,” Jisasgo te po wai.

Hibru 6:10

God aga te dolo osola subo konesiąbo bidi meni. Agai homugo dagego te yali tigidali sęde te homu me gegeda peyu, me tagalogobeo. Menio. Dagego duga homugo agade kone palobadi tama agade dwagi yai homu eyu, tama te tialigo te dage homu hodolama tama agai we bidi augwali te dagego tau sidu geduai dao. Tama te tiwai kolesaga dagego me ela pabo dao.

1 Korin 15:10

Tiali goli Godigo olo mu tau sabo kolesagago ena tau selama, tama agai ena megi bidibo tiwai ilali, ena te aga sę ebo tagala palali bidi dao. Tama agai ena olo mu tau sali wiegi yai kolesaga te olo me hagabeo. Mu menio. Eno aga sę bomo mu elama yai, te gasa Godigo po sela pali bidi dabe augwaligo yali sę eno yali sę ebogo aiyaba elaluali. Tiali goli eno ena digi me ebeo. Menio. Te Godigo olo tau sabo wiegi yai kolesaga ena dali bidiyu, agai naga te sę ebo dao.

1 Korin 3:10

Te God aga olo da tau sali wiegi yai kolesagade ena te Godigo po pusubo sęde te polalubo tobolu bidi te kolesaga koneai kamda bidi tiwai pedalali, tama eno te be pos ni bulalio. Tama gasa bidigo te pos ni daide ugwadu te be sę ebao. Tama tigidali bidi augwali deli deli dua bugagia koneama tama te pos ni daide be sę yao.

Efesus 4:11

Tama aga digi agai naga agai te wiegi yai nai dabe bidi dabebolo e tiwai olo mawai: te agai meba bidi augwalibolo Godigo po sela pelama pusigi pabo sę yabo bidi nigilai. Bidi me badubolo agai wabo po ola mabo bidi te sęba muai. Bidi meba augwaligo Godigo wiegi yai po pusa mabo sę yabo bidi nigilai. Tama me badu bidibolo te Godigo we bidi hani tonalubo sę dali te Godigo po ola mabo sę dali emainu agai te sę augwalibolo mawai dao.

Polgo Po Pas Rom Dabeba Asęani 15:27

Mu tama, augwa digi augwaligo te mone mabo sęde wiegi yai homu elama augwaligo tama tiwai yali, tiali goli augwaligo negeli me te Jerusalem dabede elaluai. Magi baso meni, te Jerusalemde bidibo Juda dabe augwaligo te Juda hani isąwai gasa hani dabe augwali te Godigo wiegi yai gesi po mani negeli elaluai. Tama tibaso, gasa hani augwaligo te tigide nai tau sabo negeli te Juda dabe augwalide elaluai dao.

Taitus 1:7

Magi baso meni, te Godigo we bidi tonalubo bidi te bidi agai Godigo sę tonalubo dao. Tama tibaso, te bidi aga dolo bugagia bilao, sęgę meni yai bidi bidao. Agai hagoma ebo kolesaga ebo bidi bidilamuo, tama agai sębę polo me elamuo. Agai bomai ąį hauwa tubo bidi menio, tama agai bidi dabe me elebo menio. Tama agai masigi dabe hauwa sabo homu eyu pesą ebo bidi menio.

Efesus 3:8

Tama Kraisgo we bidi tomode te eno nogi augwali tigidali dologode elaluali goli, God agai enabolo olo tau sabo kolesaga eyu, tama agai ena te wiegi yai po pusubo sę gasa we bidi, te Juda hani isiąwai we bidi augwalibolo te po pusumainogo ena te sęba muai. Tama te wiegi yai po page hagede eno augwalibolo te tobage po pusubo dao, te Krais agai da dali ebo olo tau sabo kolesaga te moni genuai mu, tama bidigo te kolesaga konemainogo eyu gegebo usu egobeo.

Dwagi Yai Gesi Po Lukgo Asęani 12:42

Tama Genuai Bidigo wei ponoyu, te po wali, “Te eno te kolesaga elama, dwagi yai sę ebo bidibolo obao. Aga genuai bidigo te bidi te sę tigidali tonaluabo genuai bidi me ma nigilaibao. Te bidi te gasa sę ebo we bidi dabe nai dobayabo sogo dobayabo genuai bidi me nigilaibao.

1 Korin 4:7

Abagi, magi yaliwe? Dego nage genuai bidi muai dawe? Tama nago mena nai te Godide sisąwani nai elalubowe? Te mu tama nago te nai Godide saligo da, teda magi baso te nago naga nogi ugwaba siyu, te naga digi nage te nai page bidi da wainogo ebawe? Te hagoma ebo tagalao.

Dwagi Yai Gesi Po Lukgo Asęani 19:13

Tama te bidi aga pisąbadi, agai sę ebo bage nogo si i olama, augwali deli delibolo mone ni yabe nogo si mawai. Agai augwalibolo te po wai, ‘Te ena gasa digibulu bulude bidibadi, dagego te mone sabo sę yao, eno mawai masigigo tama tiao, tama nosali eno masigi hauwa ma saibao,’ te po wai.

Dwagi Yai Gesi Po Lukgo Asęani 8:3

We me nogi Joana, Herotgo bede sę ebo genuai bidi Kusago we dao. We me nogi Susana. Me badu we dabe hauwago augwa monego Jisas me, Jisas aga dali bilibo bidi dabe me tau sali.

2 Korin 6:1

Dago sę God dali eyu tama dago te tiwai po bomo elama dagebolo obao: dagego te Godigo olo mani wiegi yai tau sabo kolesaga salio, tiyu dagego agai te olo mu mani wiegi yai tau sabo kolesaga tagalabuo, te kolesagago agai sę dage tomode bugagia emainao.

Polgo Po Pas Rom Dabeba Asęani 15:25

Tiali goli megi hasia bolo ena te Jerusalem hanuba pabo tamadi gagalaibao, te tede bidibo Godigo we bidi tau magi paibao.

Matyu 25:44

“Tama augwaligo me agai po wei ponoyu, te po waibao, ‘Genuai Bidi, nisu sogo nage nasi ebadi dago suali, ma nage ąį nogone ebadi, ma nage gasa bulu bidi, ma nage ugwa meni yai me, ma nage gasi elalubadi, ma nage kalabuside bidibadi, tama dago nage me tau sabewe?’ augwaligo te po waibao.”

Matyu 20:28

Te tiwai naga gilama te Godigo Bidi Mu aga te bidi mego tau somainogo me asobeo. Menio. Aga asali te augwali digi tau somainogo asali, tama agai bidibo ulago te we bidi hauwa mu ma abelemainogo asai dao,” Jisasgo te po wai.

Polgo Si Wali Pas Timotiba Asęani - 2TI 1:18

Te genuai po tų yabo sogode eno homugo te Genuai Bidigo Onesiforus homu dene eyu tau sao. Tama te bidi agai ena te Efesus bulude hauwa sogo tau sali, te naga digi bugagia naga koneai dao.

Matyu 24:45

“Mena sę bidigo wiegi yai homu elama, tama agai aga genuai bidide homu kęą pai bidi dawe? Te bidi aga genuai bidigo aga sa munama, te gasa sę ebo bidi augwali tonalumainogo, tama augwalibolo aga te nai mabo sogo te nai momainogo yai.

Matyu 24:14

Tama augwaligo te Godigo we bidi tonalubo kolesaga po, te wiegi yai po te tigidali tǫ habu badu pusaibao, te po tigidali tǫde bidibo we bidi augwaligo odomainogo, tama nosali gana digi te tǫ, de dagalu si silabo sogo te pedelaibao,” Jisasgo te po wai.

2 Korin 9:1

Te Godigo we bidi Juda bage augwali tau siyu olo mabo nai te dagego koneanio. Tama eno tede bobage po me asęgobeo.

Matyu 24:21

Te sogo da, te sęgę genuai mu elaluaibao. Te e tǫ gesi sogo elalubadi te megi e sogode te usu nagasu, te tiwai sęgę te polobadu munu me pedalobeo. Tama nosali me te tiwai sęgę munu me ma elalugobeo. Menio.

1 Pita 5:10

Tama dagego te sęgę osogo tolama, tama God aga digi agai dage sese bugagia ma ilama, tama dage bomo menama, bugagia mu dąų waibao. Te God aga da te tigidali wiegi yai olo tau sabo kolesaga page bidi dao, tama agai dage i wali, te dage Krais wali peyu, te Godigo bomo yai gamonabo ula meba dagego somainogo yali.

1 Pita 5:12

Te bidi nogi Sailas agai ena tau siyu, tama eno e pęwadage po dagebolo asęna tolobao. Tama eno homu te bidi Sailas da te aga nogoba muani sę bugagia tonaluyu sę ebo bidi dao. Tama eno e po dagebolo asęyu, tama bomo elama eno dage homu kęna sabo po weyu, tama te eno asęani po te God agai aga we bidi olo tau sabo kolesaga mu dao. Tama tibaso, te kolesaga bugagia dąų olama, tama dolaluyu bidiąo.

Matyu 25:17

Tama te 2,000 kina sali bidigo, agai me te monede bisnis sę elama, tama gasa mone 2,000 kina te moneba ugwadu daganama sai.