1 Pita 3:8 - Godigo dwagi yai po buku

⁸ Te eno po silagasu po obao. Dage tigidali deli homu naga eyu bidiąo. Tama teyu, hobede eyu, te dage Godigo hani we bidi bidiyu, duga hasi dwagi yai homu eyu godolo mu yao. Tigidali we bidi dali homu dene eyu, tama nagamea pai homu ebadi bidao.

1 Pita 3:8 Referans Kwoze

Polgo Po Pas Rom Dabeba Asęani 12:10

Dage da, te deli hani bage dao. Tama tibaso, te deli hani we bidi dabego yabo kolesaga bomo eyu, tama duga hasi duga ama dede abe dede augwali dali dwagi yai homu eyu godolo mu yao. Dage tigidali deli deligo duga nogi aiyaba elaluyu, te gasa bage augwali nogi naga ugwaba sao.

1 Pita 1:22

Te dagego Godigo wiegi yai mu po bugagia wali peyu tama duga homu kolesagade elaluali dwai kolesaga sela sąnama, tama dagego duga hasi we bidide dwagi yai homu ebo gagalali. Tama tiyu, megi dage bomo eyu, homu mu elaluyu duga hasi godolo mu yao.

Efesus 4:31

Tama dagego boi bidi homu ebo me, te wado po weyu tama homu sębę ebo me, te genuai po daga wabo me, te posobo po me, te moni dwai homu ebo me, te tigidali dwai kolesaga ebo tagaliyu sela sąyao.

Jems 3:17

Tiali goli niwai bidi augwaligo te God pagedu asobo te wiegi yai homu kolesaga sabo bidi dabe augwaligo ebo kolesaga e dao: polasa mu, te augwaligo meda isiąwai wiegi yai homu kolesaga wali pabo dao. Tama te kolesaga me, te augwaligo gasa bidi dabe dali wiegi yai kolesaga eyu deli homu elama bidiyu, tama augwali dali homu nagame eyu, tama tiyu augwaligo gasa bidi dabego po wabo odobo dao. Tama augwaligo homu dene eyu, we bidi tau sabo wiegi yai kolesaga ebo dao. Tama tiyu, augwaligo deli homu tiwai naga tigidali we bidi dali ebo dao. Tama augwaligo ugwadu homugo naga augwaligo po wabo menio.

Efesus 4:2

Dagego tama kolesaga wali peyu, duga digi duga nogi ugwaba sisiąma, tama imila pai we bidi mu bidiąo. Tama bidigo dage dali dwai kolesaga ebaso da, te dagego te sę emainu sulama tona tagalao, wei sigimio. Tama tiyu, dagego duga abagi dabe dali wiegi yai homu elama godolo mu yao, tama augwaligo mabo sęgę te dagego tolao.

Sekaraia 7:9

“Polobadu eno te po ena we bidibolo mawai dao, ‘Te po tų ebo sogo te dagego tigidali wiegi yai doloba pai kolesaga naga iyąo. Tama dagego duga deli hani dabe dali hobede homu iyąo, tama augwali tau sabo sę yao.

Kolosi 3:12

Dage da, te Godigo we bidi hani dao. Agai dage dali dwagi yai homu eyu, tama dage godolo ebaso tama dage aga we bidi hani pedalomainogo, agai dage te tigidali we bidi tomodu dią sali. Tama dią sobaso, bidigo aga gesi ugwa dabe gudubo tiwai gilama dagego e dwagi yai kolesaga selama tama yao: dagego we bidi hobede yao, augwalibolo dwagi yai sę naga yao, hagoma homu eyu duga nogi ugwaba sigio. Sesena pai homu egimio, we bidi dali dua dao. Bidigo dage dali dwai sę ebaso da, te dagego sula tagalama sębę polo egimio.

1 Korin 12:26

Tama tiyu te tigi me badu pedai badu dene eyu da, te tigidali badu dwai bidaibao. Tama me deli badu te nogi sobaso da, te tigi tigidali badu augwaligo te aga dali wiegi yai homu yaibao.

Matyu 18:33

‘Tama te sogo eno nage hobede yai dao. Tama magi baso nago me naga abagi te gasa sę tonalubo bidi hobede yai meniwe?’ wali.

1 Jon 3:14

Dago dena ama dabe augwali dali dwagi yai homu eyu godolo ebaso, tama te dago koneai, dago te genuai sia dabo buluba pabo tų tagalama, tama da te bidada peyu bidada pabo ula sabo tų sabolai dao. Gasa we bidi dali dwagi yai homu eyu godolo ebo kolesaga masiąbo bidi, aga te genuai sia dabo buluba pabo tųdu me bilibo dao.

1 Korin 1:10

Ama dedeo, te dago Genuai Bidi Jisas Krais agai aga nogigo bomo enabolo mobaso, eno homu dene ebadi te nogi bomogo eno e po dagebolo megi obao, dage tigidaligo deli homu naga eyu tama po deli tama wao. Dage si sela pebeda pigimio. Te mu menio. Dage bidibo deli hani tama bidiyu, deli homu kolesaga naga dali, te deli sę yabo homu dali te sę yao.

Godigo Sęba Tagala Palai Bidigo Po 4:32

Te bidi Jisas konealubo we bidi augwali homu deli, kolesaga deli elama, bugagia bidali. Bidi mego “Te nai ena naga dao” po me wabe. Augwali tigidaligo augwa doado bage dobolama, tigidali we bidi usu yai.

1 Pita 5:5

Te dage gesi bidi dabe, dage me te dolo kolesaga eyu, te tonalubo bidi dabe dologode bidiyu, augwaligo wabo po bugagia odiąo. Tama dage we bidi me, dage tigidali te nagamea pai homu eyu, tama te olo sę ebo we bidi tiwai bidiyu, dage tomode duga hasi te tau sabo sę yao. Magi baso meni, te Godigo po bukude te nagamea pai homu ebo kolesagade e po elalubao, “God agai te kolesaga hagoma ebo we bidi dali boi bidi homu eyu, bomo elama dolalubo dao. Tialima te nagamea pai homu ebo we bidi dali agai te olo tau sabo kolesaga ebo dao.”

Hibru 13:1

Dage Godigo po wali pabo we bidi, sesemane sogo dagego duga hasi duga ama dede dali dwagi yai homu eyu godolo iduao.

2 Pita 1:7

Tama te kolesaga ebadi, te duga hasi abagi dali dwagi yai homu eyu godolo mu ebo kolesaga me yao. Tama tibadi, te tigidali we bidi dali dwagi yai homu eyu godolo mu ebo kolesaga, te me dagego yao.

1 Pita 2:17

Tama dage tigidali bidi dali augwali nogi ugwaba sabo homu eyu, augwali dologode bidao. Godigo we bidi hani dali dwagi yai homu eyu, godolo mu yao. God aga wi eyu, tama aga dologode bidao. Te gavman tuni bidi aga nogi ugwaba muyu, aga dologode bidao.

Godigo Nogi Ugwaba Sabo Tęąbi Po Wabo Buku Dabe 103:13

Ayago aga wai dabe hobede ebo dao. Tiwai Genuai Bidigo aga dali wi ebo we bidi augwali hobede ebo dao.

Jems 5:11

Tama te tiwai augwaligo te sęgę polobadu bugagia tolai baso, megi dago tama po wabo dao: “Te homu kolesaga dąų olama te sęgę tolali bidi dabe, te bidi megi augwaligo homu wiegi yai eyu bidibao.” Tama gasagi yai bidi me agai nogi Jop, agai yali sę po dagego odai. Te genuai sęgę hauwa te agabolo pedalali digi te agai bomo eyu dolalu, te sęgę te aiyaba elaluai. Tama nosali Genuai Bidigo dwagi yai kolesaga aga dali yai, te me dagego koneai. Tama te bidi Jopde yali sę po odama, tama dago koneani, Genuai Bidi agai da hobede mu eyu, tama sesemane sogo agai da homu dene elama, da agai dwagi yai homu eyu, da olo mu tau sabo dao.

Jems 2:13

Magi baso menio. Bidi me deligo gasa bidi homu dene eyu tau sisiąyu bidali, tama te sogo Godigo we bidi dagalobode, te gasa bidi homu dene esiąyu tau sisąyani te bidi aga Godigo homu dene eyu tau sogobeo. Te menio. Tiali goli, niwai bidi agai gasa bidi homu dene elama augwali tau sali te bidi, te usu da, Godigo te bidi tau siyu, tama te Godigo bidi dagalobode te tiwai bidi aga te po tų dali te sęgę me dene sogobeo. Te menio.

Filipai 3:16

Tialima te Godigo dabolo polobadu waselali yabo kolesaga, te kolesaga dago bugagia wali pomainao.

Polgo Po Pas Rom Dabeba Asęani 15:5

Te God da, te haniani sęgę tolabo bomo page bidi dao, te dwagi yai mobo mabo po page bidi dao. Tama eno homugo te Godigo dage tau siyu, tama dage te Krais Jisasgo yali homu kolesaga wali mu peyu, tama dage deli homu naga duga hasi elaluyu bidaibao.

Godigo Sęba Tagala Palai Bidigo Po 28:7

Te bulu pąde te me badu tǫ deli elalubo, te tǫ te bidi me deli agai tǫ da. Tama te bidi te Malta tǫde bidibo we bidi augwa tobolu bidi deli da, te bidi nogi Publius. Tama te bidigo da agai beba odasa pelama, da agai bugagia nai ula mayu bidali. Tama da sela sogo aga dali bidali.

Godigo Sęba Tagala Palai Bidigo Po 27:3

Tama pelama, do kigamu geba tuagasabo pesageba sabolali, te bulu nogi Saidon. Te ami tobolu bidi Julius agai Polbolo dwagi yai kolesaga yali. Agai Pol tagala palama, Pol aga abagi dabe sugi pelama, augwaligo agabolo tubo nai dabe mani.

Godigo Sęba Tagala Palai Bidigo Po 2:1

Te nosali te Pentikos sogo asobo si, te Jisas homu dąų wabo we bidi tigidali te deli beba sisinagasali.

Bugagia Bidibo Kolesagade Po Asęai Buku 28:8

Te bidigo te bidi dabego agaba te nai negeli somainu elama, tama agai te augwalide gasa ugwadu daganobo profet mone genuai dali sobaso da, teda agai te mone tolalubaso, usu me egobeo. Menio. Te mone te magi nai meni yai bidi dabe tau sabo bidigo nogoba pelama, tama te magi nai meni yai bidi dabe tau somainu ebo dao.

Dwagi Yai Gesi Po Lukgo Asęani 10:33

Tiali goli, Samaria bidi me te tųdu naga asiyu, te bidi suali. Te sulama, tama te boi yai bidi dao, te homu elama, tagalobe, moni homu dene yali.

Efesus 4:32

Te tobage dwai kolesaga munu me egimio. Te menio. Tama dagego duga ama dede dali deli homu eyu dwagi yai tau sabo sę yao. Tama duga hasi dali homu dene eyu, augwali godolo mu yao. Tama duga hasigo dwai sę dagebolo ebaso da, teda dage sębę egio, te dagego augwali godolo mu eyu augwaligo yali dwai sę sela sąyao. Te Krais agai dage tau selama tama Godigo dagego yali dwai sę sęgę sela sąwai dao. Te tiwai kolesaga dagego me tiao.

Filipai 2:3

Gasa bidi tau sabo kolesaga tagalama, tama duga digide naga homugo kone paluyu, duga nogi naga olo ugwaba sabo kolesaga eyu, dage te tiwai bidilamuo. Te menio. Te imilai homu eyu, e homu yao, “Te gasa we bidi augwali dwagi yai bage dao. Ena augwali dologode bidaibao,” te homu yao.